أريد تركيب تكييف لادا 2017

[عمروحلوج]

السلام عليكم ورحمة الله وبركاته
يا رجالة انا معايا لادا 2017 موديل 2012 من الاسكندرية
وعاوز اركب تكييف ومحتاج من اصحاب الخبرة ينصحونى وارجوكم الموضوع بجدية
عاوز اعرف اركبة فى التوكيل ولا برة التوكيل
ولو برة التوكيل فين عند صنيعى كويس فى اسكندرية
وهل بياثر على الموتور ولا لا وهل بيقصر من عمره ولا لا وهل بياثر على السحب ولا لا
عشان انا قريت فى كذا منتدى ناس بتشكر فية وناس لا
اارجو الرد بجدية

[hassanin_lada]

بص هو حضرتك انا هحاول افيدك بقدر المستطاع

حضرتك اي تكيف في اي عربية بيبقي ممتاز بس بيفرق من عربية لعربية فكذا نقطة

اولهم العزل حضرتك لازم تكون العربية معزولة كويس عشان التبريد مايروحش علي الفاضي

حضرتك متورك 1600 يعني يشيل ويستحمل الا خلي عربيات 1100 وفيها تكيف وزي الفل

هيأثر علي السحب ! اكيد هيأثر لان اساسا المكنه خشنه ومش سحيبة (من وجهة نظري)

بس اكيد يعني حضرتك مش هتشغل التكيف وتقضيها غرز ولا سباق مثلا

وبردو يفضل عموما انك وانت مشغل التكيف ماتقرص فالعربية يعني ولا تمشي علي مهلك خالص ولا تقرص المعقول حلو بردو

التكلفة من 2500 ل 3200 تقريبا وقابلة للزياده

التكيف اللي هيركبلك نوعه ساندن ياباني

طبعا انا حاسبلك التكلفة بالعزل لان دي اول خطوة لازم تعملها تروح عند سروجي نضيف يعزل الكبود و تحت التبلوه كويس جدا وياسلام لو افرش الببان وياسلام لو اخد الارضية معاك ويراجعلك علي كوتشات الببان

وتشوف كهربائي متخصص وعمل الموضوع ده في اكتر من لادا وتسأل واحد واتنين وتلاته لحد ماتشوف افضل مكان وافضل سعر

وحضرتك لو دخلة علي الفيس بوك وكتبت تكيف ساندن هتلاقي بيج بتاع شركة بتركب التكيفات هتكلمهم وتستفر عن كل حاجه وتاخد فكره بردو


ناس كتير مركبة التكيف في الادا وعاجبها جدا واكيد مش هيبقي زي اليباني بس علي الاقل هيريحك من نار جهنم اللي بتبقي في الظهر

يارب اكون افدك ومتنسناش لو تميت الموضوع تعملنا تقرير صغير وتقيم للتكيف وربنا يكفيك شرها

[عمروحلوج]

بشكرك جدا جدا جدا على التوضيح
بس اتمنى حد يفيدنى اعمله فى التوكيل ولا حد بره ولو بره اعمله فين
والعزل ده ممكن اعمله فين ويكلف لحده كام
وبعدين انا سمعت ان التكييف لوحدة ممكن يكلف 3000
عموما اشكرك جدا وحستنى ردود تانى

[hassanin_lada]

لا لا التكيف بالتركيب في حدود 2500 والالف التانية عشان العزل وعشان لو في حاجه طلعت فالنص تبقي عامل حسابها

[a7madramadan]

التكييف في حد ذاته ممتاز .. بس العربية مش مجهزة للتكييف ... هتحتاج تصرف عليها كتير ... عزل الكابينة كاملا من التابلوه و الأرضية والأبواب و السقف ... و كمان ممكن تيجي على نفسك وتصرف تعزل الزجاج بالعازل الحراري ممتاز جدا و لو كل العوازل الي سبق ذكرها خفف الحرارة 50% الـ 50% الثانيين هيكونوا بسبب العزل الحراري للزجاج ... انت بتتكلم في ميزانية حوالي 1500-2500 على حسب أنواع العزل والصنايعية لكل ما سبق
اما التكييف نفسه فـ دي أسهل حاجة تركيبة سهل أساسا و تكلفته حوالي 2500 ... ما انصحكش تسترخص في العزل بأي حال لأنك لما هتسترخص في العزل هتضطر تشغل التكييف على أقصى قوته ومش هيدي نتيجة و هيهلك الموتور و هيتهلك ذات نفسه من الضغط المستمر و برضه بدون نتيجة حقيقية ... يعني رأيي ممكن تدفع 3000 جنيه ويكون عندك تكييف ما يسواش 500 جنيه و ممكن تزول ألف او اثنين و يكون عندك تكييف محترم انت وميزانيتك و ظروفك شوف كده والله الموفق :)

