العربيه وهي دايرة مش بتقبل النقلات في وضع الثبات

[ahmad550]

لازم لما ادور العربيه اكون مديها الغيار الاول ودايس دبرياج عشان اعرف اتحرك غير كده لو دورت العربيه وهيا مموره مش بتقبل اي غيار
ولو اتعافيت عليه اسمع صوت تروس بتخبط في بعض
وبعد مااتحرك الفتيس بينقل عادي

[ahmad550]

العربيه لادا 2107 موديل 2006

[aldesha989]

اكيد فى مشكلة فى ماستر الدبرياج

[saddam]

صديقي المواطن
حتحتاج تعلي الدبرياج ولو عربيتك من النوع الدبرياج مش بيعلى فلازم تفك الدبرباج وتعمل عمره
وبالتوفيق وإلى اﻷمام ومن نصر إلى نصر
ودمتم للنضال

[hassanin_lada]

محتاج يعلي شوية الدبرياج معاك

عند اي ميكانيكي في 5 دقايق هيعملهالك

[أحمد جودة]

زي ماقالو الاخوة تعلي الدبرياج شوية ....... سهلة وبسيطة

[Fo1Fo]

زي ماقالو الاخوة تعلي الدبرياج شوية ....... سهلة وبسيطة

ده من ريبلاج سلك الدبرياج صامولتين قى أخر واير (سلك ) الدبرياج متصلين بدراع داخل فى صندوق التروس لو ما عرفتش اى ميكانيكى قوله ارفعلى الديرياج

[amr011111]

رجلاش للدبرياج وان شاء الله المشكله تتحل

[ahmad550]

الف شكر لكل الناس اللي ردت وان شاء الله هجرب الطريقه دي وأقولكم علي النتيجه

[ahmad550]

دلوقتي انا روحت لميكانيكي وعمل رجلاش للدبرياج ولسا المشكله زي ماهيه حتي بعد ماغيرت زيت الفتيس بزيت بيزول
المشكله بشكل ادق هي لما تكون العربيه واقفه لازم ادوس علي الدبرياج فترة من 5-10 ثواني عشان الفتيس يقبل الغيار الاول ... الفترة بتقل لما العربيه تكون اتحركت كتير في نفس اليوم وبتختفي اثناء الحركة
الدبرياج عندي زيت مش واير ... هل ده ممكن يكون مشكلة في ماستر ديبرياج او مثلا الزيت في هوا .. ارجو الافاده

[hassanmm]

واضح ان المشكلة في أغلب الأحيان في دورة زيت الدبرياش سواء الماستر أو نقص زيت الدبرياش أو دخول هواء فى هذه الدورة أو وجود تسريب..................

[ahmad550]

واضح ان المشكلة في أغلب الأحيان في دورة زيت الدبرياش سواء الماستر أو نقص زيت الدبرياش أو دخول هواء فى هذه الدورة أو وجود تسريب..................

طيب انا روحت لكذا ميكانيكي وشكلهم مش فاهمين وكل اللي بيعملوه رجلاش للدبرياج ... هل في طريقة اني اغير زيت الدبرياج او اطلع الهواء بنفسي