دورة المياه

[walidabc]

السلام عليكم
انا عربيتي لادا ٢١١٠ روسي
عندي سؤال
لو العربية بادرة و لا يوجد بها كوعة ثرموستات و بعد ما دورت فتحت غطاء قربة المياه هل المفروض الاقي فيه سلسال ميه مستمر جاي من الرادياتير؟
ان مش شايف الحكاية ده لكن لما اقرص ابتدي اشوفه لكن بيقطع
انا فضيت و غسلت دورة التبريد و الحال زي ما هو
قمت رحت غيرت طرمبة الميه (القديمة كانت شغاله) و غيرت كمان جوان وش السلندر مفيش تغيير برضه و المشكلة اني حاسس ان حركة الميه في دورة التبريد ليست كما يجب و ده بيخلي العربية حرارتها علي النصف او اعلي شوية اذا كنا الظهر و الطريق واقف و المروحة لا تفصل كمان لو شغلت المكيف الحرارة بتعلي جدا
حد يكون عنده فكره ليه مفيش حركة؟
الفيديو ده صورته يوضح الحالة
water pump - YouTube

[medo_mony]

ممكن يكون ثرموستات الحرارة

[walidabc]

الثيرموستات مفهوش مشكلة لان لما تكون الحرارة عالية بيشغل المروحة و لو قات درجة الحرارة بيفصل المروحة

[yoyhmh]

شوف الرادياتير

[mohammed dodda]

السلام عليكم
انا عربيتي لادا ٢١١٠ روسي
عندي سؤال
لو العربية بادرة و لا يوجد بها كوعة ثرموستات ...ممكن أفهم من حضرتك يعنى ايه لايوجد بها كوعة ثرموستات؟ و بعد ما دورت فتحت غطاء قربة المياه هل المفروض الاقي فيه سلسال ميه مستمر جاي من الرادياتير؟ المفروض أن القربة هيه اللى بتغذى الرادياتير مش العكس
ان مش شايف الحكاية ده لكن لما اقرص ابتدي اشوفه لكن بيقطع
انا فضيت و غسلت دورة التبريد و الحال زي ما هو
قمت رحت غيرت طرمبة الميه (القديمة كانت شغاله) و غيرت كمان جوان وش السلندر...الجوان ده مبيتغيرش الا لو حضرتك لقيت زيت عايم على ميه الرادياتير وعامل زى الطحينة والجوان اللى ليه علاقة بدورة التبريد هوه بتاع المانفولد مفيش تغيير برضه و المشكلة اني حاسس ان حركة الميه في دورة التبريد ليست كما يجب و ده بيخلي العربية حرارتها علي النصف او اعلي شوية اذا كنا الظهر و الطريق واقف و المروحة لا تفصل كمان لو شغلت المكيف الحرارة بتعلي جدا...هيه دى المشكلة الاساسية اللى حضرتك بتدور على حلها وافترضت انها بسبب الطرمبة
حد يكون عنده فكره ليه مفيش حركة؟
الفيديو ده صورته يوضح الحالة
water pump - youtube

......بما ان حضرتك غيرت الطرمبة ونضفت الرادياتير يبقى أهم حاجة تتأكد من ثلاث نقاط : أولا تتأكد ان مفيش تسريب من اى جزء من أجزاء الدورة سواء الرادياتير أو الاكواع والخراطيم أو جوان المانفولد....ثانيا ممكن تكون ترموستات المروحة فيها مشكلة فبتشغل المروحة متأخر عن الحد اللى المفروض تشتغل عنده فتشتغل والعربية بقت سخنة خلاص وبالتالى بتاخد وقت اطول فى تبريد الرادياتير ومتفصلش فى معادها ولو حضرتك كنت مغير موتور المروحة قريب اتأكد انها بتلف فى الاتجاه الصحيح ....ثالثا أتأكد حالة ثرموستات الكوعة فى حالة أنك ملغيتهاش...وياريت حضرتك تقولنا عملت ايه لما ربنا يوفقك حل المشكلة

[hassanin_lada]

زي مالسادة الافاضل قالو

هي غالبا المشكله من ترموستات المروحه والميه حركتها طبيعيه في الريداتير

والطبيعي ان في الجو ده ان المؤشر يبقي علي النص

الترموستات مع الزمن والصداء بيبدا يفصل متأخر بس عوامل الميه وكده

جرب تغيره هو كله ب 20 جنيه بس فضي الميه الخضرا دي في الاول في جركن كبير وجرب وانشألله هتلاقي المشكله اتحلت

[hassanin_lada]

زي مالسادة الافاضل قالو

هي غالبا المشكله من ترموستات المروحه والميه حركتها طبيعيه في الريداتير

والطبيعي ان في الجو ده ان المؤشر يبقي علي النص

الترموستات مع الزمن والصداء بيبدا يفصل متأخر بس عوامل الميه وكده

جرب تغيره هو كله ب 20 جنيه بس فضي الميه الخضرا دي في الاول في جركن كبير وجرب وانشألله هتلاقي المشكله اتحلت

الترموستات 80/90 ماتجبش اكتر من كده عشان التكيف ولو حابب هات اقل عشان يمنع موضوع السخونه خالص بس كده يحمل علي البطريه في انها هتشتغل وقت اطول (لانها هتشتغل بدري )