[عمروحلوج]

بشكركم جدا جدا جدا يا جماعة ولو فى جديد حبقى ابلغكم باذن الله

[saddam]

طبعا التكييف خارج التوكيل أفضل ﻷن تكييف ال لادا اﻷصلي سوبر فاشل وبره بيوفقولك حاجات ياباني وجديد عدا الكباس مستورد نظيف والتكييف المحترم يكلف 3200 أمامي و5200 تكييف أمامي وخلفي أما العوازل فتجيب العوازل من السبتية بحوالي 300 جنيه وأي سروجي بيحترم نفسه تديله 200 جنيه حيعزل لك العربية ودمتم للنضال
ملحوظة راديتر اللادا فاشل حتحتاج تكبره وحتركب مروحة إضافي على ثرموستات 72 إلى 82 وتوكل على الله بالتكييف نفسيتك حتتحسن

[mohammed dodda]

طبعا التكييف خارج التوكيل أفضل ﻷن تكييف ال لادا اﻷصلي سوبر فاشل وبره بيوفقولك حاجات ياباني وجديد عدا الكباس مستورد نظيف والتكييف المحترم يكلف 3200 أمامي و5200 تكييف أمامي وخلفي أما العوازل فتجيب العوازل من السبتية بحوالي 300 جنيه وأي سروجي بيحترم نفسه تديله 200 جنيه حيعزل لك العربية ودمتم للنضال
ملحوظة راديتر اللادا فاشل حتحتاج تكبره وحتركب مروحة إضافي على ثرموستات 72 إلى 82 وتوكل على الله بالتكييف نفسيتك حتتحسن

....كلام محترم ومن الاخر

[عمروحلوج]

جزاكم الله خيرا يا شباب

[MEKAWY2000]

عن تجربه
اولا ارفع التابلو عند كهربائى وتشترى 1.5 عزل ارم فلكس وعازل حرارى وتلصقه من خلف التابلو الى فتحه افتيس ويكون سروجى كويس هيكلفك 200جم مش هيزيد عن 250
التكييف ساندن طبعا ده الكباس التلاجه او الكويل يكون يبانى السربنتينه الموجوده فى السوق كلها صينى لو لقيت بتاعه الشاهين مع بعض التعديل شغال الاكسبنشن يكون كوى افضل من اليبانى تغيير جلد الابواب متنساش الكافرنر الى بيعلى الموتور عند تشغيل التكييف على شان اسياره متبطل منك وياجميل اوعى تنسى تغيير الدينمو الى 90 امبير بوش بتاع التمبرا والا البطاريه هتهلك وتنام منك بسرعه وده فى حدود 200الى 250جم وعموما التكلفه كلها 4000تزيد شويه مش هتقل لو مركب ريداتير الومونيوم يبقى تغيره بنحاس لان السربنتينه هتبقى امامه وهتحجز الهوا عنه الا لما التكييف يشتغل بس متنساش مروحه السربنتينه تكون 25سم مش اقل من كده على شان تبريد التكييف وتعويض الهواء المقابل للسياره بالنسبه للجوده فهى 75%

[عمروحلوج]

بشكرك جدا جدا
بس انا بدات احس ان الموضوع طويل ومحتاج صبر وشوية شغل

[A7medelfe2y]

متابع ياهتمام

[nada111nada]

متابع

[devoelgendy]

انا العربيه معايا بتسخن مع التكييف حد عنده حل للمشكله دى

[alaa7778]

انا عندى تكيف وبشغلة ب 8 ساعات
بس انا عدلتة
عندك بتسخن علشان وجود السربرتينة امام الراداتير وطبعا مع الادا لازم تسخن
انا عملت ركبت السربرتينة تحت الشنطة وعليها مروحة ومروحة اضافية امام الرداتير مع ترومستات 90 وكدة العربية مستحيل تسخن ابد
غير كدة انا مركب سربرتينة لانوس والتبريد ممتاز داخل العربية زى اى عربية عادية وبدون سخونة
لو عاوز اعملك التعديل دة مفيش مانع
وخلى بالك مش اى حد يعرف يعملة صح علشان دة مكلف بردو بس بتنسى السخونة وبتستخدم التكيف عادى جدا
01145471762