لادا 2107 تقرير حصرى بالصور من المصرية للسيارات

[YahiaAshraf]

بسم الله الرحمن الرحيم

LADA 2107 IN EGYPT

تقرير خاص و حصرى عن لادا 2107 موديل 2013 فى مصر النسخه المصرية


الصور

من الأمام












من الجانب





الفانوس الأمامى





من الخلف














المرايا الجانبية






باب الراكب الخلفى






باب السائق





يتبع

[YahiaAshraf]

لادا ايجيبت محفوره على الباب




التابلوه













درج التابلوه





أزرار التحكم فى المروحه و الاضائة



لوحة العدادات








الفتيس





ساعة فى التابلوه




اضائة الصالون







المواصفات العامة للسيارة

المحرك :-

1600 سى سى 4 سلندر يولد 78 حصان

الفتيس :-

مانوال 5 سرعات

السيارة دفع خلفى

الوقود :-

نظام الضخ : كربراتير
سعة الخزان : 40 لت
متوسط الاستهلاك : 6.9 لتر / 100 كم

الأبعاد :-

الطول : 4145مم
العرض : 1620 مم
الارتفاع : 1435مم
قاعدة العجلات : 2492مم

الفرامل :-

الأماميه : أقراص
الخلفية : طنابير





الأوبشنز العامه

زجاج للأبواب يدوى ( يعنى مفيهاش زجاج كهرباء )
سنتر
جنوط عادية مقاس 13 بطاسات و كاوتش تيوبلس
راديو كاسيت 2 سماعه وايريال
ساعه بالتابلوه
مفتاح تحكم فى مستوى اضائة التابلوه
تحكم فى مستوى اضائة الكشافات الاماميه
درج تابلوه
ولاعة سجائر
احزمة امان
عداد لفات المحرك ( RPM )
اكصدامات نيكل
فرش جلد
تكيف
باور

تتوفر بالوان عادة و ميتالك
ضمان سنه او 10 الاف كم ايهما اقرب
الوكيل شركة الامل وكيل لادا و بى واى دى

السيارة الانتاج الروسى اتوقف و بقى اللى متوفر حاليا الانتاج المصرى

وكانت متوفره بفئتين ولكن حاليا متوفره فقط بالفئة الكامله و عامله 60 الف جنيه مصرى

مع العلم ان موديل 2012 كان الكامله من 54 ل 56 الف جنيه مصرى


والفئة اللى مفيهاش التكيف و الباور و الحاجات دى
كانت عامله 48 الف جنيه مصرى

..................................

طب ايه اللى بيميز الروسى عن المصرى ؟


انا اقولك
الروسى المرايات بتاته صغيره انما المصرى كبيره

كمان المحرك فى الروسى 1500 سى سى انجيكشن 74 حصان
انما المصرى 1600 سى سى كربراتير 78 حصان

المصرى اخف وزنا واقل ثباتا من الروسى و الصاج فى الروسى اقوى من المصرى


العفشة المصرى انعم من الروسى

الروسى بتبقى فاضية
لكن المصرى فيها اوبشنز زى التكيف و الباور و الحاجات دى
الروسى كمان الوانها عادية انما المصرى تتوفر بالوان ميتالك




الصور كلها من تصويرى الشخصى من المصرية للسيارات على فترات متتابعه علشان كده فيه الوان متعدده للسيارة فى الصور

والموضوع كله من مجهودى الشخصى


تحياتى

Yahia Ashraf

[Karim_Monir]

نيههههههه
مش عارف اضحك ولا اشكرك علي التقرير يا يحي :-)
زي ما هي من 40 سنة :-)

[elpasha1]

تقرير هايل
تسلم ايدك

[corsair]

الله ينور يا ابو يحيي

[YahiaAshraf]

نيههههههه
مش عارف اضحك ولا اشكرك علي التقرير يا يحي :-)
زي ما هي من 40 سنة :-)

ههههههههههه

انت عارف يا كريم بيه اللى بلاقيه قدامى بصوره على طول

مش بعيد لو لاقيت توكتوك اصوره و اعمل تقرير عنه

قولت بقى اريح شوية من مستوى الجيتا و الرابيد و الريو و السوبارو

وننزل شوية لسيارة الشعب

[YahiaAshraf]

الله ينور يا ابو يحيي

ده نورك أحمد باشا

كل سنه و انت طيب يا غالى
( مش نفسك فى صينيه البطاطس بتاعت رمضان )

[YahiaAshraf]

تقرير هايل
تسلم ايدك

الله يخليك يا باشا و نورت موضوعى المتواضع

[mohamed hussei]

دركسيون العربية دية من غير باور عامل زي صالة حديد

[ابو لؤى]

لا وايه كمان فيها ساعه فى التابلو انا انبهرت بصراحه هههههههههههههه تسلم ايدك على الموضوع حبيت اجرب اسوقها لانها مع واحد زميلى الدبرياج جابلى شلل تقييييل والدريكسيون مافيهوش ريحه الباور

[محمد بازيد]

نيههههههه
مش عارف اضحك ولا اشكرك علي التقرير يا يحي :-)
زي ما هي من 40 سنة :-)

والله الاستاذ/ كريم قال الخلاصة زى ماهى من 40 سنة وسبحان الله لسة فى ناس بتشتريها

[hassanin_lada]

يا جماعه راعو مشاعرنا شويه

[Thebutcherr]

العربية دى يا حضرات كلها انبهارات

[mshmshm3]

ياخسارة مفيهاش ايموبلايزر هيهيهيهيهيه

[Thebutcherr]

ما هو اللى يدفعك 60 باكو فى دى يخليك تجيب اى حاجة كورى موديل سنتين فاتو
العقل زينة