باركولي يا جماعة جبت أول عربية ليا في حياتي

[AHMED HANAFY]

طائر النهضة اشتغل وطفا النور علينا والموبايل ح يفصل بعد اذنكم يا حبايب بكرة ان شاء الله لينا لقاء في التجربة الثانية علي الطريق ان شاء الله ادعولي

علي فكرة انا لسة ما طلعتش رخصة وبتعلم علي عربيتي .. ربنا يخليكوا ليا لكل من ساعدني في اليوم الأول سواقة ليا

[mohammed dodda]

بما أن حضرتك جديد فى العربيات أحب أنقل ليك نصايحى المتواضعة بالذات بخصوص اللادا :
-العربية صيانة وقطع غيار مش سواقة وبس : لازم تتعلم من الميكانيكى صحبك فكرة مبسطة عن الموتور والعفشة وازاى بيشتغلوا وتحفظ كل حاجة فيه أسمها ايه ومكانها فين بالذات الحاجات اللى بتتغير فى الصيانة الدورية( الزيوت-الفلاتر-السيور-الجوانات-تيول الفرامل)
-روح العربية الزيت والميه : عربيتك فيها 4 انواع من الزيوت (زيت الموتور-زيت الفتيس والكرونة-زيت الباكم وده للدبرياج والفرامل-زيت فالفيولين وده لعلبة الدركسيون) وعندك 3 انواع من الفلاتر (فلتر زيت-فلتر هواء-فلتر بنزين)... اهم حاجة زيت الموتور بيتغير كل عدد معين من الكيلومترات وأريحلك تغيره كل 5000 كم وتغير معاه فلتر الزيت..أتعلم من الميكانيكى أزاى تراجع مستوى الميه فى القربة والرادياتر بطريقة امنة
-الكاوتشات: يستحسن تظبط ضغط الهوا باستمرار كل أسبوع مثلا...أتعلم ازاى تستخدم الكوريك وجرب بنفسك تحط الاستبن مكان فردة قدام وفردة ورا عشان أى ظروف لاقدر الله
-دى أساسيات واحنا مع حضرتك فى أى أسئلة فنية ان كان فى الاستطاعة وربنا يسترها معاك

[hassanin_lada]

التقرير الأول :
---------------
أول حاجة صحيت الصبح لقيتها يا عيني مش متغطية والشمس مرزوعة فيها عموديا روحت ممورها ونزلت فرامل اليد قوم اية بقي هاة
زأتها في الضل ههههههه هههه
عشان كان الصاج مولع المهم,, فتحت الباب ... بسم الله الرحمن الرحيم لقيت تكيف سخن شغال لوحدة من كتر الشمس اللي كانت علي قفي العربية قولت يا واد افتح الشبابيك وطريها شويتين
وبعدين ادور علي البتاع دة اللي بيفتح الكابوت معرفش مكانة .. جت النجدة واحد جارنا لقيتة بيسخن عربيتة زي حالاتي لادا 2105 ( ح اعمل علي تجنيدة ل جماعة المنتدي)
روحت سألة هو فين البتاع اللي بيفتح الكابوت أصل انا لسة مبتدئ راح ضاحك وقالي اهوة
المهم فتحت الكابوت ومش فاهم حاجة في أي حاجة بس كنت فاكر كلام أخويا امبارح يا واد يا أحمد شيك علي المية والزيت وشوف حاجة بتنقط تحت الماتورأول ما تصحي
طبعا انا مش عارف فين زيت الماتور وفين قربة المياة ههههههه.. بس فاكر كلام حسين الميكانيكي أنك اليومين دول سخن دور واطلع ههههههه.. علي أساس ان العربية فيها مياة خضرا وزيت ماتور متغير لسة جديد وكل الزيت زي الفل فقالي متعملش حاجة خالص يوم الجمعة اللي هوة بعد بكرة تعالالي بيهة وملكش دعوة بحاجة
تمام قولت يا واد وسطن الأمور ازاي يبقي استني أخوك محمد هوة اللي يعمل كل دة
(باختصار هههههههه شديد )
دورت انا العربية وسبتها تسخن شوية لحد ما جاة أخويا قالي شيكت علي الزيت والمياة قولتلة لآ قالي يا حلاوتك يا جمالك وراح مديني بالبوكس في (......) أحم أحم
المهم أول درس في السواقة علي يدة العربية كل شوية تبطل وتنط مني وكنت ح البس في الرصيف وباصص في الدواسة تحت وبهدلة بعيد عنكم جميعا وبهدلتة بصراحة وهو عايز يعلمني السواقة علي أصولها بس أخوكم نرفوز حبتين فقولتلة نكمل بكرة يا محمد اصل انا تعبت من السواقة ( فافي ) هههههههههه
قالي ماشي يا عم ومالة ..ورحت علي البيت
ملاحظات النهاردة :
-العربية فيها حاجة كدة قالي عليها حسين الميكانيكي وهي عمود الكردان فية مشكلة وح اعملة يوم الجمعة
- العربية في المطبات الجامدة زي الفل بس كان فية شارع مكسر سمعنا صوت حكة جامد في نص العربية ( عاملة زي واحد جاب معلقة وضرب علي حلة المونيا )
بس كدة ..
اة نسيت
الراجل صاحب العربية جابلي شهادة المخالفات والتوكيل ورخصة العربية النهاردة وسايبلي في العربية كوريك تمساح وكوريك تاني كدة والمفتاح اللي بيفكة بية الصواميل بتاعت العجل (راجل زي الفل)

