تفتكروا إيه اللي ناقص العربية لادا 2107 عشان تحقق الرفاهية

[sniper2010]

كلنا عارفين إنها عملية بس يا ترى إيه اللي ناقصها عشان تحقق رفاهية لراكبها _ _ _
إيه في رأيكو الحاجة اللي لو اتعملت فيها هتخليها تكتسح المبيعات في السوق _ _ _
بس بشرط كل واحد يختار حاجة واحدة بس تكون في رأيه هي أهم حاجة و يقولنا اختارها ليه و ليه هي أهم من غيرها

[cobraa2008]

انا عن نفسي موش هاقول حاجة واحدة فا استحملني
1- الشكل لازم بتحول من زوايا قائمة الى منحنيااااااااااات وحاجات اخرى
2- لازم تبقى انجكشن
3- بااااااااااااااااور
4- تككككككككيف
5- الكراسي توطى شوية
6- تبقى دفع امامي
ده اللي في وجهة نظري اللي لازم يتغير في العربية
7- ممكن يتركبلها استوك كاسيت (( هو معمول بس كلاريون))

[sniper2010]

الإنجكشن موجود

الشكل _ _ _ يعني _ _ _ ما اعتقدش إنه يفرق قوي

بس الباقي أنا موافقك عليه تماما

لكن لو أنا اللي هختار _ _ _ أختار الباور أو تعديل نظام التعليق ليعطي ثبات أكبر للعربية أو فرامل إي بي إس

إيه ده _ _ _ تصدق انا كتبت 3 حاجات _ _ _ فعلا حاجة واحدة مش كفاية

[cobraa2008]

اولا نظام الثباااااااات اللي في الادا 2110 افضل من ثبااااات الانوس والفيرنا وده عن تجربة

الي abc اعتقد انه موش هاتفرق كتييييييييير معاك لان انت موش هتحتاجه لاقدر الله ده بس عوامل امان زيادة لاكن المهم توفر اير بااااج ده اللي اهم من الاي بي اس

[sniper2010]

يا باشا أنا بتكلم عن 2107 لأنها رخيصة
أما عن 2110 فهي بسعر الدايو تقريبا يبقى الواحد يجيب دايو أحسن

[cobraa2008]

طب ليه يجيب الدايو اذا في عربية افضل منها بس ها يستغنى عن البااااااااور

[tamim]

انا بسمع ان ال2110 بيتركبها باور ب500 جنيه لانها اصلا الروسى منها باور مش كده ولا ايه
على فكرة دى مش المشكلة عندى المشكلة ان العربية نص قطر الدوران بتاعها كبير شوية وده اعتقد فى المصرى بس
المهم انا شايف اللى المفروض يتعمل فى 2107 ان ينزل منها ال2107 الجديدة هى فيها انحناءات شوية وتبقى باور الناس زهقت برده من شكلها المعلب

[tamim]

فى حاجة كمان مهمة صوت الموتور عالى جدا هل الحل فى الصوت ده بتغير سير الكاتينة من حديد لكوتش ؟؟ام الموتور كله اللى صوته عالى

[ahmed1981]

تغيير الموتور
فذلك الموتور الأثري العقيم قد ولى زمانه
وبتغيير ذلك الموتور سنستطيع تركيب باور وتكييف وتحسين وضع العفشة الأمامية

[mohamed2002]

يفضل الماتور زي ما هوة وكل حاجة بس يتم تعديل الشكل ولتكن مقاربة للشاهين ,طبعا بالاضافة للباور والتكييف اللي هما فيها دلوقت وحتبقي 100/100

[sniper2010]

يا جماعة انا عايز أغير رأيي _ _ _ أختار التكييف _ _ _ لان بصراحة الواحد مش طايق الحر ده أما الدركسيون مقدور عليه أما الثبات : هو يعني لو العربية طيارة هتمشي بيها على كام في شوارعنا الجميلة _ _ _ أعتقد إن ثبات اللادا الممتاز لحد 110 كيلو في الساعة كويس جدا و مناسب تماما لحالة الطرق بتاعتنا _ _ _ بس التكييف فعلا نعمة _ _ _ نعمة كبيرة

[tatu_181]

هوا أصلا كلمة اللادا 2107 و الرفاهية نقيضان...فمتقولش ايه اللى ناقصها لان هيا مفيهاش حاجة من حاجات الرفاهية أساسا

[sniper2010]

امال احنا عاملين الموضوع ده ليه

[galallada2105]

