ارجو النصيحه(شداد الكتينه الجنزير)

[zega332]

السلام عليكم
معايا لادا نيفا كل فتره قصيره لازم اغير الشداد بتاع الكتينه الجنزير الي بيبقى من جوه الموتور من تحت غطاء التاكيهات هو حجمه صغير وضعيف وبيتكسر علطول
المشكله ان اول مره تحصل معايا مخدتش بالى وفضلت ماشى بالعربيه وكنت جاى من سفر وبالصدفه تانى يوم بفتح اشوف المياه والزيت لقيت حوض العربيه غرقااااااااان زيت طبعاً افتكرت الموتور باظ لأنى مشيت عليه طول طريق السفر بس الحمد لله ربنا ستر .
بعد كده بقيت اخد بالى لما يجيب زيت من عند مسمار الشداد والاقى صوت طقطقه اعرف ان الشداد اتكسر ياترى مفيش حل
فكرت اعيد لحامات على الشداد بس الميكانيكى قالى مينفعش
ياترى مفيش حل

[aldesha989]

انتا تقصد سير الكتينه صح ؟

غالبآ السير ريح واكل وش التقسيمه حصلت معايا ولحمت وش التقسيمه عند واحد بتاع الومنيوم وركبته وغيرت سير وكتينه
بس لو ما نفعش هتجيب وش تقسيمه جديد وجوانات طبعآ

ده لو اللى انا فهمته صح اما لو انا فاهم غلط ان شاء الله الاعضاء يفهمونى ويفهموك بأمر الله

[ahmed_gamal777]

متابع باهتمام

[MEKAWY2000]

نحمد الله على سلامتك وسلامه السياره اولا بص على بلف الشداد وشوفه شغال ولا لا وخلى بالك ان فى ميكانيكيه بتخترع خرم البلف وتركيب مسمار يشد الكاتينه وفى الحاله دى ممكن تؤدى الى قطع الكاتينه غير الشداد والبلف مع بعض وان شاء الله يكون الحل بدون تغيير ترس التقسيمه

[mohammed dodda]

الحمد لله ربنا ستر...متابع

[zega332]

انتا تقصد سير الكتينه صح ؟

غالبآ السير ريح واكل وش التقسيمه حصلت معايا ولحمت وش التقسيمه عند واحد بتاع الومنيوم وركبته وغيرت سير وكتينه
بس لو ما نفعش هتجيب وش تقسيمه جديد وجوانات طبعآ

ده لو اللى انا فهمته صح اما لو انا فاهم غلط ان شاء الله الاعضاء يفهمونى ويفهموك بأمر الله

هو حضرتك المشكله مع كاتينه جنزير مش سير كتينه
ومتشكر على الاهتمام

[zega332]

نحمد الله على سلامتك وسلامه السياره اولا بص على بلف الشداد وشوفه شغال ولا لا وخلى بالك ان فى ميكانيكيه بتخترع خرم البلف وتركيب مسمار يشد الكاتينه وفى الحاله دى ممكن تؤدى الى قطع الكاتينه غير الشداد والبلف مع بعض وان شاء الله يكون الحل بدون تغيير ترس التقسيمه

معلومه قيمة هو فعلاً انا بغير الشداد بس لأنه بيتكسر ومعرفش موضوع البلف ده فى مشكله ولا لأ بس مفيش اي صوت غريب طالع من الموتور

[MEKAWY2000]

طالما مافيس صوت خشوله يبقى البلف مش شغال يبقى على وضع الشد المستمر للكاتينه وبالتالى الكاتينه بتاكل الكاوتش الى ان تصل الى القطعه الحديد او باقى الشداد فى الحاله دى الشداد لازم ينكسر

[zega332]

شكراً استاذ مكاوى على المعلومات القيمة

[MEKAWY2000]

متابع