انتقام اللادا (او لعنة اللادا )

[maheralsisi]

يحكى انه فى قديم الزمان من حوالى سنة و نص كده
كان معايا لادا 2105 موديل 1982 كانت بتشيل بالعشرة خمشاتاشر طن فى السفرية و لا عمرها قالت لا و لا موتورها يوم خسع و لا العفشة طبلت نهائي
قوم ايه صاحبها اتبطر عليه (اللى هو انا ) و قال عاوز حاجة بتكييف و باور و حركات
قوم ايه باعها (صحيح انا بكيت و انا بابيعها بس كانت عربية عمرها ما قلت معايا ابدا و ليها ذكريات جميلة معايا )
قوم قررت اللادا عقاب صاحبنا و رمت عليه لعنة اللادا ان لا تدوم له سيارة و لا تعيش له طارة
قوم ايه خدت عربية النيسان صنى بتاعة اخويا قمت مرجعها تانى بعد شوية تلقيح من الحاجة انى ضحكت عليه و استغليته
قوم ايه جبت بى واى دى زيرو
قوم ايه خفضوا المرتبات عندنا فى الشغل الربع تقريبا
قوم بعتها و هى فى الالف الاولى و خسرت 5 الاف جنيه
قوم ايه قلت اجيب مستعمل حاجة كده 100% و كانت الطامة الكبرى .....
فورد اسكورت عربية من الاخر ماتفرقش اى حاجة عن اى عربية فى اضعاف اضعاف سعرها (ان ما كانتش افضل ) غير ان سعر قطع الغيار مووووت بس بصراحة معمرة جدااااااااااااااااااااا
قلت هى دى العربية خش عليها و اخطفها و قد كان و كانت القااااااضية
اول يوم لسة واخد العربية البطارية قطعت و الدينامو ضرب و انا ع الدائرى .... عادى صدفة و ايه يعنى
بعد اسبوع مالقياش فردتين الكاوتش اللى قدام ..... عادى صدفة و ايه يعنى
بعد اسبوعين حادثة على كوبرى الساحل يطير فيها وش العربية و اغير الموتور كله بالقواعد...عادى صدفة كل الناس معرضة لحوادث ايه المشكلة
سمكرى نصاب ابن تيت ادانى العربية بالخناق و السنج بعد 4 شهور و نص و خدتها من عنده شديتها كلهاااااااااااااااااااا من الاخر من الابرة للصاروخ كل ما تتخيله فى العربية اتجدد
استلمتها يا مؤمن و عينك ما تشوف الا النور
هوب زيت الباور بيضرب (لاحظ انى مجددها ) المهم هات واحدة تانى
هوب الطنابير مفوتة ؟؟؟؟؟ عادى دى لسة مجددتهاش اشترى جديد و ركب
هوب بلى عجل قدام عادى بتحصل ما احنا شوارعنا مكسرة
هوب ماكينة القزاز بتاعتى تعلق ( عادى غيرها واحدة استيراد و تبقى 100%
هوب ماكينة القزاز اللى الناحية التانية (( عادى يعنى ما هى برضه لازم شوية حركات كده
هوب زرار الكهربا بتاع الازاز عمل قفلة (دى حاجات اى حد معرض ليها اوعى تحط فى بالك
هوب الواد يكسر اكرة الزجاج الخلفى ( و لا تحط فى بالك ده لعب عيال
هوووووووووووووووب حادثة ع الدائرى انزل تحت نقل ياكل لى وش العربية الشمال بالفانوس و الصدر لالالالالالالالالالالالالالالالالالالالالالالا
كده اكيد فيه حاجة
اه نسيت اقولكم الهوووووووووووب الكبيرة و انا رايح استلم العربية بعد ما خلصت و الراجل بيركب الفرش لقيت العربية بتولع نار كلت الكابوت و الرفرف اليمين ؟؟؟؟؟ عادى عادى صدفة
ايه صدفة ؟؟ صدفة مييين يا حلااااوة ده ذنب اللادا اكيد اللى انت افتريت عليها
و عشان كده انا داخل هنا المنتدى اقول
انا اسف يا لادا العفو و السماح و المغفرة
هارجع تااااانى يا طاهرة
هارجع تااااانى يا عفيفة
بس سامحينى على غلطتى ده انا اكتر حاجة كانت بتضايقينى فيكى تنضيف البيك بتاع السلانسيه
انا غلطااان و عرفت غلطتى و راااااجع تانى
بس طبعا مش دلوقتى عشان الفورد هانم خدت كل اللى ورايا و اللى قدامى و فى الاخر بعتها على حادثتها رغم الخسارة بس انا خلاص كنت مش طايقها
و طالع مفلس و مقلش
السماح و الغفران
و اطالب الاعضاء الكرام المحترمين بالمطالبة بتاسيس صفحة (انا اسف يا لادا ) اعترافا منى بهذا الخطا الشنيع الى ان يكرمنا الله بشوية فلوس نعرف نجيب بيهم لادا تاااااانى
انا اسف يا لادا
انا اسف يا لادا
انا اسف يا لادا
انا اسف يا لادا
انا اسف يا لادا

