انا بكره العربية اللادا وهذه اسبابي

[sab3aawy]

انا كنت اتكلمت كتير عن مدي كرهي ان اللادا و ال128 و الشاهين بيتباعو زيرو لسه و الناس بتروح تشتريهم علي اساس انهم عربيات معمره
كان كلامي من وجهه النظر الماديه و ما تدفعه مقابل ما تحصل عليه
المهم كلامك ده بيؤكد بلاش حد يشتري العربيات دي زيرو نهائي خصوصا مع تواجد بدائل مريحه جدا جدا عنهم و في نفس السعر زي الاسبيرانزا a113 و ال516 و اللي يقولك صيني و هتتكسر ينزل يبص علي العربيات ماشيه زي الفل في الشوارع و الناس اصحابها بيشكرو فيها

صوابعك مش زى بعض يا دكتور امير، انا عشت بالعربية الشاهين اجمل سنوات عمرى، 100 ألف كيلومتر بدون مشاكل تذكر، وكل اللى اعرفهم ركبوها محدش اشتكى منها سوى انها عربية (رجالى شوية) فى القيادة، ليس لدرجة اللادا طبعا لكنها ليست بنعومة الكورى واليابانى طبعا، (كنت بسوق الشاهين وفى نفس الفترة بسوق اكسنت بدون باور، الشاهين كانت امتع منها فى القيادة بالنسبة لى)

لكن لا بيضة تملص ولا عينك تطلع فى الركنة ولا الهيصة دى كلها

[wardet]

صوابعك مش زى بعض يا دكتور امير، انا عشت بالعربية الشاهين اجمل سنوات عمرى، 100 ألف كيلومتر بدون مشاكل تذكر، وكل اللى اعرفهم ركبوها محدش اشتكى منها سوى انها عربية (رجالى شوية) فى القيادة، ليس لدرجة اللادا طبعا لكنها ليست بنعومة الكورى واليابانى طبعا، (كنت بسوق الشاهين وفى نفس الفترة بسوق اكسنت بدون باور، الشاهين كانت امتع منها فى القيادة بالنسبة لى)

لكن لا بيضة تملص ولا عينك تطلع فى الركنة ولا الهيصة دى كلها

هو دا الكلام المظبوط
انا بقالى تلات سنين بسوق الشاهين ونسبة اعطهالها معايا تكاد تكون صفر
يعنى غيرت تيل قدام مرة واحدة بس دا كل اللى عملته فى العربية
دا غير ان الموديلات القديمة بتعيش اكتر من الجديدة
دا رايي
د غير ان قطع غيارها رخيصة جداًَ يعنى لو حد رخم عليك وحبيت تعمل الدنيئة وتخبطه
ديتها 200 جنيه والعربية ترجع احسن من الاول

[firstknight216]

ازيكم ياشباب
اشكركم على مشارتكم واعتذر عن التأخير لأني كنت بعمل عملية تانية وفك الجهاز اللي كان راكب في رجلي بسبب الحادث اياه والحمدلله على كل حال الدكتور بيقول
"معلش لسه المشوار طويل شوية"
بأي حال من الأحول بكرر ديه اسوء عربية ممكن الواحد يركبها في حياته
لكن المشكلة بتتخلص ان الشعب المصري فعلا ليه الرؤية الاقتصادية في البيع والشراء بمعنى
معظم الناس في مصر بتقول:
احب اركب عربية تكون قوية ومعمرة
احب اركب عربية تكون رخيصة في قطع غيرها
احب اركب عربية مش اروح بيها للتوكيل لكن اي ميكانيكي يصلحها
ونوع الكلام بتكون بالشكل ده
لكن الفجيعة الكبرى لما تركب العربية
كأنك راكب جرار زراعي وبتجري بيه
والله انا بنزل من العربية في مشاوير صغيرة وبنزل جسمي مكسر
كفاية ح اقول لكم على حاجة الحزام بتاع العربية لما بتستعمله بيخنق اللي قاعد

[Mohamed_Ibiza]

ياحول الله يارب .. ربنا يشفيك

كفايه يا لادا بقى .. سيبي الناس في حالها

امشي يا لادا امشي يا لادا

[firstknight216]

والله ما مشيت
هاهاهاهااههاها

[LUX]

بس الظاهر كده انها مصري مش روسي صح؟؟
________

ماردتش علي سؤالي ليه؟؟ :(

[firstknight216]

فعلا العربية روسي بس للمعلومة العربية كل حاجة من الداخل روسي حتى الخراطيم والبوجيهات
ياجماعة مصر معندهاش القدرة انها تعمل اي حاجة خالص غير التجميع اللي فعلا مصري في العربية الكاوتشات والبطارية وكفر الابواب اللي شكلها يغم النفس
بس موتور المصري 1600 وموتور الروسي 1500 وديه نقطة لصالح المصري

[ahmedkb]

السلام عليكم
اولا الف سلامة وربنا يشفيك يارب
فعلا السيارة متعبة فى سوافتها
وتقيلة او جامدة
بس
اللى الواحد بيشوفه فى الشوارع يخليه يصعب عليه يجيب حاجة ناعمة
او كورى
او صينى
يعنى اللى بيعملو دايما الدنيئة ويخبطوك او طقل صغير يمسك قلم ولا مسمار ويجرح فى العربية
او مجموعة اولا يطلعوا فوق سقف العربية ويطنططوا عليه
والله انا ماشى وبعدى مزلقان قطار وواخد ماشى جنبى على رجله
قام خابط العربية بايده خبطة جامدة وهو ماشى
ليه الله اعلم
مابالك بقى لما تكون راكن العربية فى الشارع ايه اللى بيحصل فيها
لازم لما انزل الاقى فيها حاجة
مخبوطة الاولاد لاعبين على السقف بتاعها خالعين الاكسسوار البسيط بتاعها
لدرجة انى روحت للسمكرى اجدد العربية
وبقيت اقول لنفسى اجددها ليه
علشان الناس نكسرلى فيها
للاسباب دى
انا بفضل الادا
كل اللى بيتعمل فيها ده
وفى الاخر تجديدها ميكلفش
قطع غيارها رخيصة
مش هزعل عليها لما حد بيكسرلى فيها
او يخبطها

[firstknight216]

عزيزي استاذ ahmedkb
بالطبع كلام حضرتك مضبوط
لكن اكيد بردة بيكون في مقابل في العربيات الجديدة حتى لو كتير شوية في مقابل راحة اللي سايق العربية
العربية مش بتتخبط كل يوم وفي كتير في مصر ركبين عربيات مش لادا وعلى الرغم من كده متعايشين مع العربيات
طيب جرب حضرتك اسأل أي حد عنده أي عربية من العربيات الحديثة وقول له يركب عربية لادا علشان المزايا اللي حضرتك قلتها
واكيد اكيد حيرفض .... تخيل عندهم استعداد يدفعوا اكتر وميركبوش اللادا
على كل... كل واحد بينظر من وجهة نظره
وانا سعيد اني اتعرفت عليكم