مفاجئات العفشة

[abokoko]

اليوم الصبح فوجئت بتدلى جزأية من العفشة
واتضح انها جزاية تثبيت المساعدين مع المقص فكت والمسامير اتقطمت

بدلا من فك المقص وبالكامل
ذهبنا بمعرفة العفشجى للحام الجزأ مع المقص - لحم المسامير المقطومة مع المقص

هل ده يضعف المقص
او
ممكن يفك مع المستقبل
وهل الفك وتركيب المسامير اصح -
علما بانه ذكر انه حتى لو ركبنا مسامير جديده -كان هيلحم برضة

ثانيا
هو لقي شرخ بسيط فى القنطرة لما رجعنا وكان بيربط العفشة
وبعد شوية هروح للحام والحم الشرخ فى القنطرة
هل من نصائح

[hassanin_lada]

قدر الله ماشاء فعل

بنسبة للمقص بعد ازنك تغيرو النهارده قبل بكره حياتك اغلي من اي حاجه

بالنسبة للقنطرة انا ماتعكلتش معاها قبل كده بس هي تتلحم عادي والله اعلم

[abokoko]

لسه راجع البيت
اللحام لحم الشرخ اللى فى القنطرة
وكمان لحم كسر موجود فى نفس المقص !!! ده كلامه
وسالته كده المقص اصبح ضعيف
وبرضه حسب كلامه - قال لا داعى لتغييره وكده باللحام بقي كويس
!!

عموما
فى حالة تغيير المقص
هل بيتغيير المقص المعاب ام بيجيي طقم
واسعاره وانواعه - جديد -
لان الاستيراد هنا شبه مش موجود
ولما بيجي المقص بحتاج اغير الجلب كمان ولا القديمه تنفع
وهل بتوجد له توابع بتتغير معاه

[lad]

لازم المقص يتغير

[abokoko]

تمام
ان شاء الله اغيره
بس اغيره حاليا ولا ممكن شهرين تلاته
؟؟
هو المقص الاسفل
بيتباع فردة سفلي ولا الاتنين بيجوا طقم على بعضه
ومصير اخوتهم الاتنين فى الجهة الاخرى -- يتغيروا ولا يفضلوا راكبين لو مفهمش حاجه
الجلب مغيرها من كام شهر - هيركبوا على المقص الجديد ولا ايه ؟؟

[hassanin_lada]

حاول تجيبه استيراد لانه افضل من الجديد

[abokoko]

اللى موجود حاليا
روسى
وقال لى ممكن ابيع لك فردة واحدة ب 85 جنيه
وقال غالبا العفشجى مش هيركب الجلب القديمة

[ibnelfared]

شوف يا أخى بعد ما تصلى على النبى صلى الله علية وسلم .
طالما العفشة فتحت هاط طقم حتى ولو جنب واحد والتانى بعد كدة فى تظبيطة العفشة القادمة ودة أحسن ليك وعن تجربة .
والتكلفة مش هاتكون كتيييير لكن حتة تستنى دةأمر صعب تحديدة عشان العربية كلها على الجزء دة فربنا يسترها عليك وعلينا ويكفيك شر طريقك ما تضمنش الظروف أيه

[abokoko]

حاول تجيبه استيراد لانه افضل من الجديد

انا بره القاهره
وهنا فى البحر الاحمر الاستيراد مش موجود ولازم ابعت اشتريه من الصعيد وممكن يجيي معاب واضطر ارجعه وشغلانه


علشان كده بسال على الجديد
انواع الجديد الكويسه ايه ؟
والاسعار كام ؟

[abokoko]

شوف يا أخى بعد ما تصلى على النبى صلى الله علية وسلم .
طالما العفشة فتحت هاط طقم حتى ولو جنب واحد والتانى بعد كدة فى تظبيطة العفشة القادمة ودة أحسن ليك وعن تجربة .
والتكلفة مش هاتكون كتيييير لكن حتة تستنى دةأمر صعب تحديدة عشان العربية كلها على الجزء دة فربنا يسترها عليك وعلينا ويكفيك شر طريقك ما تضمنش الظروف أيه

حضرتك تقصد بالطقم - 2 مقص للجهة الواحدة
ولا تقصد طقم للجهتين اللى 4 مقصات بالمرة
؟؟
وبرضه بسال على الانواع الكويسه ايه واسعارها ايه ؟

[samehamer84]

غير المقص ضرورى

[abokoko]

ان شاء الله اغيره
بس محتاج اعرف الانواع الكويسه ايه
والاسعار تقريبا كام

[ibnelfared]

حضرتك تقصد بالطقم - 2 مقص للجهة الواحدة
ولا تقصد طقم للجهتين اللى 4 مقصات بالمرة
؟؟
وبرضه بسال على الانواع الكويسه ايه واسعارها ايه ؟

بص الأفضل تغير الطقم كلة لكن لو أمكانياتك مش تسمح هات طقم جنب واحد فقط وبعد كدة ربنا ييسرلك أن شاء الله بطقم الجنب التانى ألى متغيرش .
أما بخصوص الأفضل فى أنواع المقصات فدة من وجهة نظرى وعن تجربة خليك فى نادجدا ماركة محترمة جدا وبردة أستنى رأى الزملاء بالمنتدى يمكن حد يفيد أكتر منى

[abokoko]

بص الأفضل تغير الطقم كلة لكن لو أمكانياتك مش تسمح هات طقم جنب واحد فقط وبعد كدة ربنا ييسرلك أن شاء الله بطقم الجنب التانى ألى متغيرش .
أما بخصوص الأفضل فى أنواع المقصات فدة من وجهة نظرى وعن تجربة خليك فى نادجدا ماركة محترمة جدا وبردة أستنى رأى الزملاء بالمنتدى يمكن حد يفيد أكتر منى

شكرا لحضرتك
اليوم اتصلت بواحد معرفة بيبيع قطع غيار (جديده ) وبواحد قريبي
وكلامهم بضرورة تغيير المقص لكن اغير فقط اللى فيه المشكله
والاثنين نصوحونى بالمقص الاستيراد عن الجديد
وده على اساس ان الموجود فى السوق معظمه صينى بمسميات مختلفة

والراجل صاحب المحل هيشترى لى مناول على بلى - جديد -
ومقص استيراد - الا لو لقى لى جديد مضمون
ربنا يجازيه عنى خيرا

[youssef_elgbaly]

غير المقص بواحد استعمال انا كنت شارى الفردة اللى فوق ب 80 جنيه واللى تحت ب 90 جنيه
المقصات الجديدة بسكوت ماتجيبهاش
بالنسبة للقنطرة تتلحم كويس عادى انا كان عندى واحدة ملحومة وقعد بيها اكتر من سنة ونص بعد كده قلت حلو عليها كده اغيرها واشتريت واحدة 250 جنيه
بالنسبة لجلب المقصات هات المختوم بعد المعاناه وكل لما اجيب جلبة مابتقعدش اسبوع وتبوظ هات جلب هاتلاقيها مكتوب عليها بالانجليزى مش فاكر الصارحة ومختومة وانسى الجلبة الواحدة عاملة 15 جنيه لو مالقتش هات الالمانى كويس