مشكلة في اللادا ارجو المساعدة

[engzoom2012]

صباح الخير و كل عام انتم بخير
انا اشتريت عربية لادا 2107 موديل 2005 روسي انجكشن العربية مرفوعة 5 سنين و العداد عامل حوالي 38000 كلم وحسب كلام الميكانيكي اللي راح معايا للمعاينة انها فبريكة و ممتازة جدا جدا

المشكلة اني لسة جديد في السواقة و في عالم العربيات و بسوق علي قدي اوي
امبارح و انا ماشي بالعربية لاقيت في لمبة منورة تحت الساعة مكتوب عليها check engine و كل مبطل العربية و ادورها اللمبة تطفي اول ممشي حوالي دقيقتين تنور تاني و انهاردة و انا بدور العربية الصبح كانت منورة علطول و مش بتطفي خالص

ياريت تسعدوني و حد يقلي اللمبة دي بتاعة اية و اية علاجها و لو في ميكانيكي لادا اندكشن شاطر و كهربائي شاطر في اسكندرية في العجمي ياريت حد يفدني للضرورة و الف شكر للمساعدة

[akmm]

متابع .................. ومبروك العربيه .

[MITSUKERO]

اللمبة دي بتنور في حالة وجود عطل في احد الحساسات او تلف البوجيهات او تسجيل عطل بصفة عامة في الكمبيوتر بتاع العربية

الحل الامثل هو انك تعمل فحص بالكمبيوتر علي العربية و اوعي تفصل البطارية قبل الفحص لان العطل هيتمسح

بمجرد ان اللمبة تنزر الكمبيوتر بيسجل عطل و جهاز الفحص بيعرف و الفني بيقدر يشخص العيب فين بالظبط

والله اعلي و اعلم

[hassanin_lada]

اللمبة دي بتنور في حالة وجود عطل في احد الحساسات او تلف البوجيهات او تسجيل عطل بصفة عامة في الكمبيوتر بتاع العربية

الحل الامثل هو انك تعمل فحص بالكمبيوتر علي العربية و اوعي تفصل البطارية قبل الفحص لان العطل هيتمسح

بمجرد ان اللمبة تنزر الكمبيوتر بيسجل عطل و جهاز الفحص بيعرف و الفني بيقدر يشخص العيب فين بالظبط

والله اعلي و اعلم

تمام جدا وبالاضافة لكده انت ممكن تكون حطتلها بنزين 80 وده ممكن يأثر علي الحساسات

لو كنت حطتلها بنزين 80 بالفعل فكده مشكلة بنزين وفي اقرب فرصه ابقي حط بنزين 90 او 92 لو مش بنزين

يبقي تتبع كلام العضو الفاضل

[engzoom2012]

تمام جدا وبالاضافة لكده انت ممكن تكون حطتلها بنزين 80 وده ممكن يأثر علي الحساسات

لو كنت حطتلها بنزين 80 بالفعل فكده مشكلة بنزين وفي اقرب فرصه ابقي حط بنزين 90 او 92 لو مش بنزين

يبقي تتبع كلام العضو الفاضل

الف شكر علي الاهتمام السادة الاعضاء
وحبيت اوضح نقطة اني بستخدم بنزين 92 فقط و صاحب السيارة القديم كان يستخدم بنزين 92 ايضا

[ahmed_gamal777]

راجع واكشف كمبيوتر - وهيقوللك انهى حساس بايظ وتجيب غيرة - وبالتوفيق - وطمنا عليك