بطاريتى اتسرقت

[lada2105]

اولا الى كل الاعضاء كل سنه وانتو طيبون و رمضان كريم
فعلا بطاريتى اتسرقت امبارح من السياره وهى فى الشارع ومش لوحدى ولكن انا وسياره 128 امامى
يعنى الحرامى اخد راحته على الاخر مع العلم مش مقطوع وده كمان بعد صلاة الظهر حتى العصر
المهم كلمت واحد صاحبى جابلى بطاريه 70 امبير كلورايد مستعمله بيقولى جربها لمدة اسبوع طيب بكام يا باشا قالى 200 جنيه ... المهم اتمنى من اهل الخبره يقولى رايه وكمان ازاى اعرف انها شغاله كويس و هل هى احسن من البطاريه الميه جديده لان المياه الجديده 320 جنيه فى الحدود
نسيت اقولكم ان البطاريه اللى بجربها دى لمبة البيان الداخلية خضره
ولكم منى كل شكر ونقدير

[lamada]

اشتريها جافة جديدة و يفلض هانكوك او اسديلكو

[akmm]

جديد افضل وجافه ........... وربنا يعوض عليك في اللى اتسرقت .

[mahgoup]

ربنا يعوض عليك

[wael6]

ربنا يعوض عليك
وخليك فى الجديده الجافة افضل
ممكن كلوريد جافة بحوالى 380 ج
او دونجه الكورى او رويال او اى سي ديلكو لكنها غاليه عدت ال 500 ج

وقبل كل ده اتاكد من تاريخ التصنيع عشان ميكونش الضمان زى قلته ؟

وربنا معاك

[mirra]

لا اله الا الله....تعالى جنب اخوك انا لسة سارقين منى العجلة الخلفية...ربنا ينتقم من المفسدين فى الارض دول....انا دايخ على جنط جديد فى طنطا موش لاقى.

[mohammed dodda]

أشترى جديدة جافة زى ما الرجالة نصحوك..الهوجل التركى والفارتا الالمانى والac delco أفضل ماركات فى السوق وتكلفتهم من 450-550...بس حاجة مهمة بقى لازم تعملها لتجنب تكرار السرقة انك تروح لحداد كريتا يعملك صندوق حديد للبطارية وكما تخلى سمكرى يعدلك قفل الكبوت بحيث ميتفتحش بطفاشة والقصة دى كلها هتكلفك فى حدود 100 جنيه بس هتأمن نفسك

[hassanin_lada]

طيب لو الفلوس مزنقه معاك

هتطلب من الراجل اللي جابلك البطريه ورقة الضمان بتاعت البطارية لو لسا في اول 6 او 8 شهور قشطه الا سي دلكو نضيفه وبتقعد بال 3 و 4 سنين لكن لو اكتر من سنه بلاش

وطبعا الافضل زي مالاخوه الافاضل قالو الجديد احسن والاسي دليكو انا لسا جايبها ب 480 واخد القديمه ب 80 يعني وقفت عليا ب 400 جندي

وربنا يعينك علي اللي انت فيه

[ايمن رجب]

ركب صاجة ببتفك وتركب بمسامير فوق كابل الشداد بتاع الكابوت علشان ما تتسرقش تانى