سؤال عن دركسيون اللادا

[vet back lada]

السلام عليكم و رحمة الله و بركاتة هذة أول مشاركة لي فى هذا المنتدى الجميل أولا أود ان اعرفكم بنفسى انا ط.ب. محمود صفوت معيد بجامعة القاهرة امتلك سيارة لادا 2104 استيشن حاليا أقوم بشد السيارة و سوف اسرد مشوار التظبيط الذى ابتدأ أول رمضان و سينتهى فى نص سبتمبر القادم و لكن ليا سؤال محيرنى بالنسبة لتقل الدركسيون حاولت اركب باور التوكيل قالى ما ينفعش و حمدى لادا مبيركبش باور و بعد تفكير طويل اشتريت اسكاترا من عند حمدى لادا و لسه هركبها بس لو حد متخصص و بينهم فى الجزء دا يقولى فعلا مينفعش يركب باور للادا 2104 مو 94 و الحاجة التانية هل فعلا السكاترا دى هتخف الدركسيون زى الباور و هتعمل ثبات اكتر للعربية ؟ الراجل اللى فى حمدى لادا قالى عاملة زى الاسكاترا بتاعة ال 131 بس دى بتاعة اللادا و متصنعة فى المانيا وقالى هتحتاج تعديل فى القنطرة و ادانى معاها مشترك شكمان جديد قالى دا لازم يركب مكان القديم لأن فى تعديل هيحصل ياريت حد يفهمنى الموضوع دا واحدة واحدة لانى مفهمش اوى فى عفشة العربية و هل اللى انا هعملةة دا صح ولا هصرف فلوس عىالفاضى ياريت نهتم بالموضوع دا لأن ناس كتير بتسال ف المنتدى عن الموضوع دا بس الاراء متابينة


الاسكاترا و المشترك و معاة العمود اللى يركب فية التارة ب 1200 ج من حمدى لادا




فى انتظار ردودكم بأسرع وقت ممكن

[vet back lada]

نسيت اقولكم التعديل دا بيسموة فى حمدى لادا هاف باور

[hassanin_lada]

هو لحد الان محدش جرب الاسكترا دي هنا في المنتدي

بس كان في تعديلات كتير الاعضاء عملوها زي اسكترا تيوتا 84
او فولكس
او بتاعة 131

حضرتك هتكون اول واحد يجربها

بس ياريت تخلي حمدي لادا هو اللي يركبهالك عشان لو لقدر الله حصل حاجه تبقي عنده وتتفق معاه علي كده ودي بالنسبالك هتبقي مغامرة لان محدش يعرف عنها حاجه

اما بالنسبة للبور فالو عربيتك زي ال 2107 فايركبلها عادي جدا بس مش عارف التكلفة الصراحة

والاسكترا ممتازه بس مش للدرجة اللي انت متخيلها اه الدركسيون هيخف حاجه بسيط بس هتحس بيقمتها علي الطريق من ثبات وما الي ذلك

ارجو اني اكون افدك وفي انتظار باقي ردود الاعضاء ولا تبخل علينا بالمعلومات من تجربة الاسكتر اذا نوية ذلك

[hassanin_lada]

اسف علبة دركسيون تيوتا كرولا 84

[vet back lada]

شكرا أستاذ حسانين
موضوع الباور المهندس اللى ف التوكيل قالى مينفعش أصل 2104 يختلف عن 2107 بس مفهمتش منة بتختلف فى أية اللى يخلى الباور ميركبش عندى انا اتصدمت فمقدرتش اركز معاك
اما الاسكاترا دى فبيقولى فى حمدى لادا هو نفس نتيجة الباور بس مش هو اللى هيركبة انا مظبط مع الميكانيكي هو عارف بتتعمل ازاى أصل صعب اروح بالعربية لحد حمدى لادا ف الوقت الحالى بس بيقولى هيا هيا ال131 فلو حد جرب ال 131 يقول أية الاخبار و كلفتة اد أية مع العلم الاسكاترا اللى انا جايبها جديدة

[hassanin_lada]

طيب ياريت حضرتك تسردلنا نتيجة التركيب

[vet back lada]

