بفكر في النيفا 2009 اية رأيكم؟

[Omar2017]

السلام عليكم
انا بفكر اشتري لادا نيفا 2107 و دة لأنتشارها و قوتها و سعرها الزهيد بالنسبة لأي عربية دفع رباعي انا شغلي بسيط جدا في الشتة لكن في الصيف 6 ساعات و العربية في كامل حملوتها و على انا و المدام اللي هنسوقها مش انا لوحدي و انتم طبعا عارفين سواقة الستات مش محتاجة يعني
فهل هتنفعني و هل مراتي هتعرف تسوقها و لا لأ
شكرا لكم
الفكاكة عنواني

[saddam]

صديقي المواطن
قولا واحدا عربية عظيمة آه عربية عظيمة بس قولا واحدا مراتك مستحيل تعرف تسوقها ليه إنت حاسس إنك راكب عربية تكنولوجيا سبعينات حتى مش ستينات الستينات كانت طرية بس السبعينات ضايعة العربية ناشفة أوي وقيادتها صعبة وقطع غيارها الخارجية أسعارها خرافية واحد صاحبي مت شهر جابلها ربع أمامي صاج ب 14 ألفوتكييفها معظمها مفيهاش ولو فيها فمراوح سقف بيتكم أفضل والعربية دي 97% من الشعب المصري لاغي الكرونة الأمامية ولما تعطل الكرونة الخلفية وده أساسي ولازم تعطل كل سنتين تلاتة بيركبوا الأمامية ورا طبعا العربية خشنة وصوت المحرك عالي ومفيش عوازل ولكنها حمالة أسية وبتحمل لكن أبعادها في القيادة تحسها فيها حاجة غلط ومتحاولش مراتك مش حتتمزج فيها ولا عرفت تسوقها ولو ساقتها أنا مش من هواة أخلي الزوجة تقوم بمهام خشنة في الحياة فممكن تخليها خشنة في كل مفاصل شخصية حياتها وأنا بحب أخليهم يعملوا الحاجات البسيطة والخفيفة وإحنه الرجالة لينا الشقا والتعب وأنصحك نصيحة شوف حد معاه واحده وأطلب منه ياخدك لفه وحتكره الحياة وهي بابين فقط شفت وحده صاحبها قاصصها من النص ومطولها ومركب لها بابين جرار

هذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hassanin_lada]

هو انت بتتكلم علي النيفا ولا ال 2107 عشان دي حاجه ودي حاجه

لو بتتكلم علي النيفا اللي عامله زي الجيب عربية حلوه وتستحمل معاك وحاجتها هي هي الادا 2107

هتستحمل الهري والشوارع اللي احنا فيها بس ماتنظرش اي رفاهية منها

لو ههتخلي المدام هي اللي هتسوقها يبقي حرام عليك

معلش يعني انت فاهم سواقة الستات عامله ازاي يعني كل يوم هتلاقي مراتك معمولها محضر بأنها كسرت عربيات الناس مش بعيد يوم ماتتخنق من الزحمه تطلع تمشي فوق العربيات :d

[Hosam_fouad]

النيفا انا بفكر اشتريها بس اللي خايف منه فيها انها صعبه في اعاده البيع :d

[hobyana47]

ياباشا العربية ممتازة وبيركب ليها جزء فى العفشة بيخلى الدركسيون نص باور وبيخليه خفيف جدا انا مركبها جبتها ب 120 جنيه وانا بالمناسبة بعلم المدام بتاعتى السواقة بيها وبتسوقها ز ى الفل ماشاء الله
العربية مش صعبة زى ماالناس مفكراها وعمليه جدا جدا وحاجتها متوفرة ورخيصة واهم ميزة فيا انها مرتفعه وبتبقى كاشف كل الطريق وانت راكبها وده بيسهل سواقتها