[2CODE]

ههههههههههههههههههههههههههههه

يخربيتك ضحكتني جداً والله

بس انت بتتكلم بجد كل ده حصل ؟ والعربية ولعت وانت بتركب الفرش ههههههههههههههههههههه

[monamize4]

اسلوبك زى العسل
بس بجد مش عارف اقولك ايه , ربنا يعينك

[ayman asd]

ربنا يعوضك - وعندك حق والله الادا عربيه ولا كلمه وكتير من الناس واخدين فكره غلط عليها ولما بيركبوها بيحبوها - الادا رابع عربيه ليه قيل كده كان 131 وريجاتا ثم لانسر كرستاله ثم لادا - بجد والله العربيه الوحيده ال مريحانى وبتندم انى مجبتهاش من الاول

[lanos2004]

انته تقوم تاخد دش وتستغفر ربنا
وترجع تشترى لادا تانى

[محمد طايع]

ربنا يكون فى عونك ويعوض عليك
ده " ولا انتقام الكونت ديمونت كريستو "

[Elawany13]

هههههههههههههههههههههههه

خير الحمد لله

أنا بردو خفت ابيع الشاهين يجيلى لعنة الشاهين

[maheralsisi]

انته تقوم تاخد دش وتستغفر ربنا
وترجع تشترى لادا تانى

و الله تفكيرك عاجبنى
بس انا شاكك ان العربية هى اللى كان المفروض تستحمى

[mohammed dodda]

انته تقوم تاخد دش وتستغفر ربنا
وترجع تشترى لادا تانى

.......ههههههههههههههههه لأ اكيد الموضوع اكبر من الدش

[mohammed dodda]