الي هنا ينتهي تقريرنا ..
دمتم بصحة وسلاام وامن وما تنساش اربط الحزام

لا اله الا الله ربنا يبارلكلك فيها ياباشاا ويكفيك شرها

اقسم بالله ضحك السنين ماتنساش بقي تصورلنا العربيه وانت بتخمس بيها حاكم انا حاسس فيك روح


فان ديزل من جواك

[AHMED HANAFY]

بما أن حضرتك جديد فى العربيات أحب أنقل ليك نصايحى المتواضعة بالذات بخصوص اللادا :
-العربية صيانة وقطع غيار مش سواقة وبس : لازم تتعلم من الميكانيكى صحبك فكرة مبسطة عن الموتور والعفشة وازاى بيشتغلوا وتحفظ كل حاجة فيه أسمها ايه ومكانها فين بالذات الحاجات اللى بتتغير فى الصيانة الدورية( الزيوت-الفلاتر-السيور-الجوانات-تيول الفرامل)
-روح العربية الزيت والميه : عربيتك فيها 4 انواع من الزيوت (زيت الموتور-زيت الفتيس والكرونة-زيت الباكم وده للدبرياج والفرامل-زيت فالفيولين وده لعلبة الدركسيون) وعندك 3 انواع من الفلاتر (فلتر زيت-فلتر هواء-فلتر بنزين)... اهم حاجة زيت الموتور بيتغير كل عدد معين من الكيلومترات وأريحلك تغيره كل 5000 كم وتغير معاه فلتر الزيت..أتعلم من الميكانيكى أزاى تراجع مستوى الميه فى القربة والرادياتر بطريقة امنة
-الكاوتشات: يستحسن تظبط ضغط الهوا باستمرار كل أسبوع مثلا...أتعلم ازاى تستخدم الكوريك وجرب بنفسك تحط الاستبن مكان فردة قدام وفردة ورا عشان أى ظروف لاقدر الله
-دى أساسيات واحنا مع حضرتك فى أى أسئلة فنية ان كان فى الاستطاعة وربنا يسترها معاك

محمد باشا انت اسطورة وربنا .. ربنا يخليك ليا والله العظيم انا استفدت جااامد قوي من كلامك
النهاردة جاري بتاع امبارح قالي يخربيت سنينك ضحكتني من امبارح ,, قالي بص افتح الكابوت بقي روحت فاتحة ( بقيت خبرة في فتح الكابوت ههههههه) طبعا بص علي الماتور وكدة قالي لازم تغير حاجة كدة اسمها ( سير التقسيمة) وزيت الماتور لما قاسة لاقاة أسود فقالي لازم تغيرة , وفلتر بنزين عشان انت مش عارف الراجل اللي قبلك مشي أد اية وغيرة أمتي

