العربية بتسخن

[youssef_elgbaly]

السلام عليكم
عندى مشكلة العربية بتسخن والكلام ده كان قبل ماعمل عمرة الزيت
لانى شكيت فى حاجات قولت الجكمان مليان زيت وقولت الردياتير عايز يتنظف وهو نحاس 3 ماسورة
المهم بعد عمل العمرة والتلين وتنظيف الردياتير بالكامل وشراء قربة مياه استعمال بالخرطوم بيها وحطيت كانز اخضر وتغير علبتين الجكمان عملت بيها مشوار لبرج العرب العربية بتسخن وهاتبدى تعدى نص بقوم واقف
المهم انا بحط مياه لغاية نص القربة وكل حاجة تمام وساعات بنفخ فى القربة الاقى الميا مشت منها الى الردياتير بعد فترة الاقى العربية بتسخن وافتح االكبوت بلاقى القربة مليانة مياه على الاخر والردياتير بيفضا وهو ده اللى بيسخن العربية اقوم فاتح الردياتير وانفخ تانى فى القربة المياه تروح من القربة الى الردياتير وكده الحرارة تنزل
حاولت ارفع الخرطوم لفوق شوية برده تبقى العربية كويسة وترجع القربة تتملى تانى للاخر لوحده اكنى الردياتير بيعمل راجع للقربة والقربة بعد كده مابتدلهوش المياه تانى بتبقى مليانة وتسخن العربية
حد عندة المشكلة ديه

[hassanin_lada]

طيب ماهو كده يبقي مستوي القربه اوطي من الريداتير وعشان كده الميه علي طول بترجعله

جرب كده تعلي بتخشينه من تحتيه بس حاجه بسيطه لو ماتظبطش علي كمان لحد مالمستوي يتظبط بس ماتعلي جامد عشان الميه ماتطلعش من الريداتير وتنقص وبكده يبقي ماحلناش المشكله

[ahmed_gamal777]

عمرة الزيت - يعنى اية
القربة الموجودة اسمها قربة الفايز - يعنى حتة لو لغيتها خالص مش هتاثر تاثير بالغ

[alking_2006]

كون القربة بتتملى لحد الاخر و الرادياتير بيفضى كدا يبقى فيه تنفيخ فى دورة التبريد نتيجة لتقفيع فى وش السلندر
هل تم خرط وش السلندر لما عملت العمرة؟ و لا غير الجوان و خلاص؟

[youssef_elgbaly]

كون القربة بتتملى لحد الاخر و الرادياتير بيفضى كدا يبقى فيه تنفيخ فى دورة التبريد نتيجة لتقفيع فى وش السلندر
هل تم خرط وش السلندر لما عملت العمرة؟ و لا غير الجوان و خلاص؟

تم خرط الوش وتركيب دليل وصباب جديد وتركيب 2 جوان 1 ايطالى دبل وواحد عادى
بتاع الريدياتير لما رحطله فتح غطل الموتور ولقا حته صغيرة زى الطحينة قالى فيها وش قلتله لسه معمر سبته رحت للميكانيكى شاف مقاس الزيت قالى مين اللى قالك جوان وش سلندر قلتله بتاع الريدياتير وقالى ده تعريق بخار مياه على الغطاء مش طحين وبعدين الطحين بيبان من تحت فى مقاس الزيت مش من فوق قالى دور وشال غطا الريدياتير طرمبة المياه بتقلب كويس ومافيش اى فقاقيع نهائى قالى موتورك 100 ميه مافيش حاجة
المهم جبت ريدياتير الومنيوم وهاجرب واشوف الحرارة ايه ظروفها

[محمود سيد محمو]

غير بتاع الريداتير وغير الميكانيكى عشان تعرف الحقيقة فين ماحدش منهم هيطلع نفسه غلطان

[ahmdmagdy]

علي فكره الريداتير الالمونيوم تيريده مش كويس النحاس افضل بكتير