سحب العربية بقى ضعيف

[محمود سيد محمو]

سحب العربية بقى ضعيف وبالذات فى المطالع بحس انى شايل ورايا مقطورة مش عارف ايه السبب بالاقى صوت الغيار بيعلى والسرعة زى ما هية
ناس بتقولى الاسطوانة وناس بتقولى الكربراتير مش عارف ايه السبب

[Mohammmed]

اعتقد دا طقم دبرياج

[محمود سيد محمو]

طب لو الاسطوانة عايزة تتغير ينفع اغيرها هى بس وسعرها كام

[lidosasa]

سحب العربية بقى ضعيف وبالذات فى المطالع بحس انى شايل ورايا مقطورة مش عارف ايه السبب بالاقى صوت الغيار بيعلى والسرعة زى ما هية
ناس بتقولى الاسطوانة وناس بتقولى الكربراتير مش عارف ايه السبب

كده الموتور شغال وصوته بيعلى كمان مع الغيارات يعنى الكرابراتير شغال مفيش فيه مشكلة . المشكلة إن قوة الموتور دى مش بتوصل للعربية نفسها يبقى طقم الدبرياج فيه مشكلة ومن أعراضه ممكن تشم ريحة شياط جوه الصالون وسرعة العربية مش حتزيد عن 80 أو 90 كيلو مهما قرصت عليها

[ahmedalaahosny]

يستحسن انك تغيره كله لانك مش كل يوم بتفك الفتيس

[mostafa8085]

طقم دبرياج
و الله اعلم

[محمود سيد محمو]

هى كده كده العربية مش بتزيد عن 90 عشان الفتيس اللى فيها اربعة غيار وموضوع الشياط ده لسة مش شمه بس ربنا يستر هاروح للميكانيكى وربنا يجعل كلامنا خفيف عليهم

[hassanin_lada]

طب شوف طقم الكهربا والزيت والفلاتر يمكن تكون حاجه منهم قبل ماتفك الفتيس واهو كأنك بتعمل سيرفس للعربية

[Mohammmed]

ممكن تغير اسطوانة بس بس يستحسن تغير الطقم كله
معرفش تمنها فى لادا بكام
بس الطقم ممكن يبقى فى حدود 400

[محمود سيد محمو]

فيه ناس قالولى جيب اسطوانة وديسك بتوع عربية 132 مش عارف الكلام ده صح والا غلط

وكمان فيه ناس تانية لاقيتهم بياخدوا الاسطوانة والديسك القديم ويدينى مستعمل نظيف وشغال بيقولوا انه بيملأ الاسطوانة الكلام ده صح والا غلط

[Mohammmed]

فيه ناس قالولى جيب اسطوانة وديسك بتوع عربية 132 مش عارف الكلام ده صح والا غلط

وكمان فيه ناس تانية لاقيتهم بياخدوا الاسطوانة والديسك القديم ويدينى مستعمل نظيف وشغال بيقولوا انه بيملأ الاسطوانة الكلام ده صح والا غلط

كل دا حلول مؤقتة ريح دماغك واشترى جديد
وفيه اطقم لعربيات مختلفة بتبقى شبه بعض بس بالنسبة ل 132 معرفش

[hassanin_lada]

فك وانزل السوق

وقالان بين اللي عندك وبين بتاعت ال 132 لو نفس المقاس اتوكل علي الله