بعض المشاكل فى لادا 2111

[menasat]

اولا
العربية لادا 2111 موديل 2006عاملة 50000 كيلو
لما بدور العربية بلاحظ نزول نقط سوداء من الشكمان ورعشة قوية فى العربية وساعات كتير تبطل لوحدها يعنى مجرد انقل السرعة او ابطىء وقبل المور تروح مبطلة
هل ده ليه علاقة بالرعشة والنقط السوداء ولا ده سلك دبرياج عايز يتشد؟
طيب لو ده مالهوش علاقة
اعمل ايه
فى ناس قالتلى غير البوجيهات وهات انبوبة غسيل الرشاشات اللى بتتركب على الرشاشات مباشرة
ايه رأيكم فى الكلام ده؟
ثانيا
اللمبة اللى بتدل على ان فى حاجة مش مظبوطة فى الموتور دى بتظهر فى النص الاسفل للتابلوه
ساعات كتير بتنور
فى ناس قالتلى برضوا تروح تكشف عليها كمبيوتر
طيب الكلام ده صح ولا غلط
وهل ليها علاقة بالحاجات اللى فاتت؟
ثالثا
بسمع صوت صفارة عالية لما بكسر الدركسيون
ده معناه ايه؟
وشكرا مقدما لتعبكم معايا

[menasat]

32 مشاهدة ولا رد ولا تجاوب واحد!!!!!!!!!!!!!!!!!!!!!!!!!!!!!!!!!!!!!!!!!!

[menasat]

upp

[menasat]

upp

[windofchange]

اكشف عليها بالكمبيوتر وقبل كده حط في تانك البنزين زجاجة منظف رشاشات علي التانك وانت بتفول علشان تختلط كويس من ضغط مسدس البنزين...في ليكوي موللي منظف رشاشات عند الموزعين له زي واحد في ش دمشق مصرالجديدة وفي منظفات زي stp و gunk بيتباعوا فالبنزينة وبعد ماتقرب تخلص البنزين اللي فالتانك تروح للمكيانيكي تغير البوجيهات بالنوع المخصص للموتور بتاعك وده تعرفه من موقع البوجيهات تدخل نوع العربية يديلك كود النوع المناسب لك وتخللي الميكانيكي ينظف بوابة الموتور والموتور بارد وده قبل تغيير البوجيهات وتغير فلتر البنزين وتغيير فلتر الهواء او نفخه من التراب لو حالته كويسة لو مظبطتش يبقي تكشف عليها كمبيوتر آخر حاجة ممكن كون حساس بايظ عايز تغيير او تنظيف

[windofchange]

موتورك انجكشن ولا كربيراتير لو انجكشن يبقي منظف رشاشات بيتحط فالتانك زي ماانا قلت فوق لو كربيراتير يبقي الميكانيكي يمظف الكربيراتير او انت تنظف بنفسك او حاجة بالاسبراي المخصوص اللي بيتباع له دي اول خطوة ويليها باقي الخطوات اللي ذكرت فوق

[menasat]

اكشف عليها بالكمبيوتر وقبل كده حط في تانك البنزين زجاجة منظف رشاشات علي التانك وانت بتفول علشان تختلط كويس من ضغط مسدس البنزين...في ليكوي موللي منظف رشاشات عند الموزعين له زي واحد في ش دمشق مصرالجديدة وفي منظفات زي stp و gunk بيتباعوا فالبنزينة وبعد ماتقرب تخلص البنزين اللي فالتانك تروح للمكيانيكي تغير البوجيهات بالنوع المخصص للموتور بتاعك وده تعرفه من موقع البوجيهات تدخل نوع العربية يديلك كود النوع المناسب لك وتخللي الميكانيكي ينظف بوابة الموتور والموتور بارد وده قبل تغيير البوجيهات وتغير فلتر البنزين وتغيير فلتر الهواء او نفخه من التراب لو حالته كويسة لو مظبطتش يبقي تكشف عليها كمبيوتر آخر حاجة ممكن كون حساس بايظ عايز تغيير او تنظيف

الف شكر يا باشا على ردك وتعبك

[hassanin_lada]

متابع ياباشا وانشألله خير


النقط السوده دي ممكن يكون الجكمان جاب اخره وتكون العلبه عاوزه تتغير

حضرتك ممكن تخبط علي العلبة وهتحس ان كانت جابت اخر او لا

[heshamfahdaa]

باشا انا اسمى هشام عند محل الفهد عندى الجهاذ الأصلى للأدا فقط كشف اعطال كلمنى و اساعدك و عندى صيانة كاملة 01225185164

[karimmagdy50]

الدريكسيون ممكن يكون البيض اوعلبة الدريكسون لو تقيل اوى عن المعتاد هيكون كده

[tamim]

كلمنى على التليفون انا عندى العربية دى وهحللك مشكلة اللمبة الصفراء وانت اللى هتعملها بنفسك
01008826415

[74_semsem]

كلمنى على التليفون انا عندى العربية دى وهحللك مشكلة اللمبة الصفراء وانت اللى هتعملها بنفسك
01008826415

ممكن تفيدنا في موضوع لمبة الاعطال

[mohsal]

زى مااﻻخوه أعضاء نصحوك ﻻزم تكشف على الكمبيوتر ممكن كمان يكون حساس اﻻ يدل فيه مشكله

[74_semsem]

شكرا جزيلا علي الرد، هل هناك مكان لكشف الكمبيوتر