مميزات و عيوب لادا أوكا

[medo_morsy]

ياريت حد يساعدني و يقولى مميزات و عيوب لادا أوكا و هى بالظبط ايه موديلاتها و كام سلندر

[SS]

بص يا سيدى انا معنديش معلومات عنها كتير ...الموديل من اخر التسعينات مش بالظبط كام لحد 2004 بس اغلب الموجود من 2000 ل 2002 ...موتورها 2 سلندر و مكتوب فى الكتالوج انه 750 سى سى لكن فى الرخصة اللى شوفتها 800 ...بس من ناحية المميزات و العيوب مش هاقدر افيدك جامد ...بس عموما ماتديش العربية اكتر من حجمها ...ويعنى هى على قد فلوسها و كل و احد و امكانياته...عيوبها فى رايى الشخصى حجمها صغير اوى و ده فيه ناس بتعتبره ميزة...ماتورها عزمه ضعيف بس يقضى الغرض.....الثبات و الاتزان زبالة نتيجة ابعادها و وزنها ..شكل و تصميم قديم حتى فى التابلوه شبه السيات ....من الاخر العربية دى فى رايى حلوة فى حالة واحدة...تجيبها بحالة ممتازة جدا جدا...و تكون للاستخدام الشصى يعنى يركبها اتنين بالكتير و يبقى استعمالها كويس يعنى مالهاش فى الشد و الجرى و الهبد ...تعاملها كويس ..يعنى و سيلة انتقال بس ...و اللى هاتاخده فى المقابل بد لما تجيب حاجة مستعملة بنفس السعر ان هتتجنب التصليحات و الاعطال و وقفة الصنايعية الا فى ما ندر بس ده طبعا بشرط الحالة ...و لو عزت حاجة تانية اسأل ...احتمال افيدك.

[mohamed2002]

الموديلات اللي بشوفها من 98 الي 2002,انا شايف انها عربية ممتازة لو حتكون سيارة تانية ليك عشان التنقل في الاماكن المزندحمة,مناسبة لو كنت شاب انما عائلة حتكون صعبة,سعرها في حدود 15000 حسب الحالة,حظها وحش عندنا ومش مرغوبة قد كدة,اسئل عن توافر قطع الغيار في مدينتك