العربية مخنوقة

[محمود سيد محمو]

بعد ما نظفت الكربراتير لقيت العربية مخنوقة قوى وحاسس ان دواسة البنزين تقيلة مش عارف ليه

[hassanin_lada]

طيب مانت مجاوب علي نفسك ارجع وعيد اظبط الكاربرتير تاني وانشألله هتتظبط

[محمود سيد محمو]

روحت امبارح لبتاع الكربراتير وقاله الكربراتير زى الفل والعيب اللى بتقول عليه مش بسبب الكربراتير وطلب منى اروح للميانيكى احسن
وفعلا روحت للميانيكى وعرفت ان العيب كان من بلستكة كده بتاعة دواسة البنزين مكانها تحت علبة الزيت بتاع الفرامل و ثمنها 2 جنيه وكمان غيرلى الابلاتين والحمد لله العربية بقت تمام دلوقتى

[hassanin_lada]

مبروك

[محمود سيد محمو]

الله يبارك فيك
المهم يكون غيرى استفاد من التجربة

[ahmdmagdy]

طيب ايه هي البلاستيكه دي و ااسمها ايه

[mohammed dodda]

روحت امبارح لبتاع الكربراتير وقاله الكربراتير زى الفل والعيب اللى بتقول عليه مش بسبب الكربراتير وطلب منى اروح للميانيكى احسن
وفعلا روحت للميانيكى وعرفت ان العيب كان من بلستكة كده بتاعة دواسة البنزين مكانها تحت علبة الزيت بتاع الفرامل و ثمنها 2 جنيه وكمان غيرلى الابلاتين والحمد لله العربية بقت تمام دلوقتى

....بعد اذنك ممكن توضح اكتر ايه البلاستكة دى؟؟وازاى سببت اللى حصل عندك؟؟ وياريت صورة

[محمود سيد محمو]

عشان ما حدش يختلط عليه الامر
البلستكة دى كانت هى السبب فى ان دواسة البنزين بقيت تقيلة على غير المعتاد وزى ما قولت قبل كده هى مكانها تحت علبة الزيت بتاع الدبرياج وهى بلاستكة بيضاء وصغيرة الحجم تقريبا بتمسك حاجة فى دواسة البنزين وهى ثمنها 2 جنيه بس
اما سبب خنقة العربية كان الابلاتين وتم تغييره وكان سعره 15 جنيه ومن ساعتها الحمد لله العربية بقت زى الفل
اعذرونى على عدم تنزيل الصورة بس لو الموضوع مش واضح اتصل بالميكانيى واعرفلكوا اسم البلستكة دى ايه بالظبط

[youssef_elgbaly]

البلاستيكة ياجماعة اللى بتبقى مساكة عمود الاكسلتير فيه 2 بلاستيك لونهم ابيض بتتربط بمسمار 10 علشان تظبط دواسة البنزين

[محمود سيد محمو]

الله يفتح عليك يا باشا

[mohammed dodda]

البلاستيكة ياجماعة اللى بتبقى مساكة عمود الاكسلتير فيه 2 بلاستيك لونهم ابيض بتتربط بمسمار 10 علشان تظبط دواسة البنزين

.....يا يوسف باشا مجموعة الاكسلتير دى موجودة بين صدر العربية والكاربرتير وبعيدة خالص عن خزنة باكم الفرامل

[youssef_elgbaly]

.....يا يوسف باشا مجموعة الاكسلتير دى موجودة بين صدر العربية والكاربرتير وبعيدة خالص عن خزنة باكم الفرامل

بص كويس تحت خزنة زيت الفرامل والدبرياج هاتلاقى عمود رفيع ماشى من وراء الموتور من ناحية الغطاء تحت زيت الفرامل والدبرايج ومعدى النحية االتانية ممسوك قبل الموقور ببلاستكسة صغير وومسكوك بعد الموتور ببلاستيكة بيضة بتخليه عامل زى الميزان
انما لو قصدك عالى شداد الاكسراتير اللى داخل على الكرباتير ده حاجة تانية فيه عمود فيه حته بلاستيك برده وبيتركب كبس لما الااكسراتير بيكسر بتربط فى خيط وتشد وتسيب للناس الخبرة فقط علشان ممكن اى حد يعملها يصادم لاقدر الله

[mohammed dodda]

بص كويس تحت خزنة زيت الفرامل والدبرياج هاتلاقى عمود رفيع ماشى من وراء الموتور من ناحية الغطاء تحت زيت الفرامل والدبرايج ومعدى النحية االتانية ممسوك قبل الموقور ببلاستكسة صغير وومسكوك بعد الموتور ببلاستيكة بيضة بتخليه عامل زى الميزان
انما لو قصدك عالى شداد الاكسراتير اللى داخل على الكرباتير ده حاجة تانية فيه عمود فيه حته بلاستيك برده وبيتركب كبس لما الااكسراتير بيكسر بتربط فى خيط وتشد وتسيب للناس الخبرة فقط علشان ممكن اى حد يعملها يصادم لاقدر الله

...الله ينور عليييك انا كنت فاكر فعلا قصده على شداد الاكسلتير و العمود اللى بتقول عليه ده انا مخدش بالى منه قبل كده وعلى فكرة مجموعة الشداد دى كذا مرة تتحل منى والاقى الدواسة بقت فى الارض وغيرت مجموعتين واخر ما زهقت ربطت المجموعة كلها بسلك صلب قوى عند الميكانيكى ومن ساعتها وهيه زى الفل الحمد لله

[ابو لؤى]

هو السبب الاساسى على فكره فى الابلتين مش البلستكه

[محمود سيد محمو]

الابلاتين كان سبب خنق العربية
لكن البلستكة هى سبب تقل دواسة البنزين