Tweet
لادا 2105
موديل 82
الكيلومتر 120000
العربية دى كانت أول عربية اشتريها. و اتعلمت السواقة عليها. العربية كانت بحالة ممتازة من الداخل و الخارج. نبتدى.
الشكل الخارجى يديك احساس ان العربية لم يبذل أى جهد فى تصميمها. أهى علبة حديد و شغاله. افتح الباب بس جدع اقفله من اول رزعه. بس بتتعود عليه.
من جوه التابلوه رخم رخم كان ناقص يعملوه صاج. العربيه واسعه من جوه و الكراسى متوسطة أما الشنطة فجيدة جدا.
دور ياعم. ياسيدى دوور . آآه دا احنا فى الشتاء و العربية سقعانة. شد الشفاط و كررك و دور. دارت و الحمد لله استنى بقى اد 5 دقايق عشان تسخن. أول ما تطلع بالعربية يتسرب إليك الاحساس بالقوة دا انا سليق نص نقل ومحملة كمان. الدركسيون تقييل تقيل. و لو انت مش رياضى قديم اوعى تسوق لوحدك لازم حد جنبك يساعد فى لف الدركسون عند اللزوم.
التسارع من 0-100 فى نفس اليوم بس تبتدى قبل الضهر عشان تلحق. ممكن لو نازل من جبل تجيبها فى 10 دقايق. صوت الموتور عالى و كأنه بيزعق فييه "شيل رجلك من على البنزين يا بنى آدم". فوق ال90 صوت الموتور ما تسمعش معاه أى حاجة حتى لو انتحرت و قفلت الزجاج. وصلنا ل110 الثبات ايه العربيه كلها بترقص من الفرح. 130 أعلى سرعه جبتها و خفت ازود لحسن تطير أو تتفك من بعضها.
القدرة على المناورة عيب نتكلم عليها. بس ارخم حاجة زاوية الدركسيون ضيقة جداااا. أى ملف ضيق حبه لازم تاخده على مرتين و ممكن اكتر.
المميزات بصراحه كتير. قطع الغيار رخيصة و فى كل حتة و كل حاجة سهل أى صنايعى يعملها. أهم ميزة تخللى العربيه دى مناسبة جدا لينا فى مصر العربية البودى بتاعها جامد جداا. أنا العربيه و هى واقفة خبطها ميكروبص و الخبطة كانت جامدة لدرجة ان الميكروباص لف و طلع عل الرصيف. و الحمد لله غيرت الباب و شوية سمكرة للرفرف القوايم مفيش فيها خدش. كل اللى شاف الحادثة قال لو كانت حاجة تانية غير لادا كان زمان نص العربية راح.
موديل 82
الكيلومتر 120000
العربية دى كانت أول عربية اشتريها. و اتعلمت السواقة عليها. العربية كانت بحالة ممتازة من الداخل و الخارج. نبتدى.
الشكل الخارجى يديك احساس ان العربية لم يبذل أى جهد فى تصميمها. أهى علبة حديد و شغاله. افتح الباب بس جدع اقفله من اول رزعه. بس بتتعود عليه.
من جوه التابلوه رخم رخم كان ناقص يعملوه صاج. العربيه واسعه من جوه و الكراسى متوسطة أما الشنطة فجيدة جدا.
دور ياعم. ياسيدى دوور . آآه دا احنا فى الشتاء و العربية سقعانة. شد الشفاط و كررك و دور. دارت و الحمد لله استنى بقى اد 5 دقايق عشان تسخن. أول ما تطلع بالعربية يتسرب إليك الاحساس بالقوة دا انا سليق نص نقل ومحملة كمان. الدركسيون تقييل تقيل. و لو انت مش رياضى قديم اوعى تسوق لوحدك لازم حد جنبك يساعد فى لف الدركسون عند اللزوم.
التسارع من 0-100 فى نفس اليوم بس تبتدى قبل الضهر عشان تلحق. ممكن لو نازل من جبل تجيبها فى 10 دقايق. صوت الموتور عالى و كأنه بيزعق فييه "شيل رجلك من على البنزين يا بنى آدم". فوق ال90 صوت الموتور ما تسمعش معاه أى حاجة حتى لو انتحرت و قفلت الزجاج. وصلنا ل110 الثبات ايه العربيه كلها بترقص من الفرح. 130 أعلى سرعه جبتها و خفت ازود لحسن تطير أو تتفك من بعضها.
القدرة على المناورة عيب نتكلم عليها. بس ارخم حاجة زاوية الدركسيون ضيقة جداااا. أى ملف ضيق حبه لازم تاخده على مرتين و ممكن اكتر.
المميزات بصراحه كتير. قطع الغيار رخيصة و فى كل حتة و كل حاجة سهل أى صنايعى يعملها. أهم ميزة تخللى العربيه دى مناسبة جدا لينا فى مصر العربية البودى بتاعها جامد جداا. أنا العربيه و هى واقفة خبطها ميكروبص و الخبطة كانت جامدة لدرجة ان الميكروباص لف و طلع عل الرصيف. و الحمد لله غيرت الباب و شوية سمكرة للرفرف القوايم مفيش فيها خدش. كل اللى شاف الحادثة قال لو كانت حاجة تانية غير لادا كان زمان نص العربية راح.
Comment