عاوز اركب بور لعربيه 2105

[سامى ادور]

انا الحمدلله جبت عربيه لادا 2105 موديل 94 دواخل ممتازه فيها شويه خرابيش بسيطه من الخارج
بسعر 23.5 الف
كنت عاوز اسال ممكن اركب بور او هاف بور للعربيه لان بصراحه الدركسيون تقيل
وكنت عاوز اعرف اذا كان ينفع التكلفه كام تقريبا
ولو امكن شويه نصايح كده علشان اخلى بالى من العربيه واحافظ عليها
خصوصا انى لسا هتعلم عليها السواقه

[أحمد جودة]

اعتقد لو الباور ينفع يركب طيب ليه الشركة منزلاها منغير باور

[saddam]

انا الحمدلله جبت عربيه لادا 2105 موديل 94 دواخل ممتازه فيها شويه خرابيش بسيطه من الخارج
بسعر 23.5 الف
كنت عاوز اسال ممكن اركب بور او هاف بور للعربيه لان بصراحه الدركسيون تقيل
وكنت عاوز اعرف اذا كان ينفع التكلفه كام تقريبا
ولو امكن شويه نصايح كده علشان اخلى بالى من العربيه واحافظ عليها
خصوصا انى لسا هتعلم عليها السواقه

أي عربية يركبلها بور وغالبا بيكون أخف من اﻷصلي أي أحسن وأنا ركبت بور كذا مرة بس أحسنهم واحد إسمه شركة الصغير في شامبليون وبيتكلف 1800 أو 2000 جنيه بالضمان
بره عند الصنايعية والحوارات بيكلف من 1100'إلى 1600'بس دركسيون تقيل وتخريب في الصاج وأداء فاشل وربنا يوفقك

[yoyo2015]

اولا مبروووووووووووووووك عليك وربنا يكفيك شرها ويديك خيرها ...........وربنا معاك فى السواقة بأذن الله متقلقش الموضوع عايز ممارسة .....بص انت بدأت بالبور ......علشان احتمال يقابلك حاجات كتير .....تكيف مثلا .....خشونة....صوت عالى.....تقل ....عفشة .........هطمنك واقولك انسى ......الادا لادا ياكبير .......بالنسبة للباور مش هقدر افيدك علشان خبرتى قليلة ...بس انا سمعت ان علبة الدريكسيون ممكن تتغير بعلبة خمسة بلية وبتبقى اخف .....وربنا يسترها معاك ومعانا

[hassanin_lada]

حضرتك لو بصيت في المواضيع المثبته والمواضيع القديمه هتعرف كل حاجه عن العربية

بالنسبه للبور في ناس قالت انه بيفصل بعد الميه بمعني ان الدركسيون بيرجع تقيل بعد ال 100 وطبعا ده افضل عشان العربية تبقي ثابته

وفي ناس بتقول انه مش لبفصل وبالتالي الدركسيون بيبقي خفيف جدا علي السرعات العالية وده خطر

وفي برده اختراع جديد منزله حمدي لادا اللي هو موجود في الموضوع ده اللي هي اسكترا

تابع الموضوع ولما نشوف هنوصل لايه

http://www.nilemotors.net/Nile/374826-a.html

[mohammed dodda]

شوف أستاذ سامى:
مبدئيا ألف مبروك عالعربية وربنا يباركلك فيها وزى ما الاخوة قالوا السواقة ممارسة وبالمداومة هتبقى زى الفل
ثانيا فى عفشة ال2107 الامامية(أسأل هل ال2105 زيها ولا لأ) سيستم التوجيه بتاع العجل بيعتمد على علبة دركسيون 3 بلية أكس طويل واصلة مابين الطارة وحاجة اسمها تيش النص واللى بيرتبط بدوره بطنابير العجل الامامى عن طريق أتياش طرفية بتحرك العجل يمين وشمال..الاتياش دى مربوطة ببعضها عن طريق حاجة اسمها بيض الدركسيون (بيض المناول)...لو عايز تركب باور: عادى جدا.. السيستم ده بيتعدل وبيتضاف طرمبة باور بسير مع خزنة الباور..أخر مرة سألت عن سيستم الباور عند حمدى لادا فى القاهرة كان ب1250 جنيه وبيتم تركيبه فى مركز الصيانة اللى تبعه
ثالثا لو عايز نصيحتى الشخصية: تصميم اللادا مينفعش مع الباور لانه هيأثر بدرجة كبيرة على الثبات فى السرعات العالبة(فوق ال120) الا اذا كان مشيك كله هيكون جوه البلد وفى الزحمة فقط ساعتها هيكون فعال معاك
رابعا:عايز نصيحة من الاخر؟ ريح بالك واعمل السيرفس بتاع العربية حتى لو العربية زى الفل وخلاصته: تغيير الاتى( كل الزيوت عدا الكرونة يتزود فقط - كل الفلاتر..زيت وهوا وبنزين-البوجيهات وسلوكها وابلاتين وكوندنسر-سير الدينامو وجوانات الكاربرتير وجوان غطا التاكيهات واويلسيل الكرنك الامامى-كل الفيوزات-عوامة البنزين)........التشييك على( تيول وماستر الفرامل والدبرياج ودورة التبريد بالكامل بمروحتها وكهربة الدينامو والمارش والموبينة وخرج البطارية و علب الشكمان).....الكشف على العفشة وتغيير التالف(اوعى تصلح حاجة..غير على طول) ثم التربيط عليها وظبط الزوايا وترصيص العجل
الفيلم ده كله مش هيتكلف اكتر من 300-400 جنيه بالمصنعيات بس هتنسى حاجة اسمها اعطال لو داومت على الصيانة....نصيحتى الاخيرة راجع مواضيع المنتدى كويس وبالذات استاذ مكاوى والاستاذ احمد جمال وهتتعلم كتير...وربنا يوفقك

[سامى ادور]

الف الف مليووووووون شكر لكل الاعضاء على الافادات الحلوه دى