ليه منستفيدش من قطع غيار العربيه بتاعتنا ونبيعها لبعض !!!!!!!!!!!!

[SHNORY]

السلام عليكم ورحمه الله وبركاته
كلنا عندنا حاجات مغيرينها في العربيه وواخدين القديم
فيها حاجات شغاله بنسبه 70%
وفيه حاجات ممكن تكون عاوزه تتصلح بس صاحبها استسهل واتشري غيرها
وفيه حاجات ممكن تكون شغاله واتشالت بسبب اي تعديل اتعمل في العربيه
فايه رايكم لو كل واحد عنده قطعه غيار يقول انها موجوده عنده ويكون سعرها رمزي لان ممكن يكون فيه حاجه حد دايخ عليها ومش موجوده ومحتاجها باي حاله ممكن تكون عليها
او غيرها واخدها غتاته علشان الميكانيكس ميطبقهاش ويبيعها ويبقي كسب من وراك مرتين زي ما حصل معايا وغلطتت وسيبتله جيربوكس سماره 4 غيار بس كنت لسه مبتدئ
وطبعا الحاجه مش حتكون ببلاش واللي عاوز يكتب سعر يكتب واللي مش عاوز يكون بالاتفاق بينه وبين اللي حيشتري بس السعر في كل الاحوال حيكون رمزي
واكيد حنقدر نساعد بعض
ونبدا بيا
انا عندي موبينه لادا سماره شغاله بنسبه 80%
وعندي مارش محتاج يتصلح
اتمني ان الناس تشارك واكيد حنوصل لحاجه كويسه وحتي لو موصلناش فكفايه
ان فيه ناس حتشوف بعض وتتعرف علي بعض ودي تمنها كبير اوي

[mohamed2002]

فكرة جميلة طبعا ,لكن المشكلة في تحديد السعر ,قابلة التصليح؟,الموضوع يكون ممتاز مثلا لو واحد اشتري حاجات ومستخدمهاش ,برضة ننتظر تفاعل اعضاء القسم

[SHNORY]

والله يا باشا هو مفيش حاجه مش بتتصلح والبايظ بيترمي محدش بيشيله عنده
يعني مثلا المارش اللي عندي ده الكهربائي فكه وقالي خده وروح لفلان حيلحم كذا ويخرط كذا وهاتلي شاربون كذا بس كان يوم شتا ما يعلم بيه الا ربنا
وانا استسهلت وجيبت واحد ب170 جنيه بدل ما اصرف علي ده 30 جنيه
تصليح
وربنا كان مسهلها معايا والحمد لله كان معايا فلوس بس بييجي وقت علي الواحد ممكن يكون مزنوق او مش لاقي قطعه الغيار نفسها وفيه واحد تاني راميها وسط الكراكيب ومش مستنفع منها في حين ان فيه واحد دايخ عليها او سعرها مبالغ فيه وهو ظروفه متسمحش بيها في الوقت الحالي ولو الناس اتفاعلت معانا شويه حتلاقوا اننا لو جمعنا الحاجات اللي عندنا ممكن نطلع عربيتين شغالين من قطع الغيار الموجوده

نسيت اقولكم انتي عندي ماكينه زجاج يدوي الدراع بتاعها (الايد اللي بتلفها وترفع الازاز)مش شغال يعني لو حد عنده الماكينه بايظه ودراعها شغال الصنايعي حيوفق الاتنين علي بعض بدل ما يروح يشتريها ب80 جنيه(اخدتها ب65 بعد نص ساعه فصال ) زي ما حصل معايا
وكفايه برضه اننا حنتعرف ببعض ودي حتكون اكتر من اي فلوس
الموضوع والله يا جماعه مش موضوع فلوس الموضوع اننا نساعد بعض مش اكتر
وبالنسبالي اللي عاوز حاجه من اللي عندي ييجي ياخدها ويدفع اللي يدفعه ولو مش عاوز يدفع ميدفعش كفايه اني حتشرف بيه وانا في محل مش في بيت يعني اللي عاوز ييجي ييجي اي وقت مكاني مفتوح ليه يشرفه وينوره

[ahmad--ezzat]

والله الحق يتقال المشروع دة ملوش اى لازمة ودة فى الادا بالزاات لان العربية اساسا قطع غيارها سهلة ورخيصة وجديدة دة زائد ان مينفعش تشترى قطع غيار مستعملة للادا بالذات زى ما قال shnory البايظ بيترمى ومحدش بيشيلو

[SHNORY]

والله الحق يتقال المشروع دة ملوش اى لازمة ودة فى الادا بالزاات لان العربية اساسا قطع غيارها سهلة ورخيصة وجديدة دة زائد ان مينفعش تشترى قطع غيار مستعملة للادا بالذات زى ما قال shnory البايظ بيترمى ومحدش بيشيلو

انا بتكلم علي الادا سمارا