مداخلتى متأخرة لكن ارجو قبولها (بتكلم عن 2107)
1 - عوامل الامان :
- يا ريت يركبولها وسائد هوائية (مهمة جداً جدأً جدأً) اخويا عمل حادثة بعربية لادا 2105 كانت بتاعت زميله دخل فى بقعة زيت العربية زحفت واتقلبت بيه ومكنش لابس حزام الامان وربنا سترها اتخبط فى الدريكسون واخد كدمه جامدة فى ضلوعه ربنا يكفينم شر الحوادث .
- يقربو العربية من الارض بدل ما ارتفاعها عن الارض من 25 : 30 سم علشان يبقى فيه ثبات .
- العفشة عموماً يركبولها (مساعدين ويايات وجلد وجلب وشدادات ....الخ )غير الروسى والمصرى علشان العربية تبقى ناعمة
- تعديل حجم الطنابير والتيل ليتناسب مع وزن العربية وميحدفش فى السرعات العالية وتبقى الفرامل ليها رد فعل سريع مش الواحد يكارك مرتين او ثلاثة الاول وده طبعاً لما العربية تقدم شوية .
- يركبولها جنط اعرض 14 ً ويا ريت لو سبور.
2 - الكماليات :
موجودة والحمدالله (باور - تكييف - سنتر) ويا ريت يزودو فتح الشنطة والتنك من الداخل ماعتقدش تكلفتهم عالية .
3 - الشكل الخارجى :
الشكل القديم تعودنا عليه بس شوية انسيابية بردوه مطلوبة .
4 - المحرك :
سحبه كويس جدأ بس ياريت يغيروا الرداخ بطرمبة بنزين ويا ريت لو انجكشن واسبراتير اليكترونى او يخلو مسامير الضبط فى الكربراتير 1 بدل 3 زى الشاهين .
على فكرة ممكن الشركة تنزل العربية باكثر من مستوى فى التقفيل زى كل العربيات .
لكن هل لو العربية حطينا فيها كل حاجة هتفضل فى نفس الفئة السعرية والناس هيثقوا فيها بسرعة وهيقبلوا على شرائها ، ارجو انى اكون ابديت رايى بصورة مفيدة وشكراً .

[MoDyBeNz2008]

يشوفوا حل للمقصات و بيض المقصات علشان دي اكبر مشاكل 2107

لو اتحلت يبقى الحمد لله و نفكر في الباقي

- عوامل الامان :
- يا ريت يركبولها وسائد هوائية (مهمة جداً جدأً جدأً) اخويا عمل حادثة بعربية لادا 2105 كانت بتاعت زميله دخل فى بقعة زيت العربية زحفت واتقلبت بيه ومكنش لابس حزام الامان وربنا سترها اتخبط فى الدريكسون واخد كدمه جامدة فى ضلوعه ربنا يكفينم شر الحوادث .
- يقربو العربية من الارض بدل ما ارتفاعها عن الارض من 25 : 30 سم علشان يبقى فيه ثبات .
- العفشة عموماً يركبولها (مساعدين ويايات وجلد وجلب وشدادات ....الخ )غير الروسى والمصرى علشان العربية تبقى ناعمة
- تعديل حجم الطنابير والتيل ليتناسب مع وزن العربية وميحدفش فى السرعات العالية وتبقى الفرامل ليها رد فعل سريع مش الواحد يكارك مرتين او ثلاثة الاول وده طبعاً لما العربية تقدم شوية .
- يركبولها جنط اعرض 14 ً ويا ريت لو سبور.
2 - الكماليات :
موجودة والحمدالله (باور - تكييف - سنتر) ويا ريت يزودو فتح الشنطة والتنك من الداخل ماعتقدش تكلفتهم عالية .
3 - الشكل الخارجى :
الشكل القديم تعودنا عليه بس شوية انسيابية بردوه مطلوبة .
4 - المحرك :
سحبه كويس جدأ بس ياريت يغيروا الرداخ بطرمبة بنزين ويا ريت لو انجكشن واسبراتير اليكترونى او يخلو مسامير الضبط فى الكربراتير 1 بدل 3 زى الشاهين .
على فكرة ممكن الشركة تنزل العربية باكثر من مستوى فى التقفيل زى كل العربيات .
لكن هل لو العربية حطينا فيها كل حاجة هتفضل فى نفس الفئة السعرية والناس هيثقوا فيها بسرعة وهيقبلوا على شرائها ، ارجو انى اكون ابديت رايى بصورة مفيدة وشكراً .