سحب البنزين من العربية

[youssef_elgbaly]

السلام عليكم هو ازى اسحب بنزين من التانك الى جركن
انا شفت طريقة تانية هى العكس ازاى تسحب من الجركن للتانك وشوفت الميكانيكى بيسد بايده الجركن ويكون حاطط خرطوم بين الجركن والتانك وينفخ فى الجركن البنزين يمشى من الجركن للتانك حاجة غريبة ههههههههههههه
طيب بالنية لسحب من التانك الى جركن ازاى انا جربتها من كام يوم باخد من عربية واحد صاحبى قالى هاتعرف قولتله احنا جامدين قوى ياعم هات بجرب اشفط شربت بنزين لاقيت الدنيا بتلف بيا وكنت هاقع على الارض ههههههههههههههههه وصحابى ضحكوا عليا
انت برده بتشربوا بنزين زى ولا ايه ههههههههههههه ولا بتسحبوا علطول مش عارف خايف اجربها تانى هههههههههههههههه

[hassanin_lada]

خرطوم يكون رفيع وتوطي جامد عشان مستوي البنزين اللي في التانك يبقي فوقيك وبعدين تسحب بالراحه وتبص علي الخرطوم اول ماتلاقي في بنزين في الخرطوم جاي بالراحه كده توطي الخرطوم وتخفسو في الجركن واتأكد ان الطرف التاني في اخر التنك عشان مش كل شوية تعمل كده تاني يعني عشان تتعمل مره واحده بس







زمان جيت اسحب بنزين ماحطتش الخرطوم جامد في التنك وكان متعلق جوه وقعت اسحب ومافيش حاجه طالعه وقعت اكح جامد ودوخت دواخان السنين اتاريني كنت بسحب الغاز بتاع البنزين او البخاره ودي اوسخ من البنزين نفسه

اليوم ده دماغي كلها فصلت وكحه بشكل غريب

حاول بقدر الامكان ماتخليش البنزين يجي عند فمك لان هتلاقي بوقك كله بنزين وشفايفك بيضة وحاجه مايعلم بيها الا ربنا :d

[youssef_elgbaly]

خرطوم يكون رفيع وتوطي جامد عشان مستوي البنزين اللي في التانك يبقي فوقيك وبعدين تسحب بالراحه وتبص علي الخرطوم اول ماتلاقي في بنزين في الخرطوم جاي بالراحه كده توطي الخرطوم وتخفسو في الجركن واتأكد ان الطرف التاني في اخر التنك عشان مش كل شوية تعمل كده تاني يعني عشان تتعمل مره واحده بس


تمام الله ينور لازم اجيب خرطوم شفاف اللى كنت بعمل بيه مش شايف منه حاجة




زمان جيت اسحب بنزين ماحطتش الخرطوم جامد في التنك وكان متعلق جوه وقعت اسحب ومافيش حاجه طالعه وقعت اكح جامد ودوخت دواخان السنين اتاريني كنت بسحب الغاز بتاع البنزين او البخاره ودي اوسخ من البنزين نفسه

اليوم ده دماغي كلها فصلت وكحه بشكل غريب

حاول بقدر الامكان ماتخليش البنزين يجي عند فمك لان هتلاقي بوقك كله بنزين وشفايفك بيضة وحاجه مايعلم بيها الا ربنا :d

اه والله ده نصيبه لاقيت الدنيا بتلف ودوخت وصحابى قعدين يضحكوا ويقولا احنا جامدين اوى زى ماكنت بقول هههههههههههههههههههه

[Magoda]

هو غالبا كل اللى بيسحب لازم يشربله بؤيين حلوين يعمله دماغ وتفشل العملية

[esam_refaat]

بدل التعب ده حاول تاخد البنزين من الراجع للتانك يعنى توصل خرطوم فى الماسورة او البوز الراجع للتانك
انا عملت كده لكن فى لانوس

[youssef_elgbaly]

بدل التعب ده حاول تاخد البنزين من الراجع للتانك يعنى توصل خرطوم فى الماسورة او البوز الراجع للتانك
انا عملت كده لكن فى لانوس

تمام عندى راجع ماسورة صغيرة فى التانك من جوه جمب العوامة بتاعة التانك كده لو وصلت خرطوم فيها المفروض اشفط ولا انفخ