مؤشر البنزين

[komodo]

عربيتى 2105 .. ومن حوالى اسبوع تعطل عداد البنزين كان فى الاول غير ثابت ومش بيدى مؤشر سليم لكمية البنزين فى التنك لحد ما بقى ثابت على الصفر بالرغم من وجود بنزين ... كشفت على الاسلاك اللى واصلة للتنك لقيتها سليمة وصديق لى قالى العيب فى العوامة ...
هل اصلاح هذا الامر يتطلب فك التنك بالكامل ولا ممكن تتحل مشكلة العوامة والتنك راكب ؟
وهل لمبة العداد اللى بتنور لما يوصل البنزين للاحتياطى حتشتغل ولا حتتاثر بعطل العوامة ؟

[ahafed]

متابع

[mossallem]

هو العيب من العوامه
واللي انا اعرفه انه بتبقي راكبه في التانك من فوق وبتتفك زي الغطا من غير فك التانك
وبسيطه ب اذن الله

[hassanin_lada]

طالما كانت بتخترف الاول يبقي العيب من العوامة غيرها ب2 جنية وانشالله بسيطه

[komodo]

هو العيب من العوامه
واللي انا اعرفه انه بتبقي راكبه في التانك من فوق وبتتفك زي الغطا من غير فك التانك
وبسيطه ب اذن الله

وهل لمبة العداد اللى بتنور لما يوصل البنزين للاحتياطى حتشتغل ولا حتتاثر بعطل العوامة ؟
ممكن تجيبنى على السؤال ده؟؟؟

[komodo]

طالما كانت بتخترف الاول يبقي العيب من العوامة غيرها ب2 جنية وانشالله بسيطه

وهل لمبة العداد اللى بتنور لما يوصل البنزين للاحتياطى حتشتغل ولا حتتاثر بعطل العوامة ؟
عايز اجابة على السؤال ده لو سمحت ..؟؟

[hassanin_lada]

اكيد هيتأثر وغالبا مابتشتغلش لو العيب من العوامة مش القربة

[ABO MALEK]

غير العوامة ..هتلاقى الحساس بتاعها باظ والدنيا هتظبط معاك واللمبة التحذيرية لو سليمةمش بتشتغل الا لو العوامة سليمة..انا كنت فاكر الاسكندرانية بس اللى بيركبوا لادا طلعنا ولاد عم مع الصعايدة.

[komodo]

غير العوامة ..هتلاقى الحساس بتاعها باظ والدنيا هتظبط معاك واللمبة التحذيرية لو سليمةمش بتشتغل الا لو العوامة سليمة..انا كنت فاكر الاسكندرانية بس اللى بيركبوا لادا طلعنا ولاد عم مع الصعايدة.

شاكر ردك وكلك زوق.... ويشرفنا نكون زى الاسكندرانية اللى باحبهم جداً ...

[abokoko]

طالما كانت بتخترف الاول يبقي العيب من العوامة غيرها ب2 جنية وانشالله بسيطه

ممكن لو سمحت اعرف ايه اللى ب2 جنيه

[memo2000soft]

هو العيب من العوامه
واللي انا اعرفه انه بتبقي راكبه في التانك من فوق وبتتفك زي الغطا من غير فك التانك
وبسيطه ب اذن الله

+1

[komodo]

رحت للكهربائى وغيرت العوامة البلاستيك لان القديمة كانت معبية بنزين .. واشتريتها ب 5 جنية ..
اتظبطت الامور بس بعد يوم رجع المؤشر يخترف ولما ادور يركن مكانه وبعد حوالى 5 ثوانى يبتدى يتحرك بس مش بيدى القراية الفعلية للبنزين اللى فى التنك ...
يا ترى المشكلة دى سببها اية ...

[abokoko]

اشترى عوامة كاملة جديده وتكون نوع كويس

[komodo]

اشترى عوامة كاملة جديده وتكون نوع كويس

شاكر رد حضرتك ... واية النوع اللى تنصحنى بيه ولو ممكن سعرة التقريبى ....

[abokoko]

انا كمان هغير العوامة
والنهارده سالت علي نوع نضيف وقالوا لى هات اليوغسلافى
وده كان نفس الرد من اخ فاضل هنا فى المنتدى
وطلبت من محل معرفة يتبعت يجيبها لى ( لانها لم تكن موجوده عنده )
وغالبا سعرها هيكون فى حدود ال 70 جنيه
لما اشتريها هبقي اتابع مع حضرتك واقول لك عن تجربتى
وحضرتك نفس الشيئ