اول مرة لادا و لادا نيفا كمان

[mohamedgoda265]

اولا السلام عليكم و رحمة الله و بركاته
الحمد لله اشتريت عربية لادا نيفا اول عربية تبقى خاصة بيا انا شخصيا المهم انا كنت عايز اعرف شوية حاجات عن العربية لاني ان شاء الله بعد العيد هبتدي اشدها لان اللي كان معاه العربية كان مهمل جدا جدا انا محتاج اعملها سمكره و دوكو كاملين علشان مش عجباني تماما و اغير التابلوه كمان و اعملها عند السروجي و اشوف الكرونا علشان صوتها عالي و برضه هشوف الماتور محتاج ايه لاني هفكه و انا حاسس انه محتاج عمره و هل اعمله عمره و لا اغير و اجيب موتور استيراد و برضه هشيك على الكهرباء و العفشة
عامة بمعنى اصح انا ببني العربية من اول و جديد طبعا انا كنت عامل حسابي اني اصرف 5000 جنيه بس طبعا الموضوع كده هيعدي جامد ، يا ريت تقوللي محلات قطع الغيار و توقع التكلفة ...
و الف شكر مقدما

[ابو لؤى]

مبروك ومتابع لانى ناوى اجيب العربيه دى بس بسمع كلام مش حلو عنها وعفشتها مش عمليه ياريت تطمنى وتقولى جبتها بكام وكده وياترى تستحمل الشوارع بتاعتنا فعلا لانى حاسس انها دبابه

[heldin_67]

مبروك و أحسنت الاختيار للشوارع المصريه..........

[zamek]

اصرف علي المهم الاول سيبك من الشكل و من الفرش اهم حاجه المتور و العفشه الي بيمشوا العربيه مش الدهان

[hassanin_lada]

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

[mohamedgoda265]

الف شكر للجميع على الاهتمام

[mohamedgoda265]

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

و الله شوفت ياما تبقى غالية عن العادي (اللي عجبتني نضيفة كانت معدية 25000 موديل 82)
و انا بصراحة قولت اظبط الحاجة بمزاجي
كنت بسأل على الكرونة انا سمعت ان في بطيئة و سريعة و في ناس قالتلي ركب كرونة ياباني و هتحس بفرق رهيب و يا ريت تفدني بالاسعار ، و انا ناوي لما ابتدي عند السمكري افك الموتور و ابعته للميكانيكي يشوفه محتاج ايه و هل لو قالي عاوز يتعمر اعمره و لا اشتري واحد استيراد ، عاوز اعرف حد كويس بتاع قطع غيار سواء جديد او استيراد ، عامة انا عندي اسئلة كتير لما ابتدي في شد العربية هبقى اكمل و الف شكر مقدما

[mohamedgoda265]

كنت عاوز اشتري تابلوه كويس اجيبه منين و بكام
و لو كنت عاوز ارجع فتيس الغرز تاني ايه المطلوب و يتكلف كام ؟؟؟

[mohamedgoda265]

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

للاسف انا النهاردة اتاكدت اني محتاج كرونة و غالبا في شغل في الموتور (عمره او استيراد بالكامل)
ربنا يستر ياريت تفيدوني باسعار الحاجات دي و افضل مكان اشتريها منه ؟؟؟

[lad]

عزبة شلبى فيه واحد اسمه زكريا النجار حاجته ممتازة

[mohamedgoda265]

ايه يا جماعة محدش عارف اسعار قطع الغيار و التكاليف ؟؟؟؟؟

[ahmscu]

بصراحه مش عايز احبطك بس للاسف قطع الغيار غليت جامد والصنايعيه بقوا حاجه صعب يعنى محتاج وقت كتيير وفلوس اكتر بس هتركب عربيه من الاخر،عموما انت عندك حمدى لادا فى مصر الجديده وشارع دمشق والمركز الروسى وسيد نصار فى التوفيقيه يفضل تتعامل معاهم لان حاجتهم مضمونه وممكن حتى تتصل بيهم وتعرف الاسعار بالتفصيل واحنا هنا ممكن نساعدك تختار ايه لان الانواع كتير

[mohamedgoda265]

فعلا انا كنت قرات من فترة على اسعار شوية حاجات مثلا الماتور 1600 سي سي ب2000 جنيه لقيته في عزبة شلبي 2800 و 1500 سي سي و التابلوه كان مكتوب ب 400-500 جنيه لقيته برضه في عزبة شلبي 1000 -1200 جنيه و انا بصراحة اتصدمت من فرق السعر الرهيب ده !!!
و انا كنت عايز اغير الكارونا و في ناس قالتلي انه ممكن يتغير بكارونا تويوتا و تبقى اسرع كتير و مشاكلها اقل ؟؟ ايه رائيكو ؟؟؟
برضه سالت على التابلوه في شركة الامل لقيته ب800 جنيه فاضي من غير عدادات ؟؟؟ يا ترى هلاقي العدادات و هيكون سعرها كام ؟؟؟ و هل ينفع اركب تابلوه 2017 ؟؟؟
و الجنوط لو عاوز اغيرها ممكن اشتريها منين بسعر كويس ؟؟؟؟
معلش طولت عليكم بس انا فعلا دماغي ضربت من العربية !!!

[hassanin_lada]

ههههههه ياباشا اهدي معلش شوية

لو هتعمل كده من اولها يبقي بيع العربية احسن


دلوقتي بالنسبة للمتور شوف لو كان واخد طقم شنبر قبل كده يبقي تعمره احسن اغلي بس تبقي ضامنه علي ايدك مش تجيب واحد استيراد وهو اصلا مش اصديراد يقعد معاك سنه وتفكه

بالنسبة للكرونة اكيد طبعا لو ركبت بتاعت تيوتا (يباني ) احسن الف مره وانعم ومتجربه في عربيات كتير

التابلوه اي تبلوه يركب اهم حاجه طوله يعني قيس طول اللي عندك وعلي اساسه انزل هات نفس المقاس

الاسعار دي اللي يقولك 100 قوله 20 الناس دي بتضرب في العالي بس انت اتقل عليهم وشوف احسن سعر وفاصل معاهم جامد

وانشألله ربنا يكرمك في العربية

[mohamedgoda265]

ههههههه ياباشا اهدي معلش شوية

لو هتعمل كده من اولها يبقي بيع العربية احسن


دلوقتي بالنسبة للمتور شوف لو كان واخد طقم شنبر قبل كده يبقي تعمره احسن اغلي بس تبقي ضامنه علي ايدك مش تجيب واحد استيراد وهو اصلا مش اصديراد يقعد معاك سنه وتفكه

بالنسبة للكرونة اكيد طبعا لو ركبت بتاعت تيوتا (يباني ) احسن الف مره وانعم ومتجربه في عربيات كتير

التابلوه اي تبلوه يركب اهم حاجه طوله يعني قيس طول اللي عندك وعلي اساسه انزل هات نفس المقاس

الاسعار دي اللي يقولك 100 قوله 20 الناس دي بتضرب في العالي بس انت اتقل عليهم وشوف احسن سعر وفاصل معاهم جامد

وانشألله ربنا يكرمك في العربية

الف شكر يا باشا على ردك
بس تعتقد تابلوه ايه اللي يركب على النيفا و يبقى شكله كويس ؟؟
معلش برضه سؤال تاني هل ينفع اغير زجاج الباب بزجاج قطعة واحدة (اللي راكب عندي زجاج و ضلفة صغيرة ) ؟؟؟