زيت الماتور بقى لونه اسود

[محمود سيد محمو]

زيت الماتور بقى لونه اسود مع انه عامل 850 كيلو متر فقط
اما الزيت اللى انا حاطه هو زيت شل تقيل الاحمر 3000 كيلو

[محمود سيد محمو]

مع العلم ان الكربارتير كان وسخ جدا وكان محتاج تنظيف وبالفعل روحت امبارح نظفته لانه كان بيهرب بنزين زيادة فمش عارف ممكن يكون ده هو السبب والا لأ

[lidosasa]

كان عندى نفس المشكلة الكربراتير كان متوسخ والبوجيهات كانت بتودع والبنزين كان مش بيحترق بالكامل داخل الموتور وكان بيطلع دخان لونه اسود من الشكمان وريحته وحشه وطبعاً بيعمل رواسب على جدران المحرك.
وبما أن زيت شيل زيت محترم ونضيف فالزيت بيشيل الرواسب دى كلها وبيسود ولو عمل غير كده يبقى زيت اى كلام وملهوش لازمة .
لازم تغير الزيت طالما اسود وأنسى خالص انت حاطه على كام كيلو لآن كان عندك مشكلة فى دورة الإحتراق . أنا كنت حاطط شيل اصفر 5000 وغيرته بعد 400 كيلو وفوراً بعد ما اكتشفت المشكلة وعالجتها

[aliabdo]

ملوش اى لزمه يغير الزيت عشان لونه اتغير الطبيعى ان لون الزيت يتغير مع الوقت ممكن هنا اتغير بسرعه عشان كانت العربيه مش مظبوطه بس ده ميعبش الزيت فى حاجه

[محمود سيد محمو]

شكرا على الردود السريعة يا جماعة
ومش عارف بصراحة اغير الزيت والا لأ
فيه ناس بتقول مش مهم لون الزيت فعلا اهم حاجة درجة اللزوجة بتاعته وده من رأى الميكانيكى برده
وفيه ناس بتقولى لازم تغيير الزيت عشان العربية تظبط معاك وده من رأى بتاع الكربراتير

[lidosasa]

شكرا على الردود السريعة يا جماعة
ومش عارف بصراحة اغير الزيت والا لأ
فيه ناس بتقول مش مهم لون الزيت فعلا اهم حاجة درجة اللزوجة بتاعته وده من رأى الميكانيكى برده
وفيه ناس بتقولى لازم تغيير الزيت عشان العربية تظبط معاك وده من رأى بتاع الكربراتير

دع ما يريبك إلى ما لا يريبك
اشترى دماغك وحافظ على موتورك وغير الزيت هو صحيح لزوجته زى ما هى لكن تغير لونه بعد المشكلة اللى كانت عندك دليل على تشبعه بالرواسب ومش حيقدر يزيل رواسب أكتر من كده فالرواسب دى حتترسب على جدران الموتور

[محمود سيد محمو]

طب بتاع الكربراتير شال خرطوم متوصل بالكربراتير وقالى خالى الفايز بتاعه يرمى بره عمة الكربراتير وقالى يا ريت اجيب خرطوم اطول عشان يرمى برة العربية خالص
الكلام ده صح والا غلط

[ابو لؤى]

كان عندى نفس المشكلة الكربراتير كان متوسخ والبوجيهات كانت بتودع والبنزين كان مش بيحترق بالكامل داخل الموتور وكان بيطلع دخان لونه اسود من الشكمان وريحته وحشه وطبعاً بيعمل رواسب على جدران المحرك.
وبما أن زيت شيل زيت محترم ونضيف فالزيت بيشيل الرواسب دى كلها وبيسود ولو عمل غير كده يبقى زيت اى كلام وملهوش لازمة .
لازم تغير الزيت طالما اسود وأنسى خالص انت حاطه على كام كيلو لآن كان عندك مشكلة فى دورة الإحتراق . أنا كنت حاطط شيل اصفر 5000 وغيرته بعد 400 كيلو وفوراً بعد ما اكتشفت المشكلة وعالجتها

حضرتك قولت كلام عكس بعض خالص الاول قولتله الزيت لمه لونه يسود يبقى 100/100 وبعدين قولتله طلامه اسود لازم يتغير فورا

مع احترامى لحضرتك الزيت لازم لونه يتغير

[hassanin_lada]

طب بتاع الكربراتير شال خرطوم متوصل بالكربراتير وقالى خالى الفايز بتاعه يرمى بره عمة الكربراتير وقالى يا ريت اجيب خرطوم اطول عشان يرمى برة العربية خالص
الكلام ده صح والا غلط

كده غالبا عندك المكنه خفيفه وبتطلع بخارة زيت علي الكاربرتري وعشان مايتسدش بيشلو وبيرمي اخره من تحت

نصيحة في تغيرة الزيت القادمة تغير لموبيل دلفاك ام اكس 3 ب 105 جركن 5 لتر مع كانزو ابرو ب 15 ولما تغير البوجيهات هاتها سن قصير ده لو فعلا اتأكد ان المكنه خفيفه شوية

حضرتك قولت كلام عكس بعض خالص الاول قولتله الزيت لمه لونه يسود يبقى 100/100 وبعدين قولتله طلامه اسود لازم يتغير فورا

