زرار زجاج الكهرباء بيركب فين امامى وخلفى لادا 2107؟؟؟؟؟؟؟؟

[nada111nada]

زرار زجاج الكهرباء بيركب فين ؟ و لو عاوز اركب امامى وخلفى ممكن اركب الاربع زراير عند كرسى السائق ولا لا ذى اى عربيه فيها زجاج كهرباء ....... ولو حد عنده فكره ممكن صور ............. شكرا

[nada111nada]

تابع

[hassanin_lada]

بص مش هيبقي قدامك حل غير انك تركب المفتاح في الكسوت الباب (تعملها فتحه علي حجم المفتاح يودخل كبس)

وتركب وحدة رفع عشان لما تيجي تقفل وانت نازل

ولو حد عنده افكار تانيه ياريت يقول

[mohammed dodda]

أنا كنت مركب اربعة زجاج كهرباء فى عربيتى ال2107....كنت جايب اربع مكن بكر للأربع أبواب وبالنسبة للزراير كنت جايب قاعدة كاملة اربع زراير بالزرار الخامس اللى بيفصل كله ما عدا زرار زجاج السائق وكنت حاططها مكان مجموعة المفاتيح اللى ورا الفتيس وبالنسبة للزرار اللى بينور التابلوه و الدرجة الاولى من النور العالى كنت حاطه مكان زرار هواية التكييف فى التابلوه لانى مكنتش ناوى اركب تكييف

[vet back lada]

انا عندى 2104 بس مركبلها تابلوة زى بتاع 2107 بس العدادات مختلفة المهم انا مركب مجموعة زراير للاربع أبواب فى التابلوة مكان الجزء بتاع المروحة و مركب للتلت أبواب (كل الأبواب عدا باب السواق) كل باب زرار فى المخدع بتاع الباب عايز أنزل الصور بس مش عارف الصور بتترفع ازاى؟

[hassanin_lada]

مركز تحميل نايل موتورز

من هنا واختار اللينك بتاع المواقع واعملو كوبي

[nada111nada]

تابع

[hassanin_lada]

جبلتلك مكان انما ايه جبااااااااااااااااار

عارف الباب
عارف الحته الفبره اللي فيه السوده اللي بعرش الباب


ايوه الفبره اللي اخرها سقاط الباب

ايوه هي دي هتجيب 7 زراير صغيرن علي قد ماتقدر

هتركب 4 عندك وتوزع ال 3 الباقين علي باقي الببان

ميزة المكان ده ان وراه فضي شوية عشان الاسلاك

ظاهر لاي حد عشان لما حد يركب معاك يشوفه بسهوله
ومكان ثابت مش طري وقريب من الايد


بس عاوزه عاوزه واحد نضيف هتفرغ الفبر ده علي قد المفتاح ويدخلو كبس

[a7madramadan]

في حاجات كتيييرة تقدر تعملها .. العربية مش نازلة بقزاز كهرباء ومش مجهزة لكده .. فـ كل الشغل Custom

في من الحلول انك تعدل الفرش نفسه بتاع الأبواب .. ممكن تضيف زي كونصول صغير كده خاص بالقزاز فيبر وتركبه في الفرش بتاع الباب عندك ممكن يتحط في المنطقة الي هتغطي فيها أساسا مكان دراع البكر القديم الي هتشيله ده بافتراض انك هتشتغل بـ مقصات مش بموتور للواير على طول وده الأفضل والأطول عمراُ يعني ... المكان ده هيبقى فاضي و هتلاقي نفسك لو ماركبتش فيه هتشتريله "طبة" تغطي الخرم ده :) عموما يعني انت لو هتركب 4 قزاز كهرباء هتحتاج ما لا يقل عن 4 مفاتيح ... ممكن يبقوا 4 في الفرش بتاع السواق و 3 في كل باب للركاب اجمالا 7 ... شوف كده ايه المفاتيح المتاحة بالنسبالك و هتلاقي أساسا وحدات جاهزة بتاعة فرش السواق فيها 4 مفاتيح بتاعة عربيات متنوعة ... الموضوع مالهوش حلول ثابتة ... كلله شغل Custom :)

عندي انا ماكنتش محتاج غير قزاز أمامي بس فـ ركبت مكنن استيراد تويوتا بـ مقصات مش واير .. و المفاتير متركبين جنب ساعة الكونصول الي فالنص ... لو انت في اسكندرية ومهتم قوي يعني بطريقة تركيبهم ممكن اوريهوملك :)

[engmoody86]

أنا كنت مركب اربعة زجاج كهرباء فى عربيتى ال2107....كنت جايب اربع مكن بكر للأربع أبواب وبالنسبة للزراير كنت جايب قاعدة كاملة اربع زراير بالزرار الخامس اللى بيفصل كله ما عدا زرار زجاج السائق وكنت حاططها مكان مجموعة المفاتيح اللى ورا الفتيس وبالنسبة للزرار اللى بينور التابلوه و الدرجة الاولى من النور العالى كنت حاطه مكان زرار هواية التكييف فى التابلوه لانى مكنتش ناوى اركب تكييف

معلش ياباشا ممكن اعرف المكن الزجاج الكهرباء كام و اجيبه منين
ولو هاركب ج كهرباء امامى بس كام ؟؟؟

[mohammed dodda]

معلش ياباشا ممكن اعرف المكن الزجاج الكهرباء كام و اجيبه منين
ولو هاركب ج كهرباء امامى بس كام ؟؟؟

.....الجوز الامامى أستيراد كلفنى 250 وبعديها بأسبوع عجبنى الموضوع فجبت الجوز الخلفى من نفس المحل والواد باعهملى ب210 يعنى توتال كله 460 ومصنعية 50 جنيه والاربع مكن يابانى مخلوعين من كرولا تسعينات على كلام الصنايعي ونوعهم مقصات مش بكر وجبت بلوكة زراير كهرباء يابانى(اربع زراير بقاعدتهم+زرار فصل علوى فى نفس القاعدة) عملت 60 جنيه استيراد مخلوعة من كرولا برضه ودى بقى ركبهالى كهربائى محترم ومصنعية 20 يعنى الليلة كلها دخلت فى 540 بس بأمانة شغل 10/10 ورفاهية جميلة

[ايمن رجب]

انا عندى امامى بس
ومركبهم تانى وثالث مفتاح جنب زرار النور
وزراير الزجاج بتاعت اللادا عند سيد نصار ب 50 جنيه الواحد