المفروض نعمل ايه؟؟؟

[mohammed dodda]

هوه ليه مع اللادا معظم الناس بتستنى لما حاجة تبوظ عشان تصلحها؟؟ ليه ميكونش فيه صيانة دورية وخطوات محددة لازم تتعمل كل عدد معين من الكيلومترات زى بقية العربيات؟؟؟ يعنى مثلا انا عايز اعرف ايه اللى المفرض يتغير كل 10000 كم حتى لو العربية كويسة معايا؟؟؟ تجنبا لاى مشكلة فجائية لاقدر الله...

[aldesha989]

المفروض الصيانه الدوريه بتبقى زيون وفلاتر وسيور وقواعد ماتور وجير بوكس وتيل فرامل ورا وقدام وطنابير وديسك واسطوانه وبلى عجل وبلى دبرياج

دى الحاجات اللى بتغيرهم كل فتره بتتراوح ما بين كل حاجه والتانيه اوقات مش كل حاجه بتتغير مع بعض


يعنى مثلآ كل 3 او 8 الاف على حسب نوع الزيت تغيره وتغير معاه فلتر كل مره اول كل مرتين

وكل عدد كيلوات معينه بتغير سير معين وكل عدد كيلوات معين بتغير تيل فرامل على حسب العدد اللى ماشى عليه بتغير حاجه

[AlGazar2]

كل 10 الاف فلتر بنزين لو بتستخدم 80 و معاها بوجيهات لو بتستخدم 90 او 92 يبقى كل 20 الف و تغير فلتر هوا و تنضفه كل فتره و طبعا غيار الزيت و فلتر على حسب انت بتحط 5 الاف او اقل او اكتر

و مع غيار البوجيهات او كل سنه مثلا تغير ابلاتين و كوندنسر
و تربط عفشه العربيه و تراجع على السوائل بتاعتك مياه و زيت باكم و لو عندك باور يبقى زيت باور و كل 50 الف تغير زيت كرونه و زيت فتيس نضافه و حفاظ عليهم

تعمل روتيشن للعجل كل 10 الاف تقريبا او 20 مش فاكر بالظبط

[Ahmed_BYD_F0]

يعنى يا جماعة مفيش جدول محدد يقدر حد فيكو يعملهولنا يوضح فيه الخطوات دى

[hassanin_lada]

يعنى يا جماعة مفيش جدول محدد يقدر حد فيكو يعملهولنا يوضح فيه الخطوات دى

في جدول كان حاطه استاذ احمد جمال فيه كل شئ بس للاسف مش لاقيه

اصبر هو اكيد هيدخل وهيفيدك

[mohammed dodda]

المفروض الصيانه الدوريه بتبقى زيون وفلاتر وسيور وقواعد ماتور وجير بوكس وتيل فرامل ورا وقدام وطنابير وديسك واسطوانه وبلى عجل وبلى دبرياج

....طب لو سمحت انا عايز اعرف من الاصدقاء امتى نغير الثلاث حاجات دول :(قواعد موتور-جير بوكس-طنابير) وليه بنغيرهم لو كويسين وايه هيه علامات قرب انتهاء عمرهم؟؟؟

[mohammed dodda]

كل و كل 50 الف تغير زيت كرونه و زيت فتيس نضافه و حفاظ عليهم

....طب ما هو افضل نوع زيت فتيس للكورونة والفتيس للعربية اللادا فالحاجات دى بتخصنى

[alaabebo]

ده الجدول بتاع استاذ احمد جمال

[ahmed1981]

مش هتفرق كتير عن الشاهين

شوف كتالوج الشاهين :ــ

http://www.nilemotors.net/Nile/66030-sahin-catalog.html

[hassanin_lada]

....طب لو سمحت انا عايز اعرف من الاصدقاء امتى نغير الثلاث حاجات دول :(قواعد موتور-جير بوكس-طنابير) وليه بنغيرهم لو كويسين وايه هيه علامات قرب انتهاء عمرهم؟؟؟

الحاجات دي بيبقي عمرها بباركه لان في حاجه مش كويسه وفي حاجات بتعيش العمر كله عربيتنا مش زي اليباني ولا الالماني


عموما لما يبقي في رجه في المتور او تمسك المتور من فوق وتحركه لو بيتحرك معاك يبقا القواعد عاوزه تتغير

الجير بوكس اكيد لما الفتيس يبدأ يعض او الغيارات مش مستريحه

وطبعا مش اول مايبوظ بنغيره بيتعمله حاجه زي العمرات كده يعني لو سحب العربيه تعبان ومافيش استجابه في المطالع يبقي طقم دبرياج وده غالبا في حدود 400 جنيه وهتلاقي العربيه بعد كده طيارة

ام لو في خشونه في الغيارات الفتيس بيتفك وبيتشاف فيه ايه وموضوع انه يتغير دي بتيجي بعد زمن طويل ده لو عربيتك مودلها حديث

الطنابير اسهل طريقه تعرف بيها اذا كانت سليمه او في حاجه لا قدر الله هي انك لما تيجي تضرب فرامل لو في رجه في الدركسيون يبقي كده الطنابير تعبانه (متاكله -مش مستويه )

وافضل شئ انك تغيرهم ومتسمع لكلام واحد يقولك نملاهم

وبالمره تيل الفرامل لو انت علي سرعات عاليه وجيت ضربت فرامل وسمعت صوت حكت حديد اعرف ان الفرامل جابت اخرها ولازم تتغير فوري عشان ماتبوظ الطنابير

[hassanin_lada]

....طب ما هو افضل نوع زيت فتيس للكورونة والفتيس للعربية اللادا فالحاجات دى بتخصنى

زيت موبيل لزوجه 80 لو حالتهم كويسه

ولو تعبانين يبقي زود اللزوجه

[MEKAWY2000]

75w90

[Ahmed_BYD_F0]

في جدول كان حاطه استاذ احمد جمال فيه كل شئ بس للاسف مش لاقيه

اصبر هو اكيد هيدخل وهيفيدك

متشكر جدا يا باشا اهتمامك بالرد على

واهوه انا فى انتظار جدول الاستاذ احمد جمال

[Ahmed_BYD_F0]

ده الجدول بتاع استاذ احمد جمال

فين هوه ده يا برنس علاء

[karimmagdy50]

ياباشا الادا من العربيات اللى مميزة بانها بتاعت شغل فانت مش لازم تعملها عدد كيلو مترات وكده لان اغلب قطع الغيار اللى بتجيبها الا مضروبة فهتتعب
الكلام ده لو معاك عربية فافى