شوية أسئله عن اللادا سمارا؟؟

[ياسين محمد]

السلام عليكم
أنا بادور على عربيه مستعمله
ودلوقتى انحصرت المقارنه بين فيات 128 ولادا سمارا

فعايز أعرف من واحد ساق العربيتين
لو العربيتين حالتهم كويسه يبقى ترشحلى انه واحده

وكمان هو صحيح قطع غيار السمارا نادره وغاليه
وأيه أبرز عيوبها
وكمان أيه الفرق بين المصرى والروسي
ولو العربيه حالتها حلوه تعمل كام بسعر السوق دلوقتى

[kokowasfy]

بس يا معلم جيب 128 مشدودة وحالة ممتازة و جنوط و حركات هتبقى احسن من الادا مليون مرة واللة مش هتندم بجد الادا دى عيوبها كتيييييييير وناشفة واعطال مستمرة بس براحتك و الروسى احسن من المصرى اكيد

[ياسين محمد]

بس يا معلم جيب 128 مشدودة وحالة ممتازة و جنوط و حركات هتبقى احسن من الادا مليون مرة والله مش هتندم بجد الادا دى عيوبها كتيييييييير وناشفة واعطال مستمرة بس براحتك و الروسى احسن من المصرى اكيد

يعنى انت جربت الاتنين
وكمان عايز أعرف أيه الحركات اللى ممكن اعملها فى ال128

[SHNORY]

دا موضوع عن قطع الغيار

http://www.nilemotors.net/Nile/27875-a.html

السمارا اكبر واوسع واقوي واقيم من ال128
ولو عاوز موتور اللادا ليها مواتير 1300 -1500 -1600
سقط اللي يعجبك
وايه نوع الترويش اللي حيبان في ال28 ولا اللادا؟؟
ماهم حيفضلوا 28 ولادا في الاخر
الا لو عاوز تصرف كتير بقي
ممكن تجيب سماره كابورليه وتعملها سقف كهربا وكساحات وشغل فايبر وديفيل وتسقط موتور جولف 2500 سي سي وجنوط
والسمارا مش تقيله لانها علي كبالن مش كرونه زي اللادا العاديه
ولو حابب تصرف دا ممكن يكون شكلها معاك







والشاسيه بتاعها يستحمل مواتير كبيره
انما ال128 اخرها ديفيل وتوطي ويتشال اكصداماتها وطقم جنوط وتبقي اتروشت

[ياسين محمد]

دا موضوع عن قطع الغيار

http://www.nilemotors.net/nile/27875-a.html

السمارا اكبر واوسع واقوي واقيم من ال128
ولو عاوز موتور اللادا ليها مواتير 1300 -1500 -1600
سقط اللي يعجبك
وايه نوع الترويش اللي حيبان في ال28 ولا اللادا؟؟
ماهم حيفضلوا 28 ولادا في الاخر
الا لو عاوز تصرف كتير بقي
ممكن تجيب سماره كابورليه وتعملها سقف كهربا وكساحات وشغل فايبر وديفيل وتسقط موتور جولف 2500 سي سي وجنوط
والسمارا مش تقيله لانها علي كبالن مش كرونه زي اللادا العاديه
ولو حابب تصرف دا ممكن يكون شكلها معاك







والشاسيه بتاعها يستحمل مواتير كبيره
انما ال128 اخرها ديفيل وتوطي ويتشال اكصداماتها وطقم جنوط وتبقي اتروشت

يعنى رأيك ان لاادا افضل
طيب انا شكل الادا السمارا عاجبنى كده منغير ترويش ولا حاجه
بس فى كام حاجه مخوفانى
قطع الغيار هل هى صحيح غاليه ومش متوفره
أنا قرأت الموضوع بتاع قطع الغيار بس بردو ما اقدرش احكم اذا كان سعرها
كده كويس ولا غالى لأن دى ان شاء الله هتبقى أول عربيه أركبها
تانى حاجه هل أى ميكانيكى بيفهم فيها ولا لأ
ولو اشتريت سمارا فى حدود 18000 ممكن أصرف عليها كام علشان أسوق وانا متطمن
ووتمشى معايا كويس
تالت حاجه أنا أسمع ان الروسي افضل من المصرى
طيب لما اجى اشترى سياره اعرف انها روسي ازاى
معلش انا سألتك كل الاسئله دى لأنى عرفت انك من ملاك اللادا
وأكتر واحد ممكن يفيدنى هو حضرتك
وكمان بالمره هى أعطال اللادا السمارا بالذات كتير
ولا الناس بتبالغ وأيه أبرز عيوبها وأعطالها

