صوت زنة فى العربية

[samehamer84]

بص ياسيدى المشكله ديه ..... عندى دلوقتى ودوخت عليها وروحت لبتاع امبيرات السرعه وقالى العيب مش من الامبير وهناك رفعنا العجله الشمال ورا و دورنا العبربيه وجبنا التانى ودوت بنزين الصوت مصدره جاى من عندى الكرادن ناحيه الفتيس كده الراجل بتاع الامبييرات قالى روح اكشف على كرسى النص اللى ماسك عمود الكردان المهم طلعت على الميكانيكى بتاعى لانه برده داخ على الصوت كان عم البليه بيقولى ده ضبط زوايا وطبعا لفيت لفه على بتوع الزوايه وبتوع العفشه جوله كده ، ما علينا روحت لميكانيكى بتاعى بص عليا ورفع العجله لاقتيه جاب المزيته وزيت تحت قولتله لاقيت ايه قالى الصوت طالع من بليه الكرنك وكمان راح مزيت كرسى النص وجربنا والصوت مرحش قالى هو حيروح لو مرحش نبقى نركبوا بليه كرنك طبعا انا بحاول اتعايش مع الصوت لغايه لما انوى واركب البليه ديه مع انى انا لسه مركب ديسك وعامل جوانات الفتيس وبليه دبرياج وبليه لفلام وكذا حاجه بس الميكانيكى بتاعتى بيقولى مبصش عليه بليه الكرنك وان حاليا الصوت معايا وبتعايش ع مع الصوت على اخر الشهر كده واغيرها لان فى تنزيل فيتس تانى


وحسبى الله و نعم الوكيل فى كل الصنايعيه

[محمود سيد محمو]

الله يطمنك يا استاذ سامح

[samehamer84]

عملت ايه طمنى

[محمود سيد محمو]

روحت النهاردة المشحمة وشحمت كرسى النص وعمود الكردان بس لسة هاجرب فى مشوار طويل عشان المشحمة كانت جنب الشغل
بس وانا بشحم عمود الكردان الراجل قالى خلى العفشجى يديك بنطة لحام فى جلبة فى عمود الكرادان مش عارف بتاعت ايه بس هى سايبة قدام عينى مش عارف المفروض تكون كده والا لازم تاخد بنطة لحام فعلا

[samehamer84]

جلبه ايه فى عمود الكردان ديه سايبه ازاى لازم تتاكد اطلع على الميكانيكى الاول وطمنى

[محمود سيد محمو]

شوف هى مش جلبة هى بتاعة كده عاملة زى الغويشة الحريمى انا شوفتها فى نص العربية ولفة على عمود الكردان انا بصراحة مش عارف دى ايه وفعلا لازم تتثبت والا لأ

[samehamer84]

كرسى النص