تقولها انشالله لما اركبها ع يوم السبت او الاثنين عشان العربية بتترش دلوقتى انا قولت اسأل اطمن قبل مركب لو حد مركب اسكترا 131 ياريت يقول نتيجتها أية و أية الفرق بين الاسكاترا و علبة الدركسيون

[hassanin_lada]

العلبة هتلاقيها تقيله والعربية واقفه ومعقوله وانت ماشي لحد 80 مثلا وبتبقي خفيفه وان علي 100 بتبقي يدوب يعني انا كنت ماشي 130 بس مش مرتاح للعربية

اما الاسكترا زي العلبة بس علي الواقف بتبقي اخف طبعا من العلبة بس بتدي ثبات حلو جدا علي السرعات

يعني انا كان معايا 128 قبل الادا

طبعا الادا تكسب من ناحية الكوتشات اعرض والعربية اتقل
لكن بسبب الدركسيون ال 128 كانت ثابته و افضل بكتير من الادا

وكل ده عشان فيها الاسكتر

[MEKAWY2000]

متابع

[abokoko]

ايه الاخبار
يا ترى حضرتك ركبت الاسكاترا ولا ايه
؟؟

[hassanin_lada]

مشكلة القسم ان الاعضاء يدخلو ياخدو معلومة ومايفيدوش بيها باقي المنتدي مع ان الواحد مش بيقصر مع حد واللهي وانا مش قصدي العضو ده بالتحدديد انا بتكلم عموما

[vet back lada]

انا بس كنت مشغول فى العربية اسف انى متأخرت فى الرد العفشجى قالى كلها حوارات ملهات لازمة و رجعة أحسن لانة خطر

[saddam]

صديقي المواطن الحبيب
أول القصيدة كفر
يعني الراجل اللي في التوكيل ده قال لك ميركبش بور ده علمه على أده وبناءا عليه اللادا يركبلها بور وأي عربية في الغالم بيركبلها بور أنا عن نفسي مركب بور في أربع عربيات موديل من 58ل 65"عربيات مكاتش فيها بور أصلا وتعاملت مع كذا حد وكنت بركبه قطعة قطعة وبعدين بقيت بسلمها كلها لواحد وهو يعملها عالمفتاح ولما بتبقه عندي عربية حديثة ألفينات بس بورها ميعجبنيش مش زي بتاع الشبح مثلا أروح أحوره عشان أهليه فازلين مش بس ميه بس المشكلة الموضوع حيكلف بتاع 2000 جنيه بس عليه ضمان وبقعدتك بمشاويرك بغداك بإكرامياتك قول 2250 وتعملو عند مؤسسة الصفير في شامبليون هو.الوحيد اللي جربتو محترم وفاهم وحيعدلهالك على أعلى مستوى
ودمتم للنضال
رجع اﻹسكترا لحمدي لادا ﻷن لو كان فيها الخير مكانش رماها الطير والراجل ده حيركبلك إسكترا وعلبة بور وخزنة.بور وحتبقه أخف من الريشة وتوكل موضوعك بسيط بس محتاج تعمل العربية.وتركبها مش تصرف عليها وبعدها تبيعها بخسارة والناس مش حتقدر تعديلك ده

[khaled.genius]

كورولا 82 هي الحل

يا جماعة عن تجربة ومش هتغير اي حاجة في العربية ولا هتعدل غير لعلبة دركسيون كورولا 82 وهتحس بفرق اعلى من الهاف باور طيب والله انا بحس انها اخف من الباور بتاع اللوجان 2013 بتاع اخويا وفي السرعة ثبات مالوش حل ظبط كوتشك 30 بعد ما تركب وادعيلي وعموما العلبة دي هتلاقيها يا اما في كفر صقر الشرقية ودي هناك كتير اوي ورخيصة كمان سعرها لا يتعدى 450 جنيه يا اما في الوكالة بس هتدوخ عليها وانا كنت رافع فيديو ليها عندي
‫علبة دركسيون كورولا 82 على لادا 1500 84‬‎ - YouTube

[alaa7778]

انا معايا لادا 2107 موديل 2009 فيها باو كامل شغال كويس وخفيف جدا لو عاوزة اشترية ومركب ماكنة باو هيواندى
وجربة بنفسك قبل ما تاخدة
01145471762