سكودا فليشيا

[mahgoup]

السلام عليكم ......انا ان شاء الله ناوى اغير اللادا بسكودا فليشيا فكنت عايز اخد رايكم قبل ما اغير

[A3SAR]

سمعت انها بتسخن بس طبعا احسن من اللادا بكتير

[mahgoup]

على العلم انى معايا لادا 2107 موديل 2007

[A3SAR]

على العلم انى معايا لادا 2107 موديل 2007

كان معايا لادا 2107 موديل 2003
عربيه خشنه جدا ومرهقه في سواقتها اوى
وكمان حاسس انك راكب عربيه قديمه حتي لو موديلها عالي مع ان فلوسها تركبك عربيه حديثة نسبيا
انا رايي متبصلش علي الموديل والكلام ده الا في حاله انك بتبيع وتشتري طوالي
غير كده دور علي راحتك ورفاهيتك

[hassanin_lada]

الفليشا حلوه وياسلام لو نازل بتكيف يبقي انت كده اشتريت الدنيا باللي فيها(بس تاخد التكيف شغال مش يقولك ده عاوز يتشحن والكلام ده)

بس انا عاوز اعرف ميزانيتك كام يمكن يكون في اختيار افضل

[mahgoup]

انا حدخل عبيى فى عربية تانية فى اجانس عربيات وممكن ادفع فرق او لا

[mohammed dodda]

انا شايف انك مش هتعمل نقلة جامدة بالفيليشيا خصوصا انها عربية قديمة كمان...وكله حسب ميزانيتك...لو اخرك 40-50 ألف يبقى خش عالاكسنت او اللانوس...أقل من كده خليك مع الادا لحد ماتجمع مبلغ كويس واهو اللى تعرفه وكمان 2007 أحسن من اللى متعرفهوش....مجرد نصيحة أخوية

[mahgoup]

شكرااا ليك يا اخ محمد

[yoyhmh]

اللادا احسن من الفليشيا لانها بتسخن لو هتغير خليك ى حاجة تانية احسن

[ahmscu]

انا كان معايا لادا روسى وفيليشيا 99،لو هتشترى فليشيا يبقى موديل 1999 وما بعده(الوش الاوكتافيا)لان ساعتها سكودا اتباعت بالكامل لفولكس فاجن،دورة التبريد مختلفه تماما(الريداتير مدفون ومن غير غطا) ومش بتسخن نهائى والمكونات كلها المانى،بس موتورها فولكس القديم ضعيف (حوالى 60 حصان) ومش هتسعفك قوى فى السفر او لو معاك عيلة كبيره او حتى لو هتشغل عليها تكيف انما جوه البلد ممتازه وعلى فكره قطع غيارها كويسه ورخيصه ومتوفره وهى عربيه مريحه طبعا