عايز اشترى رادياتير

[youssef_elgbaly]

السلام عليكم المشكلة فى الحرارة كانت مبهدلانى غيرت غطاء مافيش فايدة غيرت خراطيم مافيش فايدة القربة الاقيها تتملا على الاخر والكلام ده بعد تنظيف الريدياتير عند الراجل قالى مش هانفع افوره واسيخه هاغسلهولك كده قولتله اللى انت شايفه المهم غسله بمياه النار واخد 25 جنيه
روحت البيت لاقيت فيه تسريب المهم روحتله قالى ده خرطوم القربة اللى دخل على الزور عايز افيز جبتله افيز جرب لاقى لسه فى مياه الزور كان فيه خرم والكلام ده بعد الغسيل علشان ميا النار بتاكل اى لحام قعد يحاول يجيب مياه قالى الزور وحش قولتله غيره غيره وحاسس ان الزور عالى شوية واخد 20 جنيه
قولت اجرب بالعربية شوية كده لاقيت الحرارة تبقى كويسة وبعدين الاقيها بتعدى النص افتح الكبوت الاقى القربة مليانة وبتغلى اقوم جايب حته قماشة وحاطتها على الغطا وبفتح سنة سنة ودخان وفوران ميا اقوم نافخ فى القربة الميا تمشى والحرارة تهدى تانى روحتله تانى قام شايل غطا الموتور وقالى ده جوان وش سلندر فى شوية طحينة صغيرة جدا قولتله انا لسه عامل عمرة مافيش اسبوع
اخد بعضى على الميكانيى شاف الغطاء قالى ده تعريق مافيش اى حاجة وقالى بتبان من مقاس الزيت لو عامل طحين مش من فوق ودور علشان يشوف اى بقلله فى الريداياير التقليب كويس من غير بقلله قالى مين اللى قالك كده موتورك ميه ميه سليم قالى هات غطاء ريداتير جديد ستانلس زور طويل جبت واحد المياه مابقتش ترجع للقربة تمام بس وصلت سموحة وقولت افتح ابص علبى المياه درجة الحرارة تحت النص بشوية لاقيت مستوى القربة ولا زاد ولا نقص والخرطوم الاسود بتاع الكوعة العلوية اللى فوقت لاقيه اتنفخ نفخة زى البلون اكنى هايفرقع قولت يلا قومت مبطل العربية وانا خايف قوت هايفرقع مياه بتغلى والخرطوم بقى عامل زى تعبان الاناكوندا وهى بتاكل اتنفخ جامد جيب خرقة وواحد واحدة بفتح الغطا وخايف الا الخرطوم يضرب فى وشى المهم فتحت الغطا كام نقطة مياه حرقولى ايدى وضغط الخرطوم رجع تانى وانكمش لمقاسه الاصلى
روحت للميكانيى قالى الخرطوم ده طرى جيب واحد جديد 20 جنيه وركبته ومشوار والعربية بقت تسخن تانى المهم حسيت ان فيه سدد طبعا الصنايعى عايز يبيع وخلاص من عنده بيقولى هات واحد جديد بعد كل ده بقله بكام بيقولى 450 وهاخد القديم بتاعك
هو نحاس 3 ماسورة راكب بقاله سنتين
قولت مابدهاش والتاكسى واقف بقاله اسبوع مش بيشتغل بسبب الموضوع ده وانا نفسيتى تعبت واتخنقت من الصنايعية
روحت البيت قولت انا فوره واسيخه يلا بقى
لاقيه من زمان عندى فى البيت مسدس نار زى بتاع السمكرية بس مش لمبة الفهوه كبيرة بتاعته
وواصل بخرطوم غاز قمت موصله على امبوبة الغاز وطبعا بعد الفحص كويس على الخرطوم لا يوجد اى تسريب قمت مميل الردياتير وصدرت عليه الحرارة وبمفك انزل اللحام على الارض
تم فك الخزنتين الحمد لله بدون اى اضرار ومسكت عين عين وقعد اسلك واحد واحدة واشتريت مياه بطارية عطيته واحده بردهوكله تمام النصيبة بقى عايز اقفله تانى مش عارف الحمه كويس هههههههههههههه

بحاول اسخن على الازير واسحب بسرعة بس تعبت وصيام قومت اخده لبتاع الردياتير قولتله قفلهولى الحمه قالى مين اللى فوره قلتله انا قالى مش هاينفع دماغ الصنايعية بقى ياعم قفل من جنيه -100 وبره عنك قالى مش هاينفع قولتله ليه مش عارف يقول اى حاجة يبص وخلاص واللى نازل عليه مش هاينفع قالى هات راتير استعمال وادهولك غسلة ويبقى حنين فى السعرواللى نازل عليه هاخد منك القديم علشان بياخد منه حاجات بيشتغلنى والله الريدياتير من جوه فله
المهم روحت البيت وكسلت اروح لواحد تانى بتاع ريدياتير علشان الحمه