[hatsat]

من خلال تجربتى مع 128 موديل 84 فبريكة وكانت حالتها كويسة وقعدت معايا سنتين و لادا سمارا 94 1300 سى سى فبريكة بردة وحالتها كويسة ومعايا من 9 شهور اقدر افيدك بالاتى
-اولا هيكل وعفشة السيارة ال128 ضعيف جدا بعكس اللادا السمار متين وشاسية فعلا للخدمة الشاقة وعفشة تستحمل وعيوبها قليلة وال128 شاسية علب عفشة ضعيفة
-ثانيا قوة الماتور هنا السمارة تكتسح ال128 بمراحل وعموما ال128 اعطالها اكتر من السمارا من ناحية الميكانيكا
-قطع الغيار طبعا ال128 متوفرة زى مبيقولو عند البقال وبسعر نوعا ما شعبى واللادا السمارا قطع غيارها متوفرة بردة بس هتلقيها عند بتوع اللادا وسعرها مش غالى بردة عادى بس بقرق قطع غيار ال128 اغلبها غير معمر السمارا بتركب وتنسى لما تجيب حاجة نضيفة .
-الصيانة هقولك اى ميكانيكى وكهربائى نضيف هيشتغل فى العربيتين .

ودة راى وعن تجربة بالنسبة للاتنين بس اهم حاجة تدور على حالة ممتازة سواء 128 او السمارا

[ياسين محمد]

من خلال تجربتى مع 128 موديل 84 فبريكة وكانت حالتها كويسة وقعدت معايا سنتين و لادا سمارا 94 1300 سى سى فبريكة بردة وحالتها كويسة ومعايا من 9 شهور اقدر افيدك بالاتى
-اولا هيكل وعفشة السيارة ال128 ضعيف جدا بعكس اللادا السمار متين وشاسية فعلا للخدمة الشاقة وعفشة تستحمل وعيوبها قليلة وال128 شاسية علب عفشة ضعيفة
-ثانيا قوة الماتور هنا السمارة تكتسح ال128 بمراحل وعموما ال128 اعطالها اكتر من السمارا من ناحية الميكانيكا
-قطع الغيار طبعا ال128 متوفرة زى مبيقولو عند البقال وبسعر نوعا ما شعبى واللادا السمارا قطع غيارها متوفرة بردة بس هتلقيها عند بتوع اللادا وسعرها مش غالى بردة عادى بس بقرق قطع غيار ال128 اغلبها غير معمر السمارا بتركب وتنسى لما تجيب حاجة نضيفة .
-الصيانة هقولك اى ميكانيكى وكهربائى نضيف هيشتغل فى العربيتين .

ودة راى وعن تجربة بالنسبة للاتنين بس اهم حاجة تدور على حالة ممتازة سواء 128 او السمارا

أنا شاكر ليك جدا
طيب ممكن تقوللى انت كنت شاري عربيتك بكام
وصرفت عليها كام لحد ما ظبطتها وبقت تمام
وكمان اللى معاك روسي ولا مصري
والروسي لحد موديل كام
والسياره ناعمه فى السواقه ولا خشنه زى باقى اللادا
وأيه أخبار المقصات والبيض اللى بيملص لأن كل ملاك اللادا بيشتكوا من الموضوع ده
معلش هاتعبك معايا بس علشان أقدر آخد قرار

[ياسين محمد]

يا مسهل

[SHNORY]

أنا شاكر ليك جدا
طيب ممكن تقوللى انت كنت شاري عربيتك بكام
وصرفت عليها كام لحد ما ظبطتها وبقت تمام
وكمان اللى معاك روسي ولا مصري
والروسي لحد موديل كام
والسياره ناعمه فى السواقه ولا خشنه زى باقى اللادا
وأيه أخبار المقصات والبيض اللى بيملص لأن كل ملاك اللادا بيشتكوا من الموضوع ده
معلش هاتعبك معايا بس علشان أقدر آخد قرار

