نصائح للحماية من النصابيين؟؟؟

[ibnelfared]

الموضوع دة يا جماعه ياريت كل واحد يحكى المشاكل ألى قابلتة من النصابين والغشاشيين سواء من الصنايعية أو البائعين أو حتى تجار قطع الغيار عشان غيرنا يستفيد لأن بصراحة كتروا قوى ومنها نستفيد ونفيد غيرنا أن شاء الله .

[Amr_tika88]

موضوع رائع

[Eng_zead]

السلام عليكم
مرة مفتاح العربية الواد بتاع الجراش قالى ده ضاع المهم انا شكيت فى الموضوع و روحت لواحد بتاع ابواب علشان اغير الكالون كان معايا نسخة تانية للباب المهم الواد الصنيعى قالى انا معايا مفتاح بيغير البلى و بتاع الكالون و هعملك مفتاح جديد و كدة و طبعا لانى معرفش فى الكوالين صدقته وبعديها جربلى النسخة التانية بتاعتى مش بتفتح و النسخة الجديدة اللى عملها بتفتح
بعديها بيومين الواد بتاع الجراش قالى انه لقى المفتاح قولت اجربه على العربية فتح ساعتها فهمت الن الواد بتاع الابواب خد من النسخة التانية و عمل عليها نسخة جديدة و بعد كدة بوظ النسخة القديمة
روحتله تانى و قولتله انت اشتغلتنى و المفتاح القديم اهو و بيفتح انت بس بوظت النسخة الاحتياطى و خليته يعدل كل البلى و طلع عين امه بس الصراحة كنت فرحان فيه جدا و هو كفران كدة لان اكيد ربنا مش هيكرمه لانه حرامى

[mohamedxsayed]

موضوع جميل بس ياريت لو كل واحديكتب اسم المحل او الورشه
عشان يحذر الناس منه ونعرف النصبات فين وبلاش كلمه ( حرام خليه يسترزق والجو الرخيص ) عشان ذى ما التاجر والصنايعى عاوز يسترزق الزبون مش لازم يلبس

السلام عليكم
مرة مفتاح العربية الواد بتاع الجراش قالى ده ضاع المهم انا شكيت فى الموضوع و روحت لواحد بتاع ابواب علشان اغير الكالون كان معايا نسخة تانية للباب المهم الواد الصنيعى قالى انا معايا مفتاح بيغير البلى و بتاع الكالون و هعملك مفتاح جديد و كدة و طبعا لانى معرفش فى الكوالين صدقته وبعديها جربلى النسخة التانية بتاعتى مش بتفتح و النسخة الجديدة اللى عملها بتفتح
بعديها بيومين الواد بتاع الجراش قالى انه لقى المفتاح قولت اجربه على العربية فتح ساعتها فهمت الن الواد بتاع الابواب خد من النسخة التانية و عمل عليها نسخة جديدة و بعد كدة بوظ النسخة القديمة
روحتله تانى و قولتله انت اشتغلتنى و المفتاح القديم اهو و بيفتح انت بس بوظت النسخة الاحتياطى و خليته يعدل كل البلى و طلع عين امه بس الصراحة كنت فرحان فيه جدا و هو كفران كدة لان اكيد ربنا مش هيكرمه لانه حرامى

الحمدلله ان ربنا كشفه

[J A G U A R]

متابع باهتمام

[Eng_zead]

متابع

[ibnelfared]

