عايز نص عمره و لا لا

[ahmedalramy]

انا رحت للميكانيكى علشان الموتور كان واطى و العربيه بتبطل
المهم ظبط العربيه و قالى ان خرطوم الفايس اللى داخل على العمه بيجيب زيت خفيف و ما وصلوش تانى للعمه علشان بيكتم الموتور (و بصراحه العربيه اتظبطط) و قالى انى كده عايز نص شمبر (نص عمره) فقولتلو ان الزيت مش بينقص مع انى بغيير كل 3000 ولا البوجيهات بتعرق فقالى انى اظبطها بدرى بدرى احسن
المهم رحت لميكانيكى تانى اخد رايه.... سالنى عن الزيت بيقل ولا لا... و قالى انى اغيير الزيت كل 2000 و مش هلاقى زيت بيطلع من الخرطوم

فايه رأيكوا و لو حد عمل نص عمره يقولى كان ايه السبب (العربيه 2105 موديل 94)

[aw2100]

طالما الزيت مابينقصش تبقى المشكلة عندك فى اويلسيلات الصبابات فى وش السلندر بتفوت زيت وده ممكن ميكانيكى 10/10 يعملك عمرة رودية لوش السلندر بس مع تغيير جوانات الوش !!

[smsm061274]

نفس المشكله عندى بقالها 3 سنين ومرديتش اعمل الشنبر وبصراحه مش شايف بروبليم.

[hassanin_lada]

لو التكيهات مش مظبوطه ممكن تعمل كده

[mohammed dodda]

يعنى انا مش فاهم ايه علاقة خروج الزيت من الفايظ للعمة بتكتيمة المكنة ؟؟؟؟ اللى اعرفه ان بخار زيت الفايظ لازم يوصل للعمة لان ليه دور مهم بجانب فلتر الهوا فى حجز الاتربة وشوائب الهوا من الدخول للكاربرتير!!....اما التكتيمة والمكنة اللى بتبطل فليها اسباب تانية....أعتقد بخصوص موضوع العمرة فاللى يوضحلك اكتر هو خرج الشكمان اللى بيتراوح من ميه لو الحرق مظبوط والمكنة بتعرق كويس الى دخان او تهبيب اسود لو الحرق مش تمام وده بيحتاج تظبيط الكاربيراتير والكهربا والبوجيهات الى دخان ابيض يعنى زيت بيتحرق وده بقى المشكلة ...ياريت حضرتك توضحلنا المشكلة اكتر..

[hassanin_lada]

هوضح حاجه بسيطه

بخار الزيت فعلا لازم يبقي موجود بس بنسبه خفيفه وده عشان تزيد الاجزاء المتحركه في الكاربرتير

بس لو النسبه دي زادة العربيه بتتبرجل والكاربرتير بيتخنق

جرب كده رش اي اسبراي في الكاربرتير هتلاقي العربيه برجلة

مابالك بقي الزيت

راجع ضبت التيكهات ممكن تكون محمله

ولو بتحط موبيل غيره لان نسبة البخاره عاليه فيها وبعدين تعال نتفاهم مع بعض ونشوف ايه اللي بيحصل

[ahmedalramy]

انا خرج الشكمان عندى مظبوط و مافيهوش اى حاجه لا اسود ولا ابيض علشان كده انا مستغرب و البوجيهات ممكن تفضل معايا بالخمس و الست شهور و بالنسبه للزيت انا بغيير كاسترول 3000 ك و ماشى معايا زى الفل و مابينقصش
فرئيكوا اييييييييييييييييه

[hassanin_lada]

روح لواحد نضيف غير بوجيهات وظبط كهربا وتكيهات وانشألله مش هيكون في حاجه

الصنيعيه ياما هتشوف منهم

انا الصنيعيه خلوني اعمر والمكنه مش عامله 40 الف يكلو علي بعضهم يعني لسا في عز شبابها

[aw2100]

انا خرج الشكمان عندى مظبوط و مافيهوش اى حاجه لا اسود ولا ابيض علشان كده انا مستغرب و البوجيهات ممكن تفضل معايا بالخمس و الست شهور و بالنسبه للزيت انا بغيير كاسترول 3000 ك و ماشى معايا زى الفل و مابينقصش
فرئيكوا اييييييييييييييييه

يبقى زى ماقولت انت عندك اويلسيلات الصبابات وحشة ودى بتعمل تبخير للزيت وزيت خفيف بيطلع من الفايظ بيكتم لك الموتور لو حطيت خرطوم الفايظ فى الكاربراتير وده حصل معايا فى ال 128 ولما عملت رودية لوش السلندر وغيرت الصبابات والاويلسيلات اختفى بخار الزيت وفضلت معايا 3 سنوات لغاية لما بعتها لو فية مشكلة فى الشمبر العربية تاكل زيت ويبقى فية دخنة زرقاء من الجكمان نتيجة حرق الزيت فى الموتور !!!!

[mohammed dodda]

انا خرج الشكمان عندى مظبوط و مافيهوش اى حاجه لا اسود ولا ابيض علشان كده انا مستغرب و البوجيهات ممكن تفضل معايا بالخمس و الست شهور و بالنسبه للزيت انا بغيير كاسترول 3000 ك و ماشى معايا زى الفل و مابينقصش
فرئيكوا اييييييييييييييييه

...بص يا باشا لازم نتفق على الاساسيات.. الخلاصة فى موضوع العمرة : السبب الرئيسى حرق الزيت فى الشمايز...الزيت ده بيخش ازاى الشمايز؟؟ اما من تحت من الخلوص مابين الشنبر والشميز أو من فوق من وش السلندر من فتحة الصباب اللى بيدخل مخلوط الهواء والبنزين( اللى جاى من الكاربرتير) للشميز زى ما الاخ الفاضل قالك..المفروض فى الحالتين الزيت بيتحرق وبتطلع دخانة مع العادم....بالنسبة لموضوع تبطيل المكنة انا هقولك تجربتى الشخصية : من 3 شهور كان المكنة كل يوم تدور بصعوبة.. المارش يلقط بس الدوارة متكملش الا بعد كذا مرة.. وكنت بنفض لغاية فى يوم جيت بدور العربية دارت وبعد 3 دقايق بطلت وحلفت ما تدور..عملت اللى مايعمل وفى الاخر طلع ان كهربة العربية ضعيفة جدا والموبينة شيعت !! اشتريت موبينة جديدة وركبتها العربية دارت الحمد لله ! وشكرا على كده