موبينه

[abokoko]

امس مع الحر الشديد ظهرا
توقفت السياره بلا مقدمات
وحاولت ادارتها لكن مارش ولا استجابه تقريبا
شكيت على الفور فى الموبينه ودلقت عليها شويه مياه
وادرت المارش يا دوب اشتغلت ولما بديت اتحرك بطلت
جه واحد معرفه واشار بوضع قماشة وبلها بالماء
والحمد لله دارت واسرعت الى مكان عملى وركنتها
ومع احد الزملاء - له منى التحيه - لفينا على المحلات
وجبت موبينه جديده ( انجليزى ب75 جنيه واول سعر لها كان 80 )
وركبناها بعرفة زميل اخر وبدون ما ياخد كمان فلوس تركيب
الملاحظات

الموبينه الجديده السالب و الموجب عكس القديمه
الموبينه مكتوب عليها انجلاند - بس مش مكتوب made in england
وطبعا ده معناه انها انجليزى صينى او انجليزى تايوانى الله اعلم
الموبينه زيت

النصيحة كانت
لو زيت يبقي الكورى
لو موبينه الكترونى يبقي اليابانى بشرط made in

امس كان الاحد والمحلات مش كلها فاتحه
وشوفت واحده مفروض انها المانى ب110 جنيه زيت

السؤال
ال موبينه الزيت اللى ركبتها عمرها الافتراضى غالبا كام
لان البائع بيقول ( على ضمانته سنتان )

الموبينه الالكترونى بتركب للادا الكربراتير عادى وبدون تعديلات فى الاسبراتير والكوندنسر - ولا بيكون لها شغل وتعديلات قبل التركيب

كمان سؤال
الموبينه بتتباع لادا وفيات وانواع تانيه كله ينفع يركب على بعض ولا كل ماركة لها موبينه خاصة بها
انا بسال السؤال ده لان العلبه مش مكتوب عليها انها خاصة باللادا

[abokoko]

[abokoko]

القديمة اللى كانت راكبه

[أحمد جودة]

اعتقد الموبينة مش شرط لعربية معينة دون غيرها المهم مواصفاتها

يعني ممكن المبينة الواحدة تنفع تركب فى ماركات كتير مش واحدة بس

متابع ,,,,,,,,,,,,,

[abokoko]

شكرا لحضرتك
وباقى الاسئلة ؟؟

[mohammed dodda]

نفس اللى حصل معايا بالمللى وكنت فى مدينة نصر واحتست حوسة ما يعلم بيها الا ربنا.. واشتريت نفس النوع الانجليزى الازرق ده بالضبط ب80 جنيه...بس يعنى ايه موبينة زيت وايه الفكرة الجامدة بتاعة الميه والقماشة المبلولة دى؟؟ والموبينة وحاجات الكهربا عموما مش شرط تبقى لموديل معين المهم تطلع ال12 فولت وخلاص..

[hassanin_lada]

متابع

[abokoko]

نفس اللى حصل معايا بالمللى وكنت فى مدينة نصر واحتست حوسة ما يعلم بيها الا ربنا.. واشتريت نفس النوع الانجليزى الازرق ده بالضبط ب80 جنيه...بس يعنى ايه موبينة زيت وايه الفكرة الجامدة بتاعة الميه والقماشة المبلولة دى؟؟ والموبينة وحاجات الكهربا عموما مش شرط تبقى لموديل معين المهم تطلع ال12 فولت وخلاص..

اللى اعرفه ان الموبينه هى ملفين لرفع الفولت
وبينهم زيت للتبريد
ومع الوقت الزيت بيقولوا بيضرب
واعتقد انه مش بيضرب يعنى يطلع لبره
لكن يضرب بمعنى يفقد خواصه اللى هى التبريد
وحل القماشة المبلوله هل حل مؤقت فقط لتبريد الملفين
زى ما عملت ومشيت بيها اقل من كيلو متر ولو كنت مشيت اكتر كانت هتبطل
ووقتها افتح الكبوت علشان تبرد واحط مياه تانى على القماشه وهكذا

احيانا بتتعمل قافله بسلكه من البطاريه الموبينه للطرف
بس معرفش التفاصيل واعتقد انها بتبقي لتجربه صلاحيه الموبينه مش اكتر

[komodo]

متابع .....

[Mohamedmaree91]

hpc ماركه انجليزى محترمه

[abokoko]

الله يطمنك

[lad]

ماركة كويسة كانت ركبة عندى وماشي تمام

[komodo]

أنا راكب عندى نوع أرجنتينى ولونها أسود...
يا ترى دى نوعية كويسة ولا ايه ؟؟؟؟؟

[tameromarw]

موبينه hpc

دي الموبينه اللي راكبه عندي HPC انجليزي
وعربيتي فيات تمبرا ومقلوبه من انجكشن لابلاتين وكوندنسر وشغاله تمام مفيش مشاكل
بس السؤال الموبينه دي الكتروني ولا عادية هيه راكبه عندي علي اسبراتير عادي ابلاتين وكوندنسر ؟

[abokoko]

عادية وزى اللى راكبة عندى
الالكترونيه بتبقي صغيرة وبتفكرنى بشكل الشيب فى الكيسة