تغير اوسيل كرنك امامى

[youssef_elgbaly]

السلام عليكم عندى اوسيل الكرنك اللى ورا طنبورة الكرنك امامى جايب زيت عربية لادا 2105
حد عنده فكرة ممكن اركبه ازاى انا اعتقد انه ورا وش التقسيمة علطول يعنى طالما حليت وش التقسيمة ورا بس المشكلة ازاى احل الطنبور الكبيرة ديه عايزة مفتاح كام وياترا يلزم حل وش التقسيمة فقط من غير حل الكاتينة وهل هاتخلف تقسيمة ولا لو شلت الطنبورة ليها مكان بتبات فيه علطول من غير ماتخلف ولا اعلم بقلم؟ حد عمله حتى عند الميكانيى وشاف الطريقة؟

[youssef_elgbaly]

23 مشاهدة ومافيش حد يعرف فين الناس الخبرة

[mohammed dodda]

أنا أول ما جبت العربية ورحت للميكانيكى عشان أعملها صيانة كان من ضمن الصيانة تغيير أويلسيل كرنك أمامى وهيه حتة جلدة دائرية كده ب10 جنيه....واللى أنا فاكره انه شال بس الغطا الامامى اللى بيغطى الكاتينة وطبعا شال سير الدينامو

[youssef_elgbaly]

أنا أول ما جبت العربية ورحت للميكانيكى عشان أعملها صيانة كان من ضمن الصيانة تغيير أويلسيل كرنك أمامى وهيه حتة جلدة دائرية كده ب10 جنيه....واللى أنا فاكره انه شال بس الغطا الامامى اللى بيغطى الكاتينة وطبعا شال سير الدينامو

تمام انا اتفرجت على فيديوهات على يوتيوب مجرد بس فك الطنبورة بتاعة الكرنك اللى بيجى علسها سير الدينامو وبعد كده بمفك رفيه بنتر الاوسيل براحة من غير فك غطا التقسيمة حتى وبعد كده بجيب الاوسيل الجديد واحطه واجيب لقمة كبيرة المقاس علشان تغطى مساحة الاوسيل وادق براحة اوى لغاية لما يركب صح ويتساوى وفى ناس بعد كده للضمان اكتر بيحطه لازق فى داير الاوسيل من جوه علشان يضمن عدم التسريب يوم الجمعة ان شاء الله هاحل واعملها بنفسى ربنا يسهل واعرف احل بس الطنبورة ديه اللى عملالى مشاكل مش عرف عايزة مفتاح انجليزى ولا ايه

[ibnelfared]

روح لميكانيكى أفضل ليك

[youssef_elgbaly]

روح لميكانيكى أفضل ليك

ماهو ده اللى حصل ههههههههههه جيب مفتاح انجليزى كبير وحاولت افك الطنبورة اللى كنت شايل همها ومعرفتش وبعدين قولت لو فكتها لما اجى اركبها لازم عايزة عافية قمت مركب كل حاجة تانى وعلى الميكانيكى عدل فك الردياتير والبطارية وجاب ازميل ومطرقة وقعد يدقدق على الصامولة لغاية ماتفكت وطلعها ونظف كويس بالبنزين ونتر الاوسيل بالمفك وركب الاوسيل الجديد وحط عليه لقمة 41 وقعد براحة يدقدق علشان يبات كويس بعدين ركب الطنبورة وقعد يدق عليها بالمطرقة ربط برده وغيرت سير الدينامو بالمرة
التكاليف
1 اوسيل كرنك 10 جنيه
2-سير دينامو 10 جنيه
مصنعية 25 جنيه +5 جنيه صبى
مش ببخل على المنتدى واى حاجة هاعملها هاكتبها علشان تساعد الناس

[hassanin_lada]

انت اللي فيهم واللهي يا يوسف باشا