مشكله عويصه فى الادا

[samehamer84]

مشكله عويصه فى الادا

عندى صوت طقه جامده بتيجى فى نصف العربيه ناحيه يميناً شويه تيجى من عند الباب نا حيه المفصله صوت طقه مع المطبات الجامده واحيانا بتيجى من الامام برده ناحية اليمين وروحت لبتاع ابواب وظبط شويه ومافيش امل الصوت مازال موجود انا مش عارف اعمل ايه وبتاع الابواب قالى الببان سليمه مفهاش مشكله ا انا زهقت من عربيات لادا ديه عربيات مؤرفه

[mirra]

هدى نفسك يا باشا...اى عربيه لما بيكون فيها مشكله بنقرف منها حتى لو مرسيدس....انا بقول ممكن الصوت ده يكون عندك مشكله فى البيض....ما تخلى العفشجى يبصلك عليها؟؟

[samehamer84]

الصوت ده لو فىى البيض حيبقى معاك على طول انما ده بيروح ويجى ومره بحسه فى نص العربيه ناحيه اليمين ومره تحت فى الجنب اليمين برده وبيروح مع الغسله

[محمود سيد محمو]

روح لعفشجى كويس ويكشف على البيض وعلى العفشة كلها الموضوع مالهوش علاقة بالابواب اساسا اما عفشجى واما ميكانيكى واما بتاع شكمانات
معلش محتاجة منك لفة بس عشان تستريح ولو انت قريب من امبابة ممكن اقولك على صنايعية كويسين اوى

[a7madramadan]

مالهاش علاقة بالأبواب أساسا .. المشكلة يمكن في حاجة تحت فالعفشة بيضات او فلانشات او اي حاجة تانية يشوفها ويسمعها كويس العفشجي :)

[zamek]

الطقطقه كانت عندي و السبب الرئيسي هي جلب المقصات خلي العفشجي يحل الجنب الي فيه الطقطقه و اذا كانت الجلب عايزه تتغير غيرها و ربط الجنب كله كويس و ربنا يسهل و الطقطقه تروح

[mohammed dodda]

جلب المقصات او قواعد الموتور

[besokate]

سيبها هتروح لوحدها اسمع كلامى

[velkouf]

ماتضايقيش نفسك يا معلم المشكلة بسيطة ان شاء الله
احتمال كبير تكون مسامير القنطرة اليمين اللى راكبة فى الشاسية بدأت تفوت او يحصل فيها تآكل
وقف العربية على ارض مشتوية ( أسفلت) وعشق الغيار الرابع او شد فرامل اليد وزق العربية قدام او ورا واسمع صوت الطقة
لو اتأكدت من الموضوع دة هتروح للعفشجى وهو هيحل الجنب اليمين بالقنطرة عند السمكرى
والسمكرى هيغير المسمارين ال19 و هتقفل العربية تانى

[mohammed dodda]

ماتضايقيش نفسك يا معلم المشكلة بسيطة ان شاء الله
احتمال كبير تكون مسامير القنطرة اليمين اللى راكبة فى الشاسية بدأت تفوت او يحصل فيها تآكل
وقف العربية على ارض مشتوية ( أسفلت) وعشق الغيار الرابع او شد فرامل اليد وزق العربية قدام او ورا واسمع صوت الطقة
لو اتأكدت من الموضوع دة هتروح للعفشجى وهو هيحل الجنب اليمين بالقنطرة عند السمكرى
والسمكرى هيغير المسمارين ال19 و هتقفل العربية تانى

.....ممكن برضه حوار القنطرة ده يكون السبب الله يفتح عليك

[samehamer84]

استاذ محمد انا فعلا عملت القتطرة من خمس شهور وعملت تقويه وغيرت المسامير والعفشة زيرو

[samehamer84]

روحــــت لعفشجـــى بتاعــــى وبيقوله عليه التوب فى البلد

ان روحت لبتاع العفشه بتاعى لانه كان واخد اجازه فى العيد طلع جرب معايا وقعد جنبى سمعنا الصوت قولتله اهوو حط ايده على الرفرف من بره ورايا المرايا على طول الجزء اللى فيه نهايه الرفرف ودخوله على القائم وقال الصوت طالع من الرفرف قولتله ازاى انا بسمعه ورا وقدام وفى النص نزل وقالى حسوق انا وقعدت انا فى الكرسى اليمين و وحطيت ايدى مكان الصوت حسيت بيه طيب وبعدين ايه الحل قالى عايزه بونته نحاس لحام صغيرة قولتله بيقى الرفرف باظ وحيكون فيه اثر قالى بحته قطنه وبويا قديمه وتدارى اللحام وقال الصوت ده زنب الرفرف فاكه بس اسنحاله حتشوفها

قالى المشكله ديه مشهوره فى الادا وخصوصا لادا 2106 (لادا 1500) وبعض موديلات 2107 وقال المشكله كانت عنده وفك السقف و بربيز الزجاج وممعرفش يوصل للحل قولتله اكيد عربيتك تلاقيها قديمه شويه انما العربية ديه
موديل 98 خلى الكلام ده ل موديلات 80 قالى ياستاذ ديه موجوده فى 2107 موديلات الفينات وشاف العفشه وحطينا العربيه على المجرى وقالى العفشه سليمه وكل حاجه فيها جديده


مش عارف كلامه صح ولا غلط ايه رايكم ايه ياشباب ...!!!!!!!!!!!!!!!!!!!!!!!!!!!!!!

[mohammed dodda]

لاحول ولا قوة الا بالله !! ربنا يعينك استاذ سامح ! انا اول مرة اسمع عن العيب ده...احنا كان معانا واحدة 2107 موديل 92 وكنا مشغلينها اشغال شاقة زى التريلا وعمر ما لحام صاج فك ابدا وعدينا بيها ال700 الف كيلو :)

[محمود سيد محمو]

بص على جلب المقصات اوقات بتكون محتاجة لحام او تغيير وانا معايا العربية بتعمل كده وهاغير جلب المقص الشمال عشان الصوت بيزيد معايا مع انى لسة مغير البيض من اسبوعين

[ibnelfared]

عليك وعلى العفشجى وقبلة عدى على حد سمكرى يبص على العربية ممكن يكون الرفرف فاكك أو مشكة فى جسم العربية من قدام