طيب اية أحسن نوع زيت للماتور وسعرة كام بالتقريب . وسير التقسيمة كمان

[AHMED HANAFY]

لا اله الا الله ربنا يبارلكلك فيها ياباشاا ويكفيك شرها

اقسم بالله ضحك السنين ماتنساش بقي تصورلنا العربيه وانت بتخمس بيها حاكم انا حاسس فيك روح


فان ديزل من جواك :10d5c8w1107:

ههههههههههه ربنا يخليك يا حسانين باشا وربنا أحلي قسم قسم الادا

هههههههههههههههه عرفت ازاي وربنا صح ,, انت عارف النهاردة واحد شافني وانا بمسحها بس واغسلها قالي تبعها قالت لنفسي أومال لو شافني وانا بسوق كان عمل اية ههههههههههه

[hassanin_lada]

ههههههههههه ربنا يخليك يا حسانين باشا وربنا أحلي قسم قسم الادا

هههههههههههههههه عرفت ازاي وربنا صح ,, انت عارف النهاردة واحد شافني وانا بمسحها بس واغسلها قالي تبعها قالت لنفسي أومال لو شافني وانا بسوق كان عمل اية ههههههههههه

هههههههههه واللهي انت رجعت للقسم روحه


عموما بالنسبه للزيت ناس كتير اختلفة في الموضوع ده ناس تقول موبيل وناس تقول شيل وشويه ليكومولي وشويه xado

انا ليا فتره طويله بستتخدم الموبيل xhp جركن 4 لتر ب 125 جنيه بيمشي 5000 كيلو بس انا بنزله علي 4000

ومن قريب غيرة لشيل الاصفر ماحستش بفرق غير في استهلاك البنزين اتحسن بشكل ملحوظ اووووي مع اني ماكنتش هتسنخدمه تاني بس بعد استهلاك البنزين الجميل ده انا هكمل عليه انشالله

وهو جركن اصفر ب 115 جنيه

وفعلا لو السير عندك كوتش يبقي لازم تغيره وتغير سير الدنمو وفلاتر الهوا والبنزين والدنمو عشان تبدأ علي ميه بيضه وتبقي عارف الحاجات دي تتغير امتي


بالنسبه لفلتر الهوا والبنزين بيتغيرو كل شنه
فلتر زيت المتور يعني تغير مرتين والتالته تغير فيها الفلتر وهكذا
وسير الكتينه الكوتش يفضل كل 40000 كيلو او 50000 عشان تبقي فالامان

وبالمره تغير طقم الكهربا (بوجيهات وابلتين وكوندونسر) وبردو دول بيتغيرو كل سنه

[AHMED HANAFY]

هههههههههه واللهي انت رجعت للقسم روحه


عموما بالنسبه للزيت ناس كتير اختلفة في الموضوع ده ناس تقول موبيل وناس تقول شيل وشويه ليكومولي وشويه xado

انا ليا فتره طويله بستتخدم الموبيل xhp جركن 4 لتر ب 125 جنيه بيمشي 5000 كيلو بس انا بنزله علي 4000

ومن قريب غيرة لشيل الاصفر ماحستش بفرق غير في استهلاك البنزين اتحسن بشكل ملحوظ اووووي مع اني ماكنتش هتسنخدمه تاني بس بعد استهلاك البنزين الجميل ده انا هكمل عليه انشالله

وهو جركن اصفر ب 115 جنيه

وفعلا لو السير عندك كوتش يبقي لازم تغيره وتغير سير الدنمو وفلاتر الهوا والبنزين والدنمو عشان تبدأ علي ميه بيضه وتبقي عارف الحاجات دي تتغير امتي


بالنسبه لفلتر الهوا والبنزين بيتغيرو كل شنه
فلتر زيت المتور يعني تغير مرتين والتالته تغير فيها الفلتر وهكذا
وسير الكتينه الكوتش يفضل كل 40000 كيلو او 50000 عشان تبقي فالامان

