سعر جلب المقصات

[محمود سيد محمو]

عايز اشترى جلب مقصات عشان كل ما اروح ابنطها بنط لحام تفك تانى
وبعدين عايز اعرف الجلب بتتباع طقم والا واحدة عشان انا اللى بايظ عندى الناحية الشمال بس
ويا ترى لازم اديها بنط لحام قبل ما اركبها والا لأ

[محمود السيد]

بص ساسيدى جلب المقصات الى عندى فى 125 اعتقد بتكون زى الى فى اللاداء هى بتكون من 7 جنيه الى 12 جنيه حسب الخامة والجودة لكن بخصوص انها بتتبنط معرفش لانى بطبيعة الجلبة بتتكون من حديد ومطاط فابلتالى لو تم اللحام اكيد المطاط هيتاثر من سخونة اللحام سؤا اكسجين او كهرباء ويمكن ده هو السبب انها ويمكن ان الصنايعى بيطر يلحم لوجود بوش بالمقص والله اعلم

[mohamed_rhem]

اخر مرة ركبت فيها الادا كان من 20 سنة كده فمش متذكر قوي

عموما الجلبة بتدخل كبس في المقص في كل العربيات

التبنيط ده غلط وطالما انت بنطت يبقي في بوش لازم تشتري مقص كامل ويفضل تجيب الاتنين مع بعض علشان يبقي نفس العمر الافتراضي

خلي بالك من ان الادا البيض بتاعها بيستخدم في التحميل والتوجيه وده لازم يتشحم بأستمرار

ويتغيرالبيض في ميعاده وكذلك شدا الكاتيتة والشيك بلف

[alaa7778]

سعر الجلبة 10 جنية تقريبا وبتتباع بالواحدة عادى وموضوع البنط دة ممكن بردو مفيش مشكلة بس خلى الراجل يبردها بمية بسرعة

[hassanin_lada]

سعر الجلب كان ب 80 جنيه ومان حاليا بقي ب 130

لسا عامل شغل في العبشه من شهرين تقريبا

المهم هي عادي بتتباع بالواحده مافيش مشاكل

وطبيعي تتبنط عشان مع الزمن ماتعمل طق كل شوية

وخلي اللي بيبنط يخلي باله عشان مايجيش علي الكوتش نفسه ويبقي جنبه ميه

[محمود سيد محمو]

انا سألت علي الطق امبارح واحد قالى 125 ج وده مش بثق فى اسعاره والثانى اللى بثق فيه قالى 95 جنيه والاثنين قالولى انها جلب اصلية مش زى اللى فى السوق الصينى

[abokoko]

الروسي ممكن 70/80 جنيه
وفيه انواع تانيه
المايلى الالمانى ب150 جنيه
هما 8 جلب
وبيكون 4 اكبر 4 اصغر

ال لادا
4 مقص
8 بيض مقص
8 جلبة مقص
دى مجموعة المقص
فالاهم تكشف على المقص الاول
ولو فى عيب
يبقي الاولى تغير المقص الاول وممكن تسال على الاستيراد

[hassanin_lada]

قصدك 4 بيض مقص وحده فوق وواحده تحت وهكذا الجنب التاني

[abokoko]

قصدك 4 بيض مقص وحده فوق وواحده تحت وهكذا الجنب التاني

كلام حضرتك صح
معذرة للخطأ

[محمود سيد محمو]

امبارح روحت للعفشجى وخلانى اشترى عدد اثنين جلبة تحت بسعر 20 جنيه وقام بخلع المقص وتركيب الجلب وقام بعمل لحام لها قبل تركيبها وحذرنى ان يتم اللحام وهى فى العربية عشان كده غلط والحمد لله صوت الطقة راح خالص
شكرا يا جماعة على الاهتمام والردود

[abokoko]

بيلحم ايه
و ليه
؟

[محمود سيد محمو]

المفروض انه يكون من غير بنط لحام لكن عشان الجلب الموجودة فى السوق مش كلها اصلية وعشان المقص ممكن يكون وسع شوية عشان كده بيكون اضمن انه يلحم الجلب فى المقص عشان ما الجلبة ماتلفش على الفاضى جوه وتعمل صوت الطقطقة اللى كان موجود
بس لازم اللحام يكون بعد فك المقص بالكامل عشان الكوتشة ما تسحش ويكون هو مالكها فى اللحام

[hassanin_lada]

بيلحم الحديده اللي في الجلبه بسن المقص

[mohamed_rhem]

يا جماعة الخير

لو المقص واسع علي الجلبة يتغير فورا

حياتك وحياة من معك تستحق الاهتمام

[محمود سيد محمو]

بالعكس انا شوفته وهو بيدخل الجلبة فى المقص كان بصعوبة جدا لدرجة انه كان بيدق عليها بالشاكوش عشان تدخل فى المقص بس بعد كده اداها بنطة لحام والموضوع ده نصحنى بيه اكتر من عفشجى