استفسار بخصوص لادا 2111

[Omar2017]

السلام عليكم
كل سنة و احضراتكم طيبين
انا عايز اعرف كل حاجة عن اللادا2111 كل كبيرة و صغيرة كل المميزات و كل العيوب و هل النوبيرا افضل منها و لا لأ
شكرا لكم

[mohammed dodda]

اللى أقدر أفيدك بيه أن اللادا 2111 هيه النسخة الاستيشن من اللادا 2110 السيدان ,واللى انتجت فى روسيا من سنة 98 الى 2009..وهنا فى مصر الانتاج الروسى اخره 2007 وتوكيل لادا ( شركة الامل) ليها مصنع فى حلوان كان بيطلع لادا 2110 تقفيل مصرى لحد 2010 تقريبا..الروسى 1500سىسى اتنين كامة علوية والمصرى 1600 سىسى واحد كامة علوية...المميزات : حسب كلام ملاكها فالعربية ناعمة وصاجها قوى ومصفحة من تحت وشكلها عصرى غير الموديلات القديمة المعروفة بتاعة اللادا وفيها تكييف وهاف باور(تقيل شوية عن الباور المعروف) وزجاج كهرباء وسنتر وكماليات تانية...العيوب : مش منتشرة زى الكورى مثلا وقطع غيارها موجودة فى اماكن معينة مش مرطرطة يعنى وبالتالى بيعها تقيل وسعر اعادة البيع مش هيفرحك...مينفعش تقارنها بالنوبيرا لان النوبيرا واقعة فى شريحة سعرية اعلى منها كمستعمل وطبعا النوبيرا (سواء 1 أو 2 ) عربية ممتازة جدا واعتمادية ومميزاتها تغطى على عيوبها بس سعر النضيف منها اغلى من ال2111 بمراحل...وربنا يوفقك للصواب

[mohammed dodda]

اسف: مصنع الوكيل فى 6 اكتوبر مش حلوان وملحوظة : ال 2111 كلها روسى 97-2008 لكن ال2110 منها مصرى 2005-2010 ومنها روسى 95-2007