حد يعرف بتاع ردياتير كويس فى اسكندرية الاسعار؟
انا فكرت اشترى الومنيوم واركبه علطول بس سمعت انه مابيتلحمش
النحاس جديد بيقولى هاخد القديم وتدفع 450
النحاس استيراد مابين 200 \250 بس مالفتش لسه واحد قالى ماعنديش بس الاسعار مابين السعر ده
حد جرب الريدياتير الالومنيوم على مروحة دايركت زى لادا 2105 ؟
any idea

[ahmed_gamal777]

مصتع البستانى فى اسكندرية - اشهر من النار على العلم - جربت من 3 سنين وجبتة منة واحد نحاس وانسى وسعر المصنع احسن سعر

[youssef_elgbaly]

مصتع البستانى فى اسكندرية - اشهر من النار على العلم - جربت من 3 سنين وجبتة منة واحد نحاس وانسى وسعر المصنع احسن سعر

تسلم بشمهندس احمد هو مكانه فيه بالظبط ياترا السربنتية ولا بيدهولى متقفل واركبه علطول علشان عندى الخزن الاخ بتاع الريدياتير ركب زور وحاسس انه مش راكب صح القربة مابتديش للردياتير ميه صح فلو كامل التركيب علطول يبقى تمام وياريت اسم نوع ميه خضرا كويسه احطها وانساها

[youssef_elgbaly]

لاقيت واحد ابن حلال جمبى ماكنتش اعرف ان فيه بتاع ريدياريهات فى الحته ديه قالى هاعملهولك تمام مافيش حاجة انا قلتله انا اللى فورته وطلع جدع وانا ماشى لاقيت واحد شافنى شايل الردياتير قالى عندى واحد المومنيوم لو عايزه قلتله اشوف بتاع الردياتير الاول المهم قلتله فى واحد عايز يبيع المومنيوم هو كويس قالى تمام ماتقلقش هاتوا اشوفواه روحت للراجل قولتله عايز فيه كام بس بتاع الريدياتير يشوفه قالى خده وبعدين الفلوس انا برده قمت سيبتله 50 جنيه قولتله خليها معاك عقبال لما اشوفه بتاع الردياتير قالى تمام 100 ميه هايديله تنظيفه بتاع الردياتير قالى ممكن تديله 70 جنيه روحت للراجل بقله عايز فيه كام على اساس اديله فلوس زيادة لقيته بيطلعى 10 جنيه يعنى بيعلى الردياتير ب 40 جنيه قمت قولتله لا حج خلاص كده 50 جنيه ولو عايز تانى قولى قالى تمام
ربنا بعتهولى من السماء هههههههههههههه وبرده هاغير الخزن بتعت النحاس بتاعتى واشيله احتياطى

[mohammed dodda]

فيه نوع ميه خضراء أسباني ممتاز أسمها (إيادا)...بس العادي بتاعي بستخدم جركن التعاون ميه خضرا 4 لتر أبو 24 جنيه وزي الفل

[youssef_elgbaly]

فيه نوع ميه خضراء أسباني ممتاز أسمها (إيادا)...بس العادي بتاعي بستخدم جركن التعاون ميه خضرا 4 لتر أبو 24 جنيه وزي الفل

جبتها وحطتها والعربية كانت ساعات تسخن اروح كل شوية لبتاع الردياتير يوقعها على الارض اكنى فلوس حرام 3 جراكن على الارض فى الاخر حطيت ميه حنفية

[hassanin_lada]

مبروك ياباشا

والالمونيوم ممتاز بس حاول ماتخليش طريقك كلها في نص البلد يعني لو لقيت طريق مفتوح امشي فيها عشان العربية تبرد شوية

وكل يوم تابع الميه وركب ترموستات 80 ومايزدش عن ال 85 عشان العربية ماتسخنش منك وانشألله هتتبسط منه

[youssef_elgbaly]

مبروك ياباشا

والالمونيوم ممتاز بس حاول ماتخليش طريقك كلها في نص البلد يعني لو لقيت طريق مفتوح امشي فيها عشان العربية تبرد شوية

وكل يوم تابع الميه وركب ترموستات 80 ومايزدش عن ال 85 عشان العربية ماتسخنش منك وانشألله هتتبسط منه

تمام صح كده الالومنيوم عايز بره البلد روحت بيه المطار برج العربة ميه ميه انما جوه البلد بيبقى بيعدى النص انا ركبت النحاس تانى علشان ده تاكس

[MEKAWY2000]

ربنا معاك

[ايمن رجب]

يا ترى بصيت على ترموستات الكوعة ولا لأ؟
ممكن يكون بيعلق وتكون نتيجته ان المياة ما تروحش الريداتير

[mando242526]

ياصديقى معايا تاكس ركب مورحة دريك 6ريشة روسى وقميص ردياتير والالومنيوم افضل ف اى احوال عن تجربتى والله وربنا يوفقك