هل من مجرب الاسكترا الجديده بتاعة حمدى لادا ؟؟

[lada2105]

أهدي للسادة أعضاء ومجلس ادارة الموقع تحياتى الشخصية،،،، متمنين لسيادتكم والاعضاء دوام التوفيق والتقدم.
فى البدايه انا امتلك سياره لادا 2107 موديل 2007 روسى الصنع

ولكن لا يناسبنى الدريكسيون بتاعه حاسس انها ؟؟؟؟ ولكن انا عندى صديق برده معاه نفس الموديل ولكن ركبله باور عند حمدى لادا وبيشكر فيه جدا مش بيشكر فى حمدى ولكن بيشكر فى الباور هههه ولكن برده الاتنين احسن من بعض مش اطول عليكم .
قمت بالاتصال بحمدى لادا قالى انه دلوقتى يوجد اسكترا وهى برده كويسه وثابته على الطريق ولكن انا بصراحه بعض اصدقائى خوفونى من الاسكترا قالوا يا اما باور يا اما بلاش

هل يوجد من الاعضاء جرب الاسكترا وماهى مميزاتها وعيوبها ؟
هل يوجد توكيل تانى بيركب باور للاداء غير حمدى لادا
شاكرين افضال كل من ساهم فى الموضوع
تحياتى الشخصيه لكل الاعضاء جميعا عضو عضو وكمان كمبيوتر كمبيوتر وهكذا ..ههههه

[MEKAWY2000]

ياريت حد يقدر يفيدك يكون مجرب الاسكترا بس هل انت سالت على امكانيتها وهل هى خمسه بليه لو هى 5بليه تبقى تركب اسكترا5بليه بتاعه النيفا لو الاسكترا بتاعتك سليمه هتدفع فرق فى حدود250جم وريح دماغكوهتفرق معاك فى الشغل حوالى 50% واستنى ردود الاعضاء عليك يمكن يكون حد عنده فكره تانيه او جرب الاسكترا بتاعه حمدى لادا

[lada2105]

شكرا يا نجم على المعلومه ولكن انا معنديش اسكترا ولكن علبة دريكسيون وليست اسكترا ولا اعرف شئ على موضوع 5 بليه او اربعه بليه يارب حد يرد يكون جرب شاكر افضالك

[amir salah]

معلش سؤال لحضرتك ممكن اعرف صديقك ركب الباور بكام عند حمدى لادا واية اخبار الباور معاة

[mando242526]

صديقى انصحك بالتوكيل التكلفة تقريبا واحدة حوالى2500 او 3000 بس هو الاضمن وبلاش تعديل فى العربية لان الاسكترا مش من اساسيات الادا وشكرا

[MEKAWY2000]

هو الاسهل ليك علبه دركسيون النيفا ال5 بليه

[lada2105]

شكرا يا وزير على الرد بص يا سيدى انا كان معايا لادا 2105 موديل 1995 وقابلته بالصدفه عند الميكانيكى منذ حوالى سنه وبعدين وقفت معاه فكان بيقول للمكانيكى بصلى على زيت الباور فسالته قال انه ركبه منذ شرائه لسياره عند حمدى لادا جسر السويس من اول يوم استلم فيها السياره وتكلفته 2000 جنيه ,,, فسالته وفاعليته قالى زى المرسيدس بالضبط مريح جدا لان برجل السياره مفتوح من الامام بسبب وحده الجر خلفى وثابته السياره على الطريق وللاسف اتصلت بحمدى قالى انه بيركب اسكترا ومعدتش بيركب باور

[MEKAWY2000]

يارجاله انا اول مااشتريت السياره فى شهر فبراير 2007 وبعد الترخيص سالت على امكانيه تركيب علبه دركسيون اخف من بتاعت الادا ولقيت المناسب ليها علبه دركسيون 5 بليه بتاعه النيفا وركبت واشتغلت زى الفل مافيش مشاكل والدركسيون بقى خفيف بنسبه 50%عن الاول ومريحه اما بالنسبه للباور فكل الى ركبوه ماشكروش فيه خالص وخصوصا فى السرعات العاليه المفروض الطلمبه تفصل على 80 او90كم لاكن مابتفصلش وربنا المستعان

[ahmed_gamal777]

يا كبير مكاوى جابلك من الاخر
عايز الدريكسيون اخف يبقى عليك وعلى الباور واتوكل على الله
موضوع الاسكتر تعديل مش بتاع العربية اساسا
والباور حلو جدا جدا جدا لغاية 100كم
بعد كدة مش كويس
ولكن جوة البلد وفى الركن ان راكب عربية مل بل

[Ahmed_BYD_F0]

يا جماعة انا مش فاهم ايه الاسكترا ده يعنى ايه ووظيفته ايه وحيحسن من اداء العربية ازاى

[MEKAWY2000]

متابع

[hassanin_lada]

طب احنا نتعب نفسنا ليه

ماهو الاستاذ خالد قالنا انو مركب علبة دركسيون بتاعت تيوتا 82 ومصور فيدو كمان علي سرعات عاليه والراجل بيشكر في الثبات وفي الركن بيقول ممتاز

ليه نروح للي مانعرفوش !!

والتكلفه 500 جنيه يعني يابلاش

انا انشألله لما علبة دركسيون تجيب اخرها هغيرها ببتاعت التيوتا انشألله

[lada2105]

طيب ممكن رقم تليفون الاستاذ خالد او الاستاذ خالد يكون مشكور ويقوم بالرد فى هذا السئوال ويحكلنا عن تجاربه ومين الللى ركبهاله ؟؟؟

[hassanin_lada]

طيب ممكن رقم تليفون الاستاذ خالد او الاستاذ خالد يكون مشكور ويقوم بالرد فى هذا السئوال ويحكلنا عن تجاربه ومين الللى ركبهاله ؟؟؟

هو اليومين دول بيشد عربيته فامشغول وممكن مايدخلش ده رقمه 01110362498

حضرتك تعرفه بنفسك من حيث نايل متورز ةالراجل مش بيتاخر في اي حاجه

وياريت لو عملت الموضوع ده تعملنا بيه تقرير وجزاك الله كل خير