علبة الدركسيون

[hassanin_lada]

مبدا كده حاولو تردو عليا

دلوقتي اللي اكتشفته حديثا ان العلبة بتتزود زيت وانا جايب العربيه من سنتين ومزودتهاش خالص

مكان التزويد ده فين ؟؟

واعرف منين انها عاوزه زيت ؟؟

وهل ليها مقياس وايه نوع الزيت وعند مين ؟؟

تاني حاجه موضوع لم البوش عشان العربيه بتمرمطني علي الطريق

اللي فهمتو اني افك الصموله والف المسمار وارجع اربط المسمار تاني

الفه يمين ولا شمال وهل ليه تأثير بالسلب علي العلبة

ارجو الافاده

[محمود السيد]

بالنسبة لتزويد العلبة هتلاقى طبة زى الموجودة فى الفتيس او الكرونة او الكرتيرة مع اختلاف الحجم وللاسف مفيش نقياس تقدر تحدد بيه مستوى الزيت ولكن كل فترة ممكن تفتح الطبة للتاكد من مستوى الزيت ام موضوع البوش مش عارف محتاج معلومات اكتر يمكن اقد افيدك

[hassanin_lada]

الف شكر ليك ياباشا

طب ايه نوع الزيت اللي يتحط (]عني اخلي اي حد بتاع زيوت يغيرهولي ولزوجته كام ؟؟

[mohammed dodda]

نصيحة أخوية العفشة والعلبة بالذات ميتلعبش فيهم.. متعملش حاجة فى العلبة بنفسك وروح لواحد عفشجى محترم عندكوا يفكها خالص وهيه بتتزود زيت فالفيولين على ما اعتقد..وانا عن نفسى العفشجى زودهالى شحم بدل الزيت وده خلى الدركسيون كأنى مركب باور وكده كده الشحم بيسيح وبيبقى زيت تانى.. وبعد ما يركبها هوه اللى هيلملك البوش

[hassanin_lada]

نصيحة أخوية العفشة والعلبة بالذات ميتلعبش فيهم.. متعملش حاجة فى العلبة بنفسك وروح لواحد عفشجى محترم عندكوا يفكها خالص وهيه بتتزود زيت فالفيولين على ما اعتقد..وانا عن نفسى العفشجى زودهالى شحم بدل الزيت وده خلى الدركسيون كأنى مركب باور وكده كده الشحم بيسيح وبيبقى زيت تانى.. وبعد ما يركبها هوه اللى هيلملك البوش

ماهو ده مش كويس لان كده علي الطوالي الدركسيون هيخف خالص

طيب يعني انا كده عشان املا العلبة لازم تتفك و لا ايه ؟

وهل في المشحمه بيزودها ولا مالهمش فيها

[zega332]

ياباشا الموضوع سهل جداً التزويد هتلاقي طبه صموله تفكها وتزود الزيت فى ناس بتحط شحم وناس فالفولين وناس زيت عادي كمان وكله بيشتغل وللتأكد اسأل بتاع زيت بيفهم ومبيفرقش فى حاجه فى الاخر ولا اخف ولا اتقل(والزيت بيتزود والعلبه راكبه اما موضوع الشحم ده بيبقى العفشجى بيعمل شغل ويسحط شحم قبل ما يقفل)
تانى حاجه فى لم البوش حضرتك بتفك الصاموله الى رابطه المصمار وبعد كده تربط على المسمار ولكن بحذر يعنى تربط شويه وتجرب الدركسيون بايدك تشوف البوش راح ولا لسه وترجع تربط شويه كمان يعنى متربطش مره واحده وتقرط عشان البليه متبوظش منك وبعد كده ترجع تربط الصاموله تانى عشان دي الي بتمسك المسمار وتمنعه انه يفك لوحده تانى ارجو اكون افادتك

[hassanin_lada]

ياباشا الموضوع سهل جداً التزويد هتلاقي طبه صموله تفكها وتزود الزيت فى ناس بتحط شحم وناس فالفولين وناس زيت عادي كمان وكله بيشتغل وللتأكد اسأل بتاع زيت بيفهم ومبيفرقش فى حاجه فى الاخر ولا اخف ولا اتقل(والزيت بيتزود والعلبه راكبه اما موضوع الشحم ده بيبقى العفشجى بيعمل شغل ويسحط شحم قبل ما يقفل)
تانى حاجه فى لم البوش حضرتك بتفك الصاموله الى رابطه المصمار وبعد كده تربط على المسمار ولكن بحذر يعنى تربط شويه وتجرب الدركسيون بايدك تشوف البوش راح ولا لسه وترجع تربط شويه كمان يعنى متربطش مره واحده وتقرط عشان البليه متبوظش منك وبعد كده ترجع تربط الصاموله تانى عشان دي الي بتمسك المسمار وتمنعه انه يفك لوحده تانى ارجو اكون افادتك

ياباشا تسلم الايادي

اخ بس لو فيديو صغير يوضح البوش الطبيعي في العربيه يبقي قد ايه يبقي انت كده عملت معااي احلي واجب

هي بتروح 3 سنتي شمال و 3 يمين كده كويس ولا عاوز يتلم شويه !!