اريد شراء لادا مستعملة؟

[thedriver]

ارجو من كل اصحاب الادا المميزين
مساعدتى حيث اننى انوي شراء سيارة لادا مستعملة موديل 85 ال 95 فما هى الاسعار حيث اننى معى 15000 فهل تكفى ام لا؟

[hassanin_lada]

بدل ماناويت علي لادا يبقيب نوية علي نفسك

عموما رنج الاسعار من 16 ل 20 او 21 حسب الحالة والموديل

وال 15 هتجيب طبعا بس مش حاله

موفق وراجع نفسك في سيارة اخري

[heldin_67]

أصبر شويه لغايه ما نشوف الاسعار حيحصلها تخفيض و لا لآلآلآلآلآلآلآلآلآلآلآلآ

[thedriver]

[hassanin_lada]

مافيش حاجه بترخص لو اشتريت النهارده انت اللي كسبان

حضرتك انزل شوف سوق العربيات الجديده وانت هتعرف ان كل يوم الاسعار هتزيد

[mohammed dodda]

موفق وراجع نفسك في سيارة اخري

....بالذمة ده كلام يا باشا !! يعنى الراجل داخل المنتدى بتاعنا عشان نقوله كده ؟؟ المفروض نقوله مميزاتها وعيوبها بكل أمانة وهوه اللى يقرر بنفسه..واى عربية فى الدنيا مع اهمال الصيانة هتخرب حتى لو مرسيدس !

[أحمد كوجار]

رغم إني عمري ما اشتريت لادا بس بيقولك صاجها متين وأقوى من العربيات الحديثة وقطع غيارها في البقالة بس عفشتها ناشفه حبتين يعني وتقبل مروري

[mohammed dodda]

رغم إني عمري ما اشتريت لادا بس بيقولك صاجها متين وأقوى من العربيات الحديثة وقطع غيارها في البقالة بس عفشتها ناشفه حبتين يعني وتقبل مروري

.....أولا مشكور لمرورك طبعا..ثانيا مفيش عربية فى العالم بدون عيوب وموضوع مميزات وعيوب اللادا قتل بحثا فى المنتدى من الاعضاء الافاضل بس محدش بيحب يدور كله عايز السهل....ثالثا بالنسبة للمتانة فاللادا بينزل منها تجميع مصرى وووزن الصاج فيه اقل من الروسى بتاع بلاده بس مش لدرجة الهيونداى مثلا

[Ahmed_BYD_F0]

انا عندى سيارة لادا مستعملة 2106
موديل 83
عارضها على 10000
لو ناوى تشترى انا تحت امرك

[thedriver]

شكرا لكل الردود الجميلة

وربنا يبارك فيكم جميعا....................

[hassanin_lada]

....بالذمة ده كلام يا باشا !! يعنى الراجل داخل المنتدى بتاعنا عشان نقوله كده ؟؟ المفروض نقوله مميزاتها وعيوبها بكل أمانة وهوه اللى يقرر بنفسه..واى عربية فى الدنيا مع اهمال الصيانة هتخرب حتى لو مرسيدس !

[mohammed dodda]

.......هههههههههههه ده مجرد رايى الشخصى بس

[ayman asd]

الادا مميزاتها اكثر من عيوبها

[Ahmed_BYD_F0]

الادا مميزاتها اكثر من عيوبها

انا عن نفسى شايف اللادا كلها مميزات مثل صاجها الناشف اللى بيستحمل الصدمات مش زى العربيات التانى اللى بنسميها ورق
وكمال قطع غيارها تعتبر ارخص قطع غيار فى السوق بالمقارنة بالعربيات التانية
عيوبها انها كل فترة تحتاج عفشجى او ميكانيكى يبص عليها
بس العيب ده موجود فى كل العربيات
واللى بيغلب على العيب ده ان قطع غيارها رخيصة والمصنعية للعفشجى والميكانيكى قليلة قوى

[hassanin_lada]

انا عن نفسى شايف اللادا كلها مميزات مثل صاجها الناشف اللى بيستحمل الصدمات مش زى العربيات التانى اللى بنسميها ورق
وكمال قطع غيارها تعتبر ارخص قطع غيار فى السوق بالمقارنة بالعربيات التانية
عيوبها انها كل فترة تحتاج عفشجى او ميكانيكى يبص عليها
بس العيب ده موجود فى كل العربيات
واللى بيغلب على العيب ده ان قطع غيارها رخيصة والمصنعية للعفشجى والميكانيكى قليلة قوى:y_hi_3[1]:

الصاج كان في القديم او ممكن الروسي لكن المصري اقسم بالله عامل زي الورق

طبعا العبشه متفق معاك فيها بس مش متفق انها زي اي عربيه لان عبشتها عاوز واحد يتابع معاها علي طول

ورخص قطع الغيار حلو مافيش كلام بس مش معمر

بس اجمالا

لو ليك في الميكانيكه وبالك طويل يبيقي الادا هتمشي معاك

لو مالكش في العربيات ومابتحبش وقفت الميكانيكيه يبقي بلاش احسن