ازاى اتعلم اعدى امتحان الرخصة العملى ؟؟؟

[hamid20]

لو سمحتم كنت عايز اعرف ازاى اتدرب على اختبار الرخصة العملى ,,,,,, يعنى الاقماع على شكل حرف s ايه مقاساتها بالظبط علشان اعمل زيها بالظبط ؟؟؟
وايه أهم النصايح وانا بعمل التدريب ؟

[shaddadfalcon1]

تروح مدرسة المرور التابع للمرور بتاعك
تدفع الفلوس المقرره حوالي 500 جنيه
تطلع رخصتك في نفس اليوم وانت حاطط رجل علي رجل

[el diesel]

http://www.youtube.com/watch?v=IyKYFfQSi-I

http://www.youtube.com/watch?v=vaHwvyqGMvs

اتفرج على دول وفيه زيهم كتيير على اليويتوب بس انت مرور ايه علشان انا مرور عبود و الامتحان عملى حرف U

[mohamed hussei]

مفيش احلي من مرور المقطم يقلولك اطلع علي طول وارجع حاجة بسيطة :d

[hossamalsadik]

شخلل عشان تعدى ههههههه مش ادر أعظرنى

جد شويه
تتعلم السواقه بره كويس اوى بمجرد ماتحس أنك احترفت هتعدى ولو حطولك مليون قمع
بس طبعا هما بيحبو ان تكون سوقتك هاديه كمان من مجرد طلعتك بالعربيه بيبان أنتا بتعرف تسوق ولا لأ
---------
وفى ممكن تروح مدرسة سواقه تابعة للمرور بتاعك او مدرسة سواقه خاجية او حد محترف من اصحابك يعلمك
ويكون عنده قدرة على توصيل المعلومه ليك وانصحك لو تقدر تتعرف على مكونات العربيه وكيفية عمل المحرك
والحركة الميكانيكية بتعته نظرياً ده هيسهل عليك فهم السواقه بسرعه وفهم مايقوله الاخرون عند تعليمك

ملحوظه : العربيه الى هتتعلم عليها عرضه للبوظان فلو بعربيتك يكون افضل وديه ضريبة التعلم او فى مدرسه
أذا كنت لسى ما أشترتش عربيه

[john55]

انا اديت اللي قعد جنبي في الاختبار عشرين جنيه ومسكلي الدريكسيون من الاسفل وهو اللي عداني من الاقماع رايح جاي ونجحت بجداره ههههههههههههههههههههههههههههه

[hamid20]

بصراحة يا جماعة انا مش عايز ادفع رشوة
انا مرور فاقوس وان شاء الله مش هادفع حاجة لحد
حاليا بتعلم على عربيتى والحمد لله بقيت كويس,,, يعنى الطلعة بقت كويسة والعربية مبتنطش ولا بتبطل ,,,,وكمان لما برجع للخلف بقيت احسن من الاول كتير يعنى فى الاول وانا راجع كنت بارجع بسرعة رهيبة بترعب الناس اللى ورايا بس طبعا كنت بحسسهم ان دى مهارة من مهاراتى الخارقة
لكن دلوقتى المهارة السابقة تكاد تكون اختفت الحمدلله وبارجع كويس وبشويش
دلوقتى انا عايز اتدرب على الامتحان وفيه مكان فاضى اتعلم فيه ,,,,, بس المشكلة انى مش عارف مقاسات حرف ال s والمسافة بين الاقماع كام ياريت تفيدونى فى الموضوع ده ؟؟
وكمان نصايحكم وانا بارجع للخلف مع تحريك الدريكسيون لليمين او للشمال ؟؟

[mohammedgido]

بصراحة يا جماعة انا مش عايز ادفع رشوة
انا مرور فاقوس وان شاء الله مش هادفع حاجة لحد
حاليا بتعلم على عربيتى والحمد لله بقيت كويس,,, يعنى الطلعة بقت كويسة والعربية مبتنطش ولا بتبطل ,,,,وكمان لما برجع للخلف بقيت احسن من الاول كتير يعنى فى الاول وانا راجع كنت بارجع بسرعة رهيبة بترعب الناس اللى ورايا بس طبعا كنت بحسسهم ان دى مهارة من مهاراتى الخارقة
لكن دلوقتى المهارة السابقة تكاد تكون اختفت الحمدلله وبارجع كويس وبشويش
دلوقتى انا عايز اتدرب على الامتحان وفيه مكان فاضى اتعلم فيه ,,,,, بس المشكلة انى مش عارف مقاسات حرف ال s والمسافة بين الاقماع كام ياريت تفيدونى فى الموضوع ده ؟؟
وكمان نصايحكم وانا بارجع للخلف مع تحريك الدريكسيون لليمين او للشمال ؟؟

بالنسبة للرجوع للخلف وحركة الدركسيون فهي بسيطة جدا جدا جدا
اهم حاجة وانت بترجع تبص لورا وتحط ايدك علي الكرسي الي جنبيك وايد علي الدركسيون
والطريقة سهلة جدا
اعتبر نفسك وانت باصص للخلف ان انت باصص لكبوت العربية يمين يمين وشمال شمال ( نقطة انتهى ) :)))
سهل جدا والله بس براحة وواحده واحدة وهتبقى تمام

[hamid20]

المسافة ببين كل قمع كام متر ؟؟؟

[ابو لؤى]

اتعلم ازاى تطبق العشرين جنيه وتديها للمهندس هههههههههههه

[محمود سيد محمو]

شوف انا طلعت الرخصة وكنت مقرر زيك انى مش هادفع رشوة لحد
واول مرة خبطت فى الاقماع عشان كنت راجع بسرعة وقولت مستحيل حد يعدى الكلام الفاضى ده ورجعت بعد اسبوعين واتدربت اكتر ودعيت ربنا انى مش عايز ادفع رشوة وعملت الاختبار وعديته بمنتهى السهولة
اهم حاجة انك ترجع بهدوء ومن غير قلق هتلاقى كل حاجة سهلة ان شاء الله