يحكى انه فى قديم الزمان من حوالى سنة و نص كده
كان معايا لادا 2105 موديل 1982 كانت بتشيل بالعشرة خمشاتاشر طن فى السفرية و لا عمرها قالت لا و لا موتورها يوم خسع و لا العفشة طبلت نهائي
قوم ايه صاحبها اتبطر عليه (اللى هو انا ) و قال عاوز حاجة بتكييف و باور و حركات
قوم ايه باعها (صحيح انا بكيت و انا بابيعها بس كانت عربية عمرها ما قلت معايا ابدا و ليها ذكريات جميلة معايا )
قوم قررت اللادا عقاب صاحبنا و رمت عليه لعنة اللادا ان لا تدوم له سيارة و لا تعيش له طارة
قوم ايه خدت عربية النيسان صنى بتاعة اخويا قمت مرجعها تانى بعد شوية تلقيح من الحاجة انى ضحكت عليه و استغليته
قوم ايه جبت بى واى دى زيرو
قوم ايه خفضوا المرتبات عندنا فى الشغل الربع تقريبا
قوم بعتها و هى فى الالف الاولى و خسرت 5 الاف جنيه
قوم ايه قلت اجيب مستعمل حاجة كده 100% و كانت الطامة الكبرى .....
فورد اسكورت عربية من الاخر ماتفرقش اى حاجة عن اى عربية فى اضعاف اضعاف سعرها (ان ما كانتش افضل ) غير ان سعر قطع الغيار مووووت بس بصراحة معمرة جدااااااااااااااااااااا
قلت هى دى العربية خش عليها و اخطفها و قد كان و كانت القااااااضية
اول يوم لسة واخد العربية البطارية قطعت و الدينامو ضرب و انا ع الدائرى .... عادى صدفة و ايه يعنى
بعد اسبوع مالقياش فردتين الكاوتش اللى قدام ..... عادى صدفة و ايه يعنى
بعد اسبوعين حادثة على كوبرى الساحل يطير فيها وش العربية و اغير الموتور كله بالقواعد...عادى صدفة كل الناس معرضة لحوادث ايه المشكلة
سمكرى نصاب ابن تيت ادانى العربية بالخناق و السنج بعد 4 شهور و نص و خدتها من عنده شديتها كلهاااااااااااااااااااا من الاخر من الابرة للصاروخ كل ما تتخيله فى العربية اتجدد
استلمتها يا مؤمن و عينك ما تشوف الا النور
هوب زيت الباور بيضرب (لاحظ انى مجددها ) المهم هات واحدة تانى
هوب الطنابير مفوتة ؟؟؟؟؟ عادى دى لسة مجددتهاش اشترى جديد و ركب
هوب بلى عجل قدام عادى بتحصل ما احنا شوارعنا مكسرة
هوب ماكينة القزاز بتاعتى تعلق ( عادى غيرها واحدة استيراد و تبقى 100%
هوب ماكينة القزاز اللى الناحية التانية (( عادى يعنى ما هى برضه لازم شوية حركات كده
هوب زرار الكهربا بتاع الازاز عمل قفلة (دى حاجات اى حد معرض ليها اوعى تحط فى بالك
هوب الواد يكسر اكرة الزجاج الخلفى ( و لا تحط فى بالك ده لعب عيال
هوووووووووووووووب حادثة ع الدائرى انزل تحت نقل ياكل لى وش العربية الشمال بالفانوس و الصدر لالالالالالالالالالالالالالالالالالالالالالالا
كده اكيد فيه حاجة
اه نسيت اقولكم الهوووووووووووب الكبيرة و انا رايح استلم العربية بعد ما خلصت و الراجل بيركب الفرش لقيت العربية بتولع نار كلت الكابوت و الرفرف اليمين ؟؟؟؟؟ عادى عادى صدفة
ايه صدفة ؟؟ صدفة مييين يا حلااااوة ده ذنب اللادا اكيد اللى انت افتريت عليها
و عشان كده انا داخل هنا المنتدى اقول
انا اسف يا لادا العفو و السماح و المغفرة
هارجع تااااانى يا طاهرة
هارجع تااااانى يا عفيفة
بس سامحينى على غلطتى ده انا اكتر حاجة كانت بتضايقينى فيكى تنضيف البيك بتاع السلانسيه
انا غلطااان و عرفت غلطتى و راااااجع تانى
بس طبعا مش دلوقتى عشان الفورد هانم خدت كل اللى ورايا و اللى قدامى و فى الاخر بعتها على حادثتها رغم الخسارة بس انا خلاص كنت مش طايقها
و طالع مفلس و مقلش
السماح و الغفران
و اطالب الاعضاء الكرام المحترمين بالمطالبة بتاسيس صفحة (انا اسف يا لادا ) اعترافا منى بهذا الخطا الشنيع الى ان يكرمنا الله بشوية فلوس نعرف نجيب بيهم لادا تاااااانى
انا اسف يا لادا
انا اسف يا لادا
انا اسف يا لادا
انا اسف يا لادا
انا اسف يا لادا

......هههههههههه لا حول ولا قوة الا بالله كل سطر بخضة ياساتر يارب ربنا يعوض عليك باللادا

[د.محمود صلاح]

نقل فؤادك ما شئت من الهوى .. ما الحب الا للحبيبب الاول

كم منزل يعشقه الفتى .. وحنينه ابدا لأول منزل

[yoyo2015]

هههههههههههههههههههههههه الحمد لله على كل شئ ربنا يعوض عليك ..منها و إليها

[hassanin_lada]

ربنا يعينك واللهي انت صعبت عليا والفلوس اللي انت صرفتها كانت جابتلك باجيرو :d

[lada2010]

انت اللى غلطان العربية لم تفعل لك حاجة تبيعها لة علشان تعرف قيمتها

[OussamaShaaban]

ربنا يتولاك برحمتة .... بس الصراحة زعلتنى لما قولت عاوز حاجة بتكيف ما كنت صرفت عليها 3 بواكى كانت بقت لووووز