عفشجى لادا

[ahmscu]

حد يعرف ياجماعه عفشجى لادا كويس وبيفهم فى اللادا،عربيتى لادا روسى2107 موديل 2006 ولسه جايبها مستعمل وفيها شغل كتير فى العفشه لان صاحبها كان مهمل فيها جدا

[mohammed dodda]

أصلا حضرتك ساكن فين؟

[ahmscu]

أصلا حضرتك ساكن فين؟

انا من الاسماعيلية بس بنزل الدقى كل اسبوع تقريبا بس عادى ممكن لو حد كويس اروحله اى مكان

[hassanin_lada]

بعد اذنك ممكن اعرف اختها علي كام والحاله العامه ايه ؟؟

وماشيه كام كيلو ؟؟

وعرفت ازاي انها روسي ؟؟

[hassanin_lada]

مبروووووووووووووووك عليك صحيح وربنا يكفيك شرها

[ahmscu]

هى موديل 2006 روسى(موتور 1500 فى الرخصة ده غير الضريبة والافراج الجمركى فى الملف)الدواخل كلها فابريكه،فى خبطات بره غير ملحوظه تترد على البارد،40 الف كيلو،مكيفه،صاحبها كان راكنها فتره طويله واستخدام ضعيف جدا لامه معتمد على عربية الشغل،يس للاسف مكنش بيصرف عليها مليم واحد ولا تشحيم ولا اى حاجه،بس الموتور ممتاز والعفشه من قلة الصيانه عايزه تتغير كلها تقريبا،خدتها على 34 الف بالعافيه،ارجو مساعدتكم فى تغيير العفشه والبيض والراداتير لانها بتسخن بغباء واماكن افضل ميكانيكية اغير عندهم الحاجات دى،العربيه داخله دماغى الصراحه وحاسس انها دبابه ماشاء الله وكفايه انى بعت اللوجان وهى فابريكه بره وجوه عشان خاطر الادا واسف انى بطول عليكم

[mohammed dodda]

هى موديل 2006 روسى(موتور 1500 فى الرخصة ده غير الضريبة والافراج الجمركى فى الملف)الدواخل كلها فابريكه،فى خبطات بره غير ملحوظه تترد على البارد،40 الف كيلو،مكيفه،صاحبها كان راكنها فتره طويله واستخدام ضعيف جدا لامه معتمد على عربية الشغل،يس للاسف مكنش بيصرف عليها مليم واحد ولا تشحيم ولا اى حاجه،بس الموتور ممتاز والعفشه من قلة الصيانه عايزه تتغير كلها تقريبا،خدتها على 34 الف بالعافيه،ارجو مساعدتكم فى تغيير العفشه والبيض والراداتير لانها بتسخن بغباء واماكن افضل ميكانيكية اغير عندهم الحاجات دى،العربيه داخله دماغى الصراحه وحاسس انها دبابه ماشاء الله وكفايه انى بعت اللوجان وهى فابريكه بره وجوه عشان خاطر الادا واسف انى بطول عليكم

...أولا ألف مبروك ياباشا وربنا يباركلك فيها اللادا عربية شغل بس عايزة اهتمام ومتابعة وهيه ان شاء الله مش هتخذلك ابدا...نيجى لاستفسار حضرتك : اللادا من السيارات البسيطة فى الصيانة ومش محتاجة عفشجى متخصص بس أيا كان العفشجى اللى هتروحله نصيحتى ليك غير العفشة كلها على ايدك بقطع اصلية جديدة عشان تعرف تحسب لاستخدامك الخاص هتكلفك فى حدود 1000-1500 عشان مفيش حاجة تفاجئك بسبب استخدام اللى سبقك وأحنا هنا فى المنتدى ممكن نقول لحضرتك على اهم أجزاء العفشة اللى لازم تتغير لو تحب....بالنسبة للمكنة فحضرتك لازم تعمل السيرفيس العادى بتاعها عشان تبقى العربية فايقة معاك: غير الزيت وفلتر الزيت والهوا والبنزين والبوجيهات والابلاتين والكوندينسر وأغسل الكاربرتير بمنظف الانجكشن وغير سير الدينامو و ركب جوان غطا تاكيهات (فل مش جلد) وأويل سيل كرنك أمامى ...بالنسبة لموضوع التبريد فأنت غير الفيوزات كلها وهتروح لواحد بتاع ريداتيرات يكشفلك على الرادياتير ويحطهولك على دورة الغسيل تنضفه كويس وبرضه تنضف كل اكواع التبريد الداخلة للمكنة وتشوف القربة وخرطومها وألغى ترموستات الكوعة وهتلاقى مروحة الرادياتير عندك بموتور كهرباء فأنت غير الفيشتين بتوعها وغير ترموستات الردياتير بالفيشتين بتوعها برضه وغير ساعة الحرارة اللى راكبة فى البلوك وحط ميه خضرا وان شاء الله هتنسى حاجة اسمها سخونة...ولو اى استفسار أخواتنا فى المنتدى مش هيبخلوا عليك