أنا بقى واحد باعلى عربية وكان بروفسير على أحد المنتديات ولما أشتريت منة العربية فوجئت أنى محتاج أشترى عربية نتيجة عدم ضميرة وقلة دينة لأنة خان العهد والقسم وكدب عليا .
يعنى من توكيل لمخالفات عملها لسمكرة لدوكو لعفشة لعمرة موتور لفرش برغم أنه أدمن لهذا المنتدى الذى تعرفت عليه ليس نايل موتورز فهو منتدى يأتى لصاحبة الحق .
ولما جيت أشتكية للأدارة لاقيت طبعا الرد مش منة من حبايبة وأصدقائة .
بس الغريب والله يا جماعه مش منه هو لأنه معترف أنه باعلى العربية الغريب أن الأشخاص ألى متحامين ليه كلهم مكدبنى وكان من الهبل والغباء الرد ألى بجد مش فاهمة بيقول أنى بعمله سمعه غير طيبة ودفاع مستميت لحقة كأنهم كانوا معانا فى البيعه ؟؟؟
طيب دة على أساس أيه أنى أطيرة من المنتدى طب وأيه لازمتها هاخد مكانة ولا أنى أساومة على فلوس أنا كنت بطالب بحقى ألى هو طلع كذاااااااااااااااب ومش صادق وحسبىى الله ونعمة الوكيل .
واحد يا جماعه كل شىء كبير أو صغير فى العربيات تسألة يرد عليك تيجى تاخد منة عربية فيها موتور مشنش + عربية مليانة برومة وكان مغطيها بالمعجون ورشة على عدم نظافة + كوريك بايظ + أستين زبالة +العربية كانت تاكسى + عفشة قطران وكل حاجة فيها زفت .
ولما جيت سألتة على بعض الحاجات أفاد بجهالتة وعدم معرفتة يعنى مثلا يوم ما راح عملى التوكيل كنا رايحين على أساس عقد مسجل فالبشمهندس الكبير جايب للعربية شهادة مخالفات طبعا أنا كنت شاكك أنها مضروبة بس ما نظلموش وجايب للعربية تصريح مؤقت ورقى لأنه كان لسه ناقل ملكية وقال أيه انه كان بيعمل بالتصريح المؤقت دة عقد مسجل على طول وبعدين كل لموظفين قالولوا الكلام دة غلط ولما حب يحسنى أنه مظلوم من النظام الروتينى قالوا طب أيه الحل قالة لازم تجيب شهادة بيانات أو تعمل توكيل عام فى ماركة السيارة ويمشى وكان التوكيل العام وهو يعلم أنه لا يعمل فى موضوع نقل الملكية وكدة وأنه لازم يحضر معايا فى أى أجراء للعربية لكنة تعامل معايا بعدم ضمير ولا أحترام وقالى دا أنت بالتوكيل دة ممكن تبيعنى بيتى .
طبعا دى كانت غلطتى لأنى أمنت واحد زى دة وكنت مفكرة أيه فى مصحف وأتبعدلت فى التوكيل دا غير العربية نفسها ومش هانكر بصراحة أنا لما أتصلت بيه جالى مرتين وطبعا ضربلى معادين من مشوار بعييييييييييييد بس كنت تحت رحمتة للأسف .
العربية بصراحة ألى أستفادت منة فيها كان كيلوا زيت التعاون الأزرق + الجنوط فقط لا فير حتى الكاسيت ككان بايظ حقيقى كانت تدبيسة محترمة جداااااااااااااااااا.
وبجد أنا بشكرة على الجزئية دى لأنى أتعلمت من العربية كتيييييييييييير جدا كان منها أنى ما أمنش لحد حتى ولو كان شيخ الصنايعية لأنى بقولكم يا جماعه هو ماشاء الله عليه أستاااااااااااااذ ما بالكم بقى بالى ياخد عربيتة وطبعا الراجل ألى كان معايا كان مغشوش فية بردة زييى كدة من الشكل وكدة وأنا كنت زى ما قال عليا أهبل كنت بمدح فيه للراجل ألى جية معايا ففكر أنه محترم.
حقيقى يا جماعه خلى بالكم من النصابين وديولهم ألى بيدافعوا على باطل بجهالة ويقولك لا فلان دة كان مرة عمل معايا كذا وكذا طب وهو أنا أدعيت علية باطل لدرجة أن فى شخص بعتلى رسالة على الخاص وقالى ألا فلان دا ودا ودا ولما قولتلة هو ما أنكرش البيع كان ردة أنه عيبى أنا أنى أستلمت العربية على عيوبها مش ذنبة أنتى ما بصيتش عليها ليه وطبعا دة كان رد مبكى مضحك يعنى .
وبصراحة كانت أول عربية فى حياتى والله والله لما أمنتة وسألتة سؤال واحد وحياة أولادك العربية فيها حاجة كان ردة عليا والله والله وحياة أبنى ما فيها حاجة .

وأهو الحمد لله أنا طبعا لما لاقيت الكل بيتحامى ليه وبرغم أنى عرضت على الجميع نتقابل مع بعض فى مكان ويتأكدوا كان ديولة واقفين معاه حتى ولو مش ديول لكن الدفاع على باطل بدون أى وجة حق دة كلام فاضى .

