لادا نيفا , استفسار مهم من فضلكم, هيحدد شرائى من عدمه

[maxbaadn]

انا ساكن فى مدينة العبور والطرق عندى ماشاء الله واسعه وسريعه ومفهاش مشاكل , فكنت ناوى اشترى نيفا بس اصدقائى قالولى انها بطيئة حتى لو 1600 فممكن اعرف السبب ولو فى حل للموضوع ده. شكرا على اهتمامكم

[wael61]

ليه نيفا بالذات
النيفا عربية جبلى ناشفه شويه بس قوية وعلشان عزمها شديد ملهاش فى السرعة فضلاً عن ارتفاعها اللى انا شخصياً شوف الناس مبالغة فيه

[hassanin_lada]

مافيش حاجه اسمها عربية بطيئة

حضرتك ممكن تقول عليها تقيله وده بسبب فتيز الغرز اللي فيها و معظم الناس بتشيلو وبتركب واحد عادي

وغالبا النيفا بتبقي 1700 الا لو مغير مكنه

العربية حلوه وكل حاجه بالنسبه لسعرها

بس طبعا تقيله زي الادا عموما

واللي هيحكم في الموضووع ده حضرتك اركبها وامشي بيها واسحب وشوف هل هتنفع معاك ولا لا

[A7medelfe2y]

انا فكرت فيها من امبارح لغايه النهارده العصر وبعدين صرفت نظر عنها بعد استشاره شويه صنايعيه واتنين من ملاكها

[hassanin_lada]

حضرتك ممكن تحط المبلغ المتاح واللي محتاجه من العربية والاخوة يفيدوك بافضل وانسب عربية

[wael61]

حاول تجيب فيات 131

[maxbaadn]

والله الردود وافيه وكافيه واشكركم على المساعده

[hobyana47]

السلام عليكم
باشا انا هكلمك بشكل عملى اكثر لانى معايا نيفا
اولا العربية مش تقيله زى ماالناس بتقول واكيد اللى بيقول كده بيحكمعليها من شكلها من غيرمايجربها ولو كانت تقيله ووحشه مكانتش هتنتج لغاية 2012 بنفس الشكل معشوية اوبشن زيادة زى الباور كمان لو كانتتقيله مكانش هتفضل تستخدم لغاية دلوقتى معالرينجلر فى الجيش المصرى
موضوع انالدركسيون تقيل فى الموديلات القديمه نزل ليها قطعه بتتركب سعرها رخيص بتخليها نص باور وانا فعلا مركبها والعربية مريحانى جدا اما بقى عن المميزات اللى خلتنى اشتريها بعد بحث طويل ومقارنات انها فى رينج السعر والبدائل ليها كلهم مشاكل زى مثلا ال28 وال27 والفولكس البيتلز اهم ميزةفى العربية دى انها تتحمل الطرق المصرية المدغدغة والمطبات لانها عاليه ومش ممكن تحك فى مطب ابدا مهما يكون عالى كمان قطعغيارها متوفرة واغلب قطعغيار الفيات بيركب فيها ومش معقدة بالنسبه للصنايعية واى ميكانيكى بيعرف يشتغل فيها صدقنى ونصيحة قبل ماتاخد قرار جرب العربية اولا وانا مستعد تشرفنى فى المقطم وتجربها بنفسك وتحكم مع العلم انى مش عارضها للبيع ولا بفكر ابيعها بس حابب اساعدك ويشهد الله على ذلك ارجوانكتشوف الفيديو ده وتقولى انهى عربيه قديمه ممكن تعملكده http://www.youtube.com/watch?v=IQFhEsrIIoE
مع العلم ان النيفا ارخص عربية جيب فى العالم وقيادة الجيب متعه

http://www.youtube.com/watch?v=zU0N5bUNQkE

http://www.youtube.com/watch?v=j877QbeFc1c

http://www.youtube.com/watch?v=g2CUccWPr64

الرئيس الروسى بيجرب احدثموديل منها تقريبا 2012

http://www.youtube.com/watch?v=hXG6NSa2k18

[hugan]

