برجاء المساعد في لادا 1500

[mostafa_mahmod]

تحية لاعضاء المنتدى الكرام وتحية خاصة لكل عشاق والملاك اللاد
انا كنت عايز اشتري لادا 1200 في حدود المبلغ اللي معي بس وجدت لادا 1500 موديل 81استعمال بيتي مش تاكسي وقلب ملاكي اخدت سمكري معرفة يشوفها قال لي الصدر و الشنة فابريكة و العربية مش رشة دواخل جينا نطلع بالعربية اكتشفنا ان العربية فيها التالي
1- الدبرياج عايز يعلى شوية
2- في تكة في الماتور قالي ده تظبيط في الماتور بسيطة مش عارف اسمها ايه السمكري قالي هتتكلف تقريبا 150 جنيه بس الماتور ناعم جدا وعلى سير
3- الكرونة فيا ونة
وموضوع الكرونة انت ممكن تمشي عليها سنة ولو عايز تغيرها هتتكلف 500
العربية فيها رخصة سنة والعفشة بتاعتها ناعمة جدا مفهاش الهوا و سحب العربية هايل
ياريت تقولولي العربية دي تسوى كام

[hassanin_lada]

مبدأ بحر السمكريه والميكانيكيه واسع

يعني هو يقولك 150 تيجي يشتغل تفتح مش هتخلص واهو كله رزق ليه

الكرونه مش هتتصلح

هتتغير ب 1000 جنيه وانت واقف

واللي يريحك اعمله

سعر مش هقدر اخدمك فيه

موفق بأذن الله

[Mohamedmaree91]

17000 الف

[mostafa_mahmod]

مبدأ بحر السمكريه والميكانيكيه واسع

يعني هو يقولك 150 تيجي يشتغل تفتح مش هتخلص واهو كله رزق ليه

الكرونه مش هتتصلح

هتتغير ب 1000 جنيه وانت واقف

واللي يريحك اعمله

سعر مش هقدر اخدمك فيه

موفق بأذن الله

ياستاذ حسنين السمكري ده انا جايبه عشان يبص على العربية وانا هعملها عند ميكانيكي طرفي مش من عنده وهو ميعرفش صاحب العربية و لا الميكانيكي على فكر العربيه دي كانت معروضة على 13500 بس السمكري اللي كان معايا نزلها الى 11000 والمفروض اني هخلص فيها بكرة فكنت عايز اعرف سعرها كدة كويس

[mostafa_mahmod]

هو انا ممكن امشي بالعربية كدة كام شهر لغاية ما اغير الكرونة على فكرة 150 ده تظبيط الماتور بس الكرونة مقرها خصوصا ان كل اللى عايا هحطه في العربية
ليش تتصلح قالي هتتغير بس تمشي عادي لغاية ما ربنا يسهلها وتغيرها اه افتكرت قالي خلي الميكانيكي يبص على الشاكوش

[hassanin_lada]

هو انا ممكن امشي بالعربية كدة كام شهر لغاية ما اغير الكرونة

هتمشي معاك هي هتقول لا بس صباح الصداع

ولو طولت عليها ممكن تقطع معاك في اي وقت

عموما لو اتوكلت علي الله ابقي حطلها قشر موز او ردت دقيق ممكن تخفي الونه دي لمدة شهر كده ولا حاجه

السعر بعد المصاريف اللي هتصرفها هيبقي معقول نوعا ما بس لو مافيهاش الهوا بعد كده

بس زي مابقولك الكرونه يعني باكو مقفول واللي يقولك افك ونصلح اديلو بالجزمه (سوري علي اللفظ )

[mostafa_mahmod]

هتمشي معاك هي هتقول لا بس صباح الصداع

ولو طولت عليها ممكن تقطع معاك في اي وقت

عموما لو اتوكلت علي الله ابقي حطلها قشر موز او ردت دقيق ممكن تخفي الونه دي لمدة شهر كده ولا حاجه

السعر بعد المصاريف اللي هتصرفها هيبقي معقول نوعا ما بس لو مافيهاش الهوا بعد كده

بس زي مابقولك الكرونه يعني باكو مقفول واللي يقولك افك ونصلح اديلو بالجزمه (سوري علي اللفظ )

انا زي ما قولتلك اللي هيتظبط الموتور تقريبا حاجة اسمها شاكوس بس الكرونة هي اللى هتتغير مش تتصلح هو ممكن اي كرونة لادا ولا لازم 1500

[hassanin_lada]

انا زي ما قولتلك اللي هيتظبط الموتور تقريبا حاجة اسمها شاكوس بس الكرونة هي اللى هتتغير مش تتصلح هو ممكن اي كرونة لادا ولا لازم 1500

كلها واحد تقريبا بس كرونة الادا بطيئيه

عشان مافتيش ممكن حد من الاخوه يدخل ويدلك علي كارونه افضل من بتاعت الادا

الشكوش امره سهل بس هو عرف منين انه شاكوش اصل الشكوش ده حاجه في الكهربا وصعب انه يكتشف يعني هو ممكن يقولك طقم كهربا

عموما انت اول ماتاخد العربيه المفروض تغير سير الكتينه لو كوتش وطقم بوجيهات وفلاتر وزيت وابلتين وكوندونسر عشان تبقي عارف اللي في العربيه

وانشألله تبقي بنت ناس معاك ويكفيك شرها

[mostafa_mahmod]

هو قاللي ايه اللي في الماتور بس انا نسيت هو تقريبا كان بيبقى فيه تكة في العربية وهيه دايرة قبل ما تطلع بالنسبة للكرونة في ناس بتقول كرونة 131 كويسة

[OussamaShaaban]

اعلى سعر فى 1500 شوفتة و العربية كانت على الشعرة كان 15 الف بس الصراحة كانت عربية باشا الكلام ده من وقت قريب مش بعيد

[mostafa_mahmod]

اعلى سعر فى 1500 شوفتة و العربية كانت على الشعرة كان 15 الف بس الصراحة كانت عربية باشا الكلام ده من وقت قريب مش بعيد

شكرا جدا ليك انا اخدتها ب 11 بس هغير سلامية و طقم شواكيش وكرونة

[hassanin_lada]

مبروك عليك ياباشا ونرجو انك ماتنقطعش عن القسم

واي حاجه هتلاقينا معاك ونساعدك ومتبخلش علينا بالمعلومات او قطع الغيار