مع احترامى لحضرتك الزيت لازم لونه يتغير

طبيعي جدا ان لون الزيت يتغير بس مش لدرجة ان بعد 400 كيلو يبقي اسود يعني هو بيغمئ شوية شوية لحد مايبقي اسود وبردو عادي طالما الزوجة بتاعته كويسه

انت عاوز ايه من الزيت غير انه يحافظ علي اجزاء المتور والزوجة طالما كويسه يبقي كده بيحافظ علي المتور

ياراجل ده انا اعرف ناس بتسيب الزيت وتمشي بيه ب 20 الف كيلو طبعا انا مابقولش ان ده صح بس سيبها بركاوي وربك يسترها

[mohammed dodda]

طب بتاع الكربراتير شال خرطوم متوصل بالكربراتير وقالى خالى الفايز بتاعه يرمى بره عمة الكربراتير وقالى يا ريت اجيب خرطوم اطول عشان يرمى برة العربية خالص
الكلام ده صح والا غلط

....طبعا الباشا الدكتور اكتشف الخطأ الشنيع اللى عمله الخواجه اللى صنع العربية وهوه توصيل فايظ زيت المكنة بعمة الكاربرتير فأفتى بأنه يتلغى !! ياسيد محمود الفايظ الواصل للعمة مهم جدا فى تكويت طبقة من بخار الزيت على فلتر الهوا والعمة من جوا عشان تمسك فى اى اتربة او شوائب من انها تخش الكاربرتير

[ahmdmagdy]

انا كل ما اروح لميكانيكي و يلاقي الخرطوم ده راكب يروح شده و يقولي متركبهوش تاني عشان بيكتم العربيه كل الميكانيكيه بلا استثناء

[mohammed dodda]

انا كل ما اروح لميكانيكي و يلاقي الخرطوم ده راكب يروح شده و يقولي متركبهوش تاني عشان بيكتم العربيه كل الميكانيكيه بلا استثناء

.....طب حد فيهم يقنعنى كده ويشرحلى ازاااااااى بيكتم المكنة متلاقييييييش.. ناس حافظة وخلاص ما الدنيا كلها راكبة اللادا ونفس الخرطوم الغلبان متوصل بالعمة وخادمنا خدمة كبيرة ومش مزعل حد منه ليه احنا نزعله بقى !!

[lidosasa]

حضرتك قولت كلام عكس بعض خالص الاول قولتله الزيت لمه لونه يسود يبقى 100/100 وبعدين قولتله طلامه اسود لازم يتغير فورا

مع احترامى لحضرتك الزيت لازم لونه يتغير

الكلام مش عكس بعضه ولا حاجة
هو كان عنده مشكلة إن الوقود غير كامل الإحتراق وبيعمل ترسبات كتير فى الموتور والزيت عمل اللى عليه وشال الترسبات دى كلها ودا اللى خلى لونه يتغير بسرعة ( ودى ميزة فى الزيت النضيف لآنه لو زيت اى كلام كان حيحتفظ بلونه ومش حيشيل الترسبات اللى داخل غرفة المحرك ) . وبعد ما عالج المشكلة الأساسية يبقى من الأفضل يغير الزيت عشان ياخد منه أعلى أداء لتشبع القديم بالترسبات اللى غيرت لونه

[hassanin_lada]

.....طب حد فيهم يقنعنى كده ويشرحلى ازاااااااى بيكتم المكنة متلاقييييييش.. ناس حافظة وخلاص ما الدنيا كلها راكبة اللادا ونفس الخرطوم الغلبان متوصل بالعمة وخادمنا خدمة كبيرة ومش مزعل حد منه ليه احنا نزعله بقى !!

بص في الانجاز كده عشان انزل اصلي الفجر

العربية في الحالة السليمة بيطلع من الخرطوم ده نسبة بخاره ودي عشان تعمل عملية تزيد لاجزاء الكاربراتير من بوابات وما اللي ذلك

تمام

لما الشنبر بيخف بيبدأ كمية البخاره دي تزيد في الخرطوم وبالتالي اللي الكاربرتير وبالتالي الكاربرتير بيتسد عشان كده هما بيشلوه

يارب تكون وصلة المعلومة

[mohammed dodda]

بص في الانجاز كده عشان انزل اصلي الفجر

العربية في الحالة السليمة بيطلع من الخرطوم ده نسبة بخاره ودي عشان تعمل عملية تزيد لاجزاء الكاربراتير من بوابات وما اللي ذلك

تمام

لما الشنبر بيخف بيبدأ كمية البخاره دي تزيد في الخرطوم وبالتالي اللي الكاربرتير وبالتالي الكاربرتير بيتسد عشان كده هما بيشلوه

يارب تكون وصلة المعلومة

...طيب نتكلم بالعقل عشان افهم : لما الشنبر يخف ايه اللى بيحصل ؟؟ المفروض ان الزيت بيتسرب من خلوص الشنابر ويخش على تجويف السلندر أو الشميز ويتحرق مع مخلوط الهوا وبخار البنزين (اللى جاى من الكاربرتير وداخل من صمام البنزين)...وبعد ما يتحرق ؟؟ هيطلع من صمام العادم للشكمان فى صورة دخانة بيضاء...يعنى خلاصة الكلام ده ان لما الشنبر يخف كمية الزيت الاجمالية اللى موجودة فى البلوك هتقل...يبقى ازاى هيطلعلها فايظ للعمة؟؟؟؟؟