وبالمره تغير طقم الكهربا (بوجيهات وابلتين وكوندونسر) وبردو دول بيتغيرو كل سنه

الله أكبر الله أكبر ... بص انا بخمس علي الشاشة عشان خايف تتحسد ... ربنا يديك الصحة والعافية يا حسانين باشا ان شاء الله لما ارجع من عند حماتي والميكانيكي حنكمل كلامنا .. حبقي اكلمكم من عند حماتي النهاردة .. أصل النهاردة اليوم العالمي للفتة بالتقلية وملوخية بالأرنب .. كل سنة وانتم طيبين هههههههههه

[agme]

الف مبروك يا ابو حميد وربنا يديك خيرها ويكفيك شرها ان شاء الله انا زيك والله بسعى لامتلاك اول عربيه فى حياتى وبعد البحث استقريت على ال لادا برضه بس قول يا رب الاقى حاجه نظيفه ويكون سعرها معقول

[hassanin_lada]

كيف تعمل السيارة

[hamid20]

الف مبرووووووووووووووووووك
والحال من بعضه ولسه بنتعلم

[AHMED HANAFY]

الف مبروك يا ابو حميد وربنا يديك خيرها ويكفيك شرها ان شاء الله انا زيك والله بسعى لامتلاك اول عربيه فى حياتى وبعد البحث استقريت على ال لادا برضه بس قول يا رب الاقى حاجه نظيفه ويكون سعرها معقول

الله يبارك فيك يا هندسة .. الادا عربية والله العظيم ممتازة جدااا جدااا خاصة في اسكندرية .. بجد بجد عربية محترمة بس لو لقيت حاجة في التمانينات هاتها عضمها ناشف

انت عارف انا امبارح كنت عند الميكانيكي والله العظيم واحد مبدل عربيتة موديل مش عارف كام وتمانين بواحدة 95 وخد كمان خمس تلاف جنية فرق ...

ربنا يوقعك في واحدة حلوة كدة ويكفيك شرها يا رب انت و اللي سامعين واللي بيكتبة واللي بيتفرجوا كمان ههههه

[AHMED HANAFY]

كيف تعمل السيارة

حبيبي يا حسانين باشا انت يا مدلعنا وربنا انت ستار القسم .. تسلم يا حبي .. جاري الاطلاع

[AHMED HANAFY]

الف مبرووووووووووووووووووك
والحال من بعضه ولسه بنتعلم

الله يبارك فيك يا قمر

حلوووووو تعالالي بقي واشترك هنا في قسم المبتدئين ( والله فكرة نعرضها علي الادارة ) عايزك تقولي بالتفصيل الممل عملت اية من ساعة ما ركبت العربية كنت خايف مثلا أو متوتر واية احساسك لما ركبتها ومشيت ولما العربية بتقف تحت البيت يا عيني يتيمة وانت لسة مش بتعرف تسوق بتحس بضيق ؟

لاني مريت بكل دة ودلوقتي وصلت بعد خمس ايام لمرحلة نقل السرعات بدون رهبة ولا خوف وبجيب التاني هههههههههههه ههههههههه

[AHMED HANAFY]

النهاردة ح اعمل تقرير بالليل بعد ما العربية راحت عند حسين الميكانيكي بتاعي بقت عاملة ازاي

[hamid20]

بسم الله الرحمن الرحيم
اول يوم جبت العربية وكانت واقفة قدام البيت ومش عارف اسوق مع انى متعلم نظرى ,,,,, المهم قلت لنفسى يعنى ايه اللى هيحصل يعنى ,,,,,وركبت العربية ودورت والدبرياش كان بيزق رجلى والعربية تبطل (وهى دى مشكلتى فى الاول) لحد ما ربنا سهلها واتعودت وطلعت بالعربية ولفيت من الشارع اللى جنبى وهى دى البداية وربنا يستر
وكنت على الغيار الاول علشان كنت خايف اغير للتانى ,,,, الكلام ده من اسبوعين
دلوقتى الحمد لله بغير للتانى و التالت كمان وربنا يستر