وأخر حاجة يا جماعه ياريت ما نحكمش على شخص غير لما نسمع ونشوف من الطرفين عشان ما نظلمش حد ياريت تخلى بالكم جداااااااااااااااا لأن بصراحة النصابين بقوا بجحة جداا وطبعا لا يسعنى ألا أن أقول حسبى الله ونعمة الوكيل فى أى أنسان يستغل ظروف أنسان أو يستغل جهلة بالشىء أو يستغل أمانتة ليه كما حدث معى ويحدث مع غيرى كثيرا .
دى أول نصباية لأنها كبيرة قوى ومش صغيرة أرجوا أن تتعلموا جيدا من دروس الأخرين.
وألى يحب سألنى عن شىء فى الأجراءات وطرق الشراء أنا مستعد وتحت أمرة فى أى أستشارة لأنى مش عايز غيرى يذوق من نفس الكاس أنا تحت أمركم

[ahmedesmat1987]

انا شخصيا اول ما اشتريت العربيه مكنتش بفهم فى البطيخ بس حابيت استنصح وانزل عزبه شلبى واشتريلها قطع غيار عشان سمعت ان قطع الغيار هناك رخيصه ...........حبيت اوفر لبست عافشه كامله مضروبه الاستيراد فيها والجديد بااااااااااااااااااايظ

شكرا والى الامام

[emad_ms]

ااواقعة دى حصلت مع واحد صاحبى من 4سنوات اشترى عربية من سوق الجمعة بتوكيل وقبل مايخلص فى العربية سال عليها فى المرور وجد كل الاوراق سليمة من رخصة وسهادة مخالفات وبعد مااشترى العربية بسنة او اكثر شويه اتقبض على العربية مع الميكانيكى لانها كانت مسروقة من سنتيين تصوروا ان اللى سرق العربية وباعها لصاحبى كل اللى زوروا بطاقة باسم صاحب العربية الاصلى بحيث انك لما تسال على اوراق العربية تلاقيها سليمة وخسر صاحبى الفلوس اللى دغعها وكان ممكن يلبس قضية سرقة لولا ان كان فية شهود والحرامى دة عمل كدا اكثر من مرة

[ibnelfared]

ااواقعة دى حصلت مع واحد صاحبى من 4سنوات اشترى عربية من سوق الجمعة بتوكيل وقبل مايخلص فى العربية سال عليها فى المرور وجد كل الاوراق سليمة من رخصة وسهادة مخالفات وبعد مااشترى العربية بسنة او اكثر شويه اتقبض على العربية مع الميكانيكى لانها كانت مسروقة من سنتيين تصوروا ان اللى سرق العربية وباعها لصاحبى كل اللى زوروا بطاقة باسم صاحب العربية الاصلى بحيث انك لما تسال على اوراق العربية تلاقيها سليمة وخسر صاحبى الفلوس اللى دغعها وكان ممكن يلبس قضية سرقة لولا ان كان فية شهود والحرامى دة عمل كدا اكثر من مرة

عادى ما بالك أن البائع معروف وموجود لا وربنا يكفيك شر البجاحة مشرف عام وبيبرطع بفلوسى كمان ربنا يرد الحق لأصحابة أن شاء الله

[Ahmed sahab]

انا بقه غير اشتريت عربية 128 بس لاخويا الحمد لله شوية شغل بسيط وماشية بس السعر كان فوق حوالى 3000 بس ربنا يعوض علينا وان مش ناوي ابيع المهم انا بقه غلطت غلطة شنيعه انى قبضت 2000 جنية بتوع جمعية ورحت واخد الف ودفعت مقدم موتسكل جديد والباقي مصاؤيف تجميع وترخيص ودلع الموتسلك وصرفت ام الفلوس على الموتسكل قعد كتير ؟؟ هو 13 يوم مفيش غيرهم وقابلني واحد كان من اعز الاصحاب ( الله يسامحة ) واول كلمة قالهالي انت عندك عربية وموتسكل والله العظيم ان تاني يوم الموتسكل انسرق منى وحتي هذة اللحظة بدفع فى القسط ولسه باقي 5 شهور وربنا يعوض علينا
كل واحد بيتعلم بس محدش بيتعلم ببلاش بس كلمة وحدة تكفي الناس الغشاشة ( حسبي الله ