مساعدة عاجلة فى علبة فيوزات لادا

[youssef_elgbaly]

السلام عليكم عارفين النهاردة الاحد ومافيش حد فاتح المهم النهاردة فكيت علبة الفيوزات وجيبت بنزين وفرشة نظيفة ونظفت الحمد لله وتم فك كل فيشة من تحت هى راكب فيها خمس فيش وكاتبت على كل واحد رقمة ورقة بلزق علشان ماتغلبطش وتم التركيب بعد مانشفت واتاكد ان البنزين طار كله ولاقيت مافيش كهرباء خالص فى العربية ولا كونتاكت ولا كلاكس ولا نور ولا عدادات ولا اى حاجة المهم الازاز كهرباء كان مفتوح عملت وصلة من الموجب على زرار الازاز الكهرباء والحمد لله اشتغل وقفلت الازاز بس مافيش اى كهرباء فى حته حديدة كانت راكبة فى العلبة من فوق فى صف الكتاوت ديه وقعت بس ماخدش بالى هى كانت فى f3 ولا f4 هى على شكل زاوية حادة ممكن حد لو معاه لادا 2105 يبصله على علبة الفيوزات بتاعته ويقولى حتة الحديدة ديه على f كام واجرب غريبة مش عارف الكهربا قطعت خالص ليه كده وشيكت على الفيش مرتين والفيوزات برده

[youssef_elgbaly]

مش عارف انا بسال وبرد على نفسى ولا ايه هههههههههههههههههههه
المهم بعد التفكير والمعاناة ولسه داخل من بره والله قول طالما علبة الفيوزات بتخش فى كلبسات يبقى اكيد فى 6 دفاير برده من جوه العربية داخل التابلوه وفعلا فكيت علبة التابلوه اللى فيها الباب وجبت كشاف ببص على علبة الفيوزات من ورا اتارى فعلا لاقيت زى ماتوقعت 6 دفاير كلبس برده بس اتاريهم كلهم واقعين لما انا زقيت العلبة من عند الكبوت جامد زقوا الكلبسات اللى جوه ووقعوها المهم طبعا دول ماكنتش معلم عليهم بارقام بس قمت مركب او كلبس هو النور جيه هيههههههههههههه
بس مافيش كونتاك قولت اركب الكلبس التانى هو بقى فيه كونتاكت لغاية السادس المهم ادور العربية تدور مرش وعايزة تلقط وتبطل علطولقولت ده شكله كوندنسر ولا ايه المهم لاقيت شرارة فى الموبينة وشرارة فى البوجيهات قمت مطلع الاسبراتير ومقسم من جديد ومركب كوندينسر جديد وفكيت البوجيهات كشفت عليها كله تمام ادور نفس الحوار تدور مرش وبداية لقط بنزين وتفصل قولت ايه الحكاية اول مرة اشوف حاجة بالطريقة ديه من هنا لهناك واحد صاحبى ميكانيكى معدى من الشارع نديت عليه المهم قالى دور نفس الحوار قالى عندك حاجة فى الكونتاكت باين المهم عمل كوناك خارجة موجب بطارية على سلك موبينة دور علطول لقطت والمكنة هادية وزى الفل انا فرحان علشان التقسيمة بتاعتى ميه ميه المهم انا شاكك ان فى كلبس اللى ركبته من التابلوه المفروض يركب مكان كلبس تانى بكره ادور بالكونتاكت الخارجى واروح للكهربائى اقوله على الحوار ويشوف الكونتاكت

[hassanin_lada]

هههههههههههههه الله ينور ياهندسه

كان نفسي اخدمك واللهي بس انت مش محتاج خدمة يعني بسم الله ماشاء الله عليك

اصل انا من النوع لو فكيت حاجه في العربية برجعها بس مش في مكانها :d

انشألله تكون بسيطه

بس هو سؤال صغير انت غسلت علبة الفيوزات ليه ؟

[youssef_elgbaly]

هههههههههههههه الله ينور ياهندسه

كان نفسي اخدمك واللهي بس انت مش محتاج خدمة يعني بسم الله ماشاء الله عليك

اصل انا من النوع لو فكيت حاجه في العربية برجعها بس مش في مكانها :d

انشألله تكون بسيطه

بس هو سؤال صغير انت غسلت علبة الفيوزات ليه ؟

تسلم يابشمهندس حسنين احنا مش جامدين اوى برده على قدنا ههههههههههههههه
علبة الفيوزات عندى كانت كلها تراب والكلبسات من جوه كانت متربة جامد بقالها 3 سنين محدش جه جمبها العربية ساعات كانت بتقطع كهرباء واجرب اتك كويس على كلبسات العلبة الكهرباء ترجع تانى حتى البطارية كانت اول ماتدور ح مارش حوالى 5 مرات تلاقيها هاتشيع مع انها جديدة بعد التنظيف وتنظيف االكلبسات برده كلبس كلبس بقت اكنى جديدية تانى والكهرباء بقت افضل وغير كده امبارح بعد الحوار ده مدور العربية اكتر من 20 مرة والبطارية لاقتها بقت قوية جدا والكهرباء بتاعة العربية بقت افضل واقوى واستجابة سريعة