بؤره صدأ

[mirra]

الاخوه الاعزاء ..من حوالى سنه لاحظت وجود بؤره بلون مصفر و كأنه صدأ بمساحه واحد سنتيمتر فى الجزء السفلى من الباب الخلفى شمال فسألت السمكرى قالى دى نقرة صدأ خفيفه ما تخوفكشى و ابقى هاتلى علبه شحم و انا اشحملك الابواب من جوه...بصراحه انا كسلت و كمان مش بحب حل فرش الابواب و لغوصه الشحم بس المشكله ان الحكايه دى قلقانى و خايف الباب يضرب فيه الصدا و خصوصا بعد ما اكتشفت حته تانيه بحجم رأس الدبوس فى الباب الامامى شمال برضه...معلشى استحملونى انا دقيق اوى فى ملاحظاتى بخصوص العربيه و بخاف عليها اوى و بالمناسبه هى لادا 2107 موديل 2007 روسى بويه الفابريكا...افيدونى افادكم الله.

[abokoko]

نظفها كويس لبالماء والصابون جامد -وامسحها بالشحم على خفيف هيعمل طبقة عازلة
وكبر دماغك لو صغيره ومش بتزيد
عندى كام حته فيهم صدأ او ممكن نقول ان اللون قشر وساب الصاج مكشوف
بسبب خبطات خفيفه وبقالهم فترة
ومكبر دماغى

[مهند-النجار]

الصدا بيظهر نتيجة ضعف العزل انا لو منك اشيل الفرش واشحم احسن مايحصل ما لايحمد عقباه

[hassanin_lada]

غالبا هتلاقي الشحم في المناطق القريبه من الارض

اغسل العربية كويس ولف علي الامكان اللي ممكن يبقي في صدأ وبحدتت سلك مواعين وبريا ادعكها كويس ونضف وبعدين عند اي حد بتاع دوكو يلحسها معجون وانساها

[hassanin_lada]

قصدي الصدأ

[mirra]

يا جماعه انا رحت للسمكرى امبارح و فك الفرش بتاع الابواب و غطى الابواب شحم من جوه و كان فيه صدا فى ضهر الباب و كمان رش زيت فى بعض الاجزاء اللى صعب الوصول بالشحم ليها.المهم خلوا بالكوا و انتوا بتغسلوا العربيه لان الابواب بتشيل ميه كتير لما العامل بيضرب مسدس الميه فيها من جوه و فى القوايم....كمان اكتشفت ان المشمع الاسود بتاع الفابريكا اللى متعلق جوه الباب بيحوش الميه و بيساعد على تخزينها جوه الباب عشان كده شيلته. ياريت كلنا نعمل الموضوع ده و خصوصا الشتا داخل علينا و كل سنه و انتم طيبيين.

[ahmedalramy]

المشكله يا جماعه ان الابوب بيكون فيها خرم صغير من تحت علشان يزل المياه اللى بتدخل جوه الباب ..... الاخرام دى بتتسد من التراب اللى بيتحول لطين جوا الباب و المياه ما بتخرجش و بتعمل بارومه و كل ده بسبب سوء العزل