سؤال

[hamid20]

هى فين الولاعة فى لادا 2107 ولا مفيهاش ولاعة ؟؟؟
تحت مكان العدادات فى السمال فيه مفتاح ده بتاع ايه ؟؟؟؟
وكمان فيه واحد تانى تحت العدادت فى اليمين ده بتاع ايه ؟؟؟

[ahmdmagdy]

مكان الولاعه علي يمين الساعه

[A3SAR]

المفتاح اللى علي الشمال تحت العدادات
مفتاه لفاف بيلف يمين وشمال وده لتعليه الاضائة
اما المفتاه المقابل له علي اليمين
فهو مفتاح سحب للخارج والداخل
وهو المفتاح الخاص بالشفاط

[hamid20]

مكان الولاعه علي يمين الساعه

هى الساعة مكانها فين ؟؟؟

[hamid20]

المفتاح اللى علي الشمال تحت العدادات
مفتاه لفاف بيلف يمين وشمال وده لتعليه الاضائة
اما المفتاه المقابل له علي اليمين
فهو مفتاح سحب للخارج والداخل
وهو المفتاح الخاص بالشفاط

هو الشفاط موجود فين وبيشفط ايه ؟؟

[hamid20]

معلش الاسئلة ممكن تكون ساذجة شوية بس بجد مش عارفها

[A3SAR]

هى الساعة مكانها فين ؟؟؟

انت جايبها مستعمله ولا ايه !!
يمكن اللى انت جايبها متشال منها الساعه والولاعه لان الساعه هتلاقيها في وشط علي طول ادام عنيك
يعني في مستوى راس عصايه الفيتيس
-------
الشفاط انا قولتلك علي مكانه والشفاط ده بيعلي الار بي ام او كمية وصول البنزين للموتور كأنك دايس بنزين علي خفيف وممكن تشغله وانت علي التاني من غير ما تضغط بنزين والعربيه تمشي او مثلا لو مشغل التكييف ومحتاج عزم للعربيه زياده لو بتقطع منك .. او الاستخدام العادي في تسخين العربيه
-----------
وميهمكش واسأل زي منتا عايز بس سؤال الساعه ده غريب شويه لانها واضحه زي الشمس

[hamid20]

الساعة اصلا مش موجودة ,,,,انا اول مرة اعرف انها كان فيها ساعة
العربية مستعملة

[A3SAR]

تقريبا الصف كله متشال عندك الساعه والولاعه
انت ممكن تروح عند كهربائي وتركبهم تاني عادي وهما رخاص مش غاليين متقلقش
ومبروك عليك العربيه :)

[hamid20]

الله يبارك فيك
تقريبا سعرهم كام ؟؟؟

[A3SAR]

اعتقد الولاعه تعملها من 10 لحد 15 جنيه
والساعه معرفش هتلافي منها جديد ولا استيراد
بس اعتقد هتلاقي يعني الاتنين مش هيكملوا ال 50 جنيه

[hamid20]

الف الف شكر