الشرا بيكون علي حسب حاله العربيه دا الي بيحدد السعر
والصرف كذلك كل واحد ودماغه في تظبيط العربيه واحتياجاتها
يعني انا عملت مره عمره ب11 الف جنيه منهم 3000 جنيه بويه
وكنت مدخلها مركز صيانه اعفن عربيه عنده اوبل فيكترا مرسيدس عيون
العربيه انعم من اللادا بمراحل سواء في الدركسيون او سواقتها عموما
والبيض اللي بيملص دا كان زمان في اللادا العاديه
دلوقتي عملوا بيض جديد مش بيملص
ومفيش سمارا مصري علي فكره
كله روسي

[ياسين محمد]

الشرا بيكون علي حسب حاله العربيه دا الي بيحدد السعر
والصرف كذلك كل واحد ودماغه في تظبيط العربيه واحتياجاتها
يعني انا عملت مره عمره ب11 الف جنيه منهم 3000 جنيه بويه
وكنت مدخلها مركز صيانه اعفن عربيه عنده اوبل فيكترا مرسيدس عيون
العربيه انعم من اللادا بمراحل سواء في الدركسيون او سواقتها عموما
والبيض اللي بيملص دا كان زمان في اللادا العاديه
دلوقتي عملوا بيض جديد مش بيملص
ومفيش سمارا مصري علي فكره
كله روسي

ألف شكر يا أستاذ شنورى
بس فى حاجه فى كلامك مش واضحه
أو أنا ما فهمتهاش وهى البيض اللى بيملص
يعنى أيه كان زمان وفى اللادا العاديه
طيب ما أنا العربيه اللى هاشتريها مستعمله يعنى موديل 95
يعنى برده من زمان
يبقى كده هيبقى فيها مشكلة البيض اللى بيملص والمقصات اللى بتتكسر ولا أيه
ومعلش واحده واحده على لأن اللادا جديده على وما اعرفش عنها معلومات كتير
والبركه فى حضرتك وفى باقى الاخوه الأفاضل

[SHNORY]

ألف شكر يا أستاذ شنورى
بس فى حاجه فى كلامك مش واضحه
أو أنا ما فهمتهاش وهى البيض اللى بيملص
يعنى أيه كان زمان وفى اللادا العاديه
طيب ما أنا العربيه اللى هاشتريها مستعمله يعنى موديل 95
يعنى برده من زمان
يبقى كده هيبقى فيها مشكلة البيض اللى بيملص والمقصات اللى بتتكسر ولا أيه
ومعلش واحده واحده على لأن اللادا جديده على وما اعرفش عنها معلومات كتير
والبركه فى حضرتك وفى باقى الاخوه الأفاضل

والله يا باشا انا مغيرتهمش غير مره قبل كده وكنت جايبهم استعمال
العفشجي قال هات بيضتين علشان بيضك مش حلو فموضوع الملص ده والحمد لله مسمعتش عنه في سمارا قبل كده لاختلاف العفشه كليا عن الادا العاديه
هما اللي بيضهم بيملص فانا مش عارف بيضنا غير بيضهم (:
ولا لاختلاف العفشه البيض واحد بس عندنا راكب بطريقه متاثرش عليه
حبقي اسال الميكانيكي بتاعي واجاوبك علي موضوع البيض ده
البيض اللي مش بيملص بقي بتاع اللادا كان عباره عن انهم عدلوا البيضه العاديه وخلوا المسمار بس الي باين منها او عملوا فيها حاجه تثبتها اكتر
مش فاكر بالظبط

كسر المقصات دا في السيراتو مع الجنط ال17 يا باشا ربنا يرزقنا واياكم (بالسيراتو مش بكسرالمقص)
وعموما انت تجيب قطعه الغيار الكويسه وربنا اللي بيسترها
الكسر مش عيب مقص قد ما بيكون عيب في الاسفلت اللي احنا ماشيين عليه
كل العربيات بتتخبط وبتبوظ بس ستر ربنا فوق اي حاجه

[SHNORY]

كلمت الميكانيكي بتاعي يا باشا وجابلي الفايده
اللادا سمارا فيها مقصين وبيضتين + بيضتين دركسيون
والبيض راكب استاندرد في المقصات
وممكن تجيبهم من غير بيض وتجيب البيض لوحده وتكبسهم عند الخراط
والبيض مش بيملص الا لو كان فيه عيب في الكبس
انما اللادا العاديه فيها 4 مقصات و4 بيضات
وبرضه انا حرفع العربيه كمان كام يوم اغير كام كاوتشه كده في العفشه
علشان ااكدلك المعلومه لاني زي ما قولتلك جيبت قبل كده البيض لوحده
والمقصات لوحدها