[mohammed dodda]

أسف بخصوص الكاربرتير لان عربيتك هاف انجكشن وبرضه لازم تنظفها بمنظف الانجكشن

[Mohamedmaree91]

لو احتجت رداتير بلغنى فى نوع الومنيوم لسه جايبه ممتاز

[ahmscu]

...أولا ألف مبروك ياباشا وربنا يباركلك فيها اللادا عربية شغل بس عايزة اهتمام ومتابعة وهيه ان شاء الله مش هتخذلك ابدا...نيجى لاستفسار حضرتك : اللادا من السيارات البسيطة فى الصيانة ومش محتاجة عفشجى متخصص بس أيا كان العفشجى اللى هتروحله نصيحتى ليك غير العفشة كلها على ايدك بقطع اصلية جديدة عشان تعرف تحسب لاستخدامك الخاص هتكلفك فى حدود 1000-1500 عشان مفيش حاجة تفاجئك بسبب استخدام اللى سبقك وأحنا هنا فى المنتدى ممكن نقول لحضرتك على اهم أجزاء العفشة اللى لازم تتغير لو تحب....بالنسبة للمكنة فحضرتك لازم تعمل السيرفيس العادى بتاعها عشان تبقى العربية فايقة معاك: غير الزيت وفلتر الزيت والهوا والبنزين والبوجيهات والابلاتين والكوندينسر وأغسل الكاربرتير بمنظف الانجكشن وغير سير الدينامو و ركب جوان غطا تاكيهات (فل مش جلد) وأويل سيل كرنك أمامى ...بالنسبة لموضوع التبريد فأنت غير الفيوزات كلها وهتروح لواحد بتاع ريداتيرات يكشفلك على الرادياتير ويحطهولك على دورة الغسيل تنضفه كويس وبرضه تنضف كل اكواع التبريد الداخلة للمكنة وتشوف القربة وخرطومها وألغى ترموستات الكوعة وهتلاقى مروحة الرادياتير عندك بموتور كهرباء فأنت غير الفيشتين بتوعها وغير ترموستات الردياتير بالفيشتين بتوعها برضه وغير ساعة الحرارة اللى راكبة فى البلوك وحط ميه خضرا وان شاء الله هتنسى حاجة اسمها سخونة...ولو اى استفسار أخواتنا فى المنتدى مش هيبخلوا عليك

الف شكر ياباشا على المساعده والمعلومات القيمه،وسعيد فعلا انى انضميت ليكوا وانتوا فعلا ناس محترمين

[Mohamedmaree91]

بالنسبه للميكانيكا والعفشه فى محمد طلبه فى الوراق وهو متخصص فى الادا بس

[ahmscu]

معلش ياباشا لو هتعبك تقولى ايه هى اجزاء العفشه اللى هجيبها وافضل الاماكن ومش مهم الفلوس انا عايز حاجه تعمر اطول وقت وتدى افضل اداء واسف لتعبكم معايا بس انا لسه جديد على الادا ومش عارف فيها اى حاجه وبالنسبه للميكانيكى ياريت اعرف عنوانه بالتفصيل ولو رقم تليفونه يبقى كده تمام

[mohammed dodda]

أنا مش من القاهرة والرجالة فى منتدى اللادا اللى فى القاهرة هيدلوك بالتفصيل ان شاء الله على أفضل ناس تشتغل فى العربية وأفضل ناس بتبيع حاجاتها...بخصوص الأسعار فمتقلقش حاجة الادا الاصلية بتعيش و رخيصة سواء جديد أو استيراد مقارنة بماركات تانية كتير...بالنسبة للعفشة ففى حاجات اساسية يستحسن تغيرها بقطع جديدة أصلية على ايدك وفى حاجات تكشف عليها الاول وتغيرها لو احتاجت بس....الحاجات الاساسية هتبقى فى العفشة الامامية ودى اللى بتستهلك أكتر نظرا لان حمل الموتور والتوجيه كله عليها: هتحتاج تجيب طقم بيض مقصات(4) وطقم بيض دركسيون(6)وطقم جلب مقصات(8) وجلد ميزان بزنبة (2)....الحاجات اللى هتكشف عليها:( جوز المساعدين ورا وقدام وكذلك السوست ورا وقدام-عندك قدام 4 مقصات اكشف عليهم-عندك ورا حاجة اسمها شدادات كرونة اكشف عليها-اكشف على صلايب الكردان ولو فيهم مشحمة شحمهم-اكشف على رولمان بلى العجل ورا وقدام- اكشف على علبة الدركسيون والزيت بتاعها ولو فيها بوش خلى الصنايعى يلمه) وبعد كده ربط عفشتك واظبط زوايا واعمل ترصيص للعجل كله وان شاء الله هترتاح وانسى حاجة اسمها عفشة وربنا يوفقك..

[ahmscu]

أنا مش من القاهرة والرجالة فى منتدى اللادا اللى فى القاهرة هيدلوك بالتفصيل ان شاء الله على أفضل ناس تشتغل فى العربية وأفضل ناس بتبيع حاجاتها...بخصوص الأسعار فمتقلقش حاجة الادا الاصلية بتعيش و رخيصة سواء جديد أو استيراد مقارنة بماركات تانية كتير...بالنسبة للعفشة ففى حاجات اساسية يستحسن تغيرها بقطع جديدة أصلية على ايدك وفى حاجات تكشف عليها الاول وتغيرها لو احتاجت بس....الحاجات الاساسية هتبقى فى العفشة الامامية ودى اللى بتستهلك أكتر نظرا لان حمل الموتور والتوجيه كله عليها: هتحتاج تجيب طقم بيض مقصات(4) وطقم بيض دركسيون(6)وطقم جلب مقصات(8) وجلد ميزان بزنبة (2)....الحاجات اللى هتكشف عليها:( جوز المساعدين ورا وقدام وكذلك السوست ورا وقدام-عندك قدام 4 مقصات اكشف عليهم-عندك ورا حاجة اسمها شدادات كرونة اكشف عليها-اكشف على صلايب الكردان ولو فيهم مشحمة شحمهم-اكشف على رولمان بلى العجل ورا وقدام- اكشف على علبة الدركسيون والزيت بتاعها ولو فيها بوش خلى الصنايعى يلمه) وبعد كده ربط عفشتك واظبط زوايا واعمل ترصيص للعجل كله وان شاء الله هترتاح وانسى حاجة اسمها عفشة وربنا يوفقك..

الف الف شكر ياباشا على المعلومات والنصايح القيمه،بجد استاااااااااذ،ومنتظرين شباب القاهره يردوا علينا،وتقبل خااالص تحياتى

[maheralsisi]

انا كان معايا لادا 5 سنين و ماكنتش باتعامل مع حد غير محمد طلبة اللى فى الوراق (و ناوى ارجع لها تانى ان شاء الله )
عند شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تنخش تالت شارع شمال
او كلمه بالتليفون و انت عند الغاز احسن
محمد طلبة :- 11966816 - 011