العربية بتستهلك بنزين كتير

[محمود سيد محمو]

العربية اول ما اشتريتها كانت بتستهلك بنزين كتير يعنى الصفيحة كانت بتعمل 90 كيلومتر
روحت وظبط الكربراتير من حوالى 6 شهور وصرفت عليه 130 جنيه وبقى تمام وبقى استهلاك الصفيحة حوالى 125 كيلومتر وده بالنسبة لى كان كويس قوى عشان الزحمة والماتور حالة نص نص لكن دلوقتى لقيت الموضوع رجع تانى وبقى استهلاك الصفيحة 100 كيلومتر مش عارف ايه السبب وهل ده ليه علاقة بان الاسطوانة تعبت اليومين اللى فاتت

[aldesha989]

لو الاسطوانه تعبت زى ما انتا بتقول اكيد العربيه هتستهلك بنزين لان السحب ما بقاش زى الاول وبتحتاج تدوس دوسه اكبر من الاول علشان تعوض فرق التأكل اللى حصل فى الاسطوانه

[saddam]

صديقي المواطن
طبعا الدبرياج يلعب دور ثم.الكربريتير كل فترة.لازم.يتراجع عليه وتنظيم.الهوا.بتاعه برضو بيلعب دور واﻵر بي إم برضو يلعب دور وطريقة قيادتك برضو تلعب دور والبوجيهات برضو تلعب دور
ودمتم للنضال

[hassanin_lada]

الدبرياج يأثر بس مش للدرجاتي المفروض العربية تاكل معاك 180 في الصفيحه وده زي مالكتلوج بيقول وده في نص البلد تمام فنفترض ان حالة المتور نص نص والدبرياج نص نص يبقي المفروض المعدل عند يبقي 140 مثلا راجع علي طقم السيرفس وشوف واحد كويس بتاع كاربرتير يراجع علي البكات وهات اصغر حاجه ومتقلقش مش هتتخنق

[ابو لؤى]

طلامه حضرتك صلحت الكربراتير مره استحاله يرجع زى الاول متهيقلى الافضل تشترى كربراتير ياستيراد يا جديد حتى لو صينى

[محمود سيد محمو]

معلومة العربية موديل 93 يعنى مش جديدة وعشان كده انا كنت راضى بمعدل الاستهلاك بتاع 120كم فى الصفيحة مش عارف ده صح والا غلط

[alaa7778]

ركب غاز وريح دماغك وفى الحالة دى بيتلغى الكرابراتير وهاتمشى 120 كم ب 6 جنية

[ibnelfared]

فى ورشة كاربراتير فى فيصل ممتازين روحلة وأن شاء الله هايقولك المشكلة