عربيه مناسبه للطرق المصريه
ومناسبه لاءي شخص عايز عربيه ومعاه اقل من 20000
وكمان قطع غيار استيراد زي ماتحب
تقدر تعدل فيها وتركب الاصدارت ا لجديده منها
وممكن البولونيز
نفس الكلام ينطبق عليها
ونفس الاصدارت الجديده موجوده

[maxbaadn]

والله كلام استاذ ( hobyyana47 ) مقنع لانى فعلا لازم اجرب العربية وبعدين نفس المبلغ هيجيبلى 128 موديل 87 مثلا مع الفارق بين العربيتين , والله الواحد محتار يا جماعه, الكام الف جنيه دول تاعبين الواحد وكانهم مليون, الخوف من انى ادبس فى حاجه, لو فى حد امين عنده نيفا للبيع يقولى من فضلكم ولو فيها مشاكل يقولى عليها الامانه بتريح اوى

[hobyana47]

والله كلام استاذ ( hobyyana47 ) مقنع لانى فعلا لازم اجرب العربية وبعدين نفس المبلغ هيجيبلى 128 موديل 87 مثلا مع الفارق بين العربيتين , والله الواحد محتار يا جماعه, الكام الف جنيه دول تاعبين الواحد وكانهم مليون, الخوف من انى ادبس فى حاجه, لو فى حد امين عنده نيفا للبيع يقولى من فضلكم ولو فيها مشاكل يقولى عليها الامانه بتريح اوى

مشكلة 28 ياباشا انها لاتصلح الا فى طرق سليمه مع العلم ان ايطاليا وقفت تصنيعها من السبعينات من اكبر عيوبها ان الشاسيه ضعيف ولما بيفتح تبدء المشاكل شوية الكبالن وشوية الشداد اتكسر وشوية الكاتينه اتقطعت وكلفت نص عمرة وبأستمرار عايزة تربيط العفشه وطبعا الفتيس بتاعها دايماغياراته سايبه الخ الخ فحاول تستبعدها من حساباتك لانها دايمابتصرف وعايزالها ميزانيه لوحدها انا ركبت عربيات اشكال والوان تصور انى قبل مااجيب النيفا كان معايا لانوس 1 موديل 2006 كانت عربية محترمه بس عيبها فىان حاجتها كانت غاليه عليا يعنى انا مشحمل انىاشترى قطعة غيار باظت ب500 جنيه فقررت ابيعها برغم انها كانت محببه جدا ليا بس على حسب دخلى مانفعتش معايا النيفا كل حاجتها قريبه وعمليه كنت بشتغل فى اعمار بمشروع اب تاون كايرو المشروع كانفى اعلى نقطة بالمقطم اسمه اب تاون كايرو فكانتالنيفا افضل اختيار عملى ليا وفضلت عليها مش ناقصها الا اركبلها تكييف الفتره قدام شوية وتبقى ميه ميه كمان مشهقولك على رخامة الناس والميكروباصات فى الطريق من ساعهماركبت النيفا وراكب فيها حديد من قدام حماية بتاع الشيروكى محدش بيفكر يلعب معايا على الطريق واللى بيخبطنى بنزل اطمن بس على عربيته بالاخص لو عربية حديثه بس خلى بالك النيفا قليل منها انك تلاقى عربية مع واحد محافظ عليها كمان انصحك بالموديلات بعد التسعينات هتريحك كثير ومش مهم يكون فيها فتيس الغرز لأنك نادر لما تستخدمة
بالتوفيق ان شاء الله

[Hosam_fouad]

انا عايز اجيب العربيه دي بس محتار ؟؟؟؟؟؟ ايه نظام قطع غيارها ؟ انا سمعت انها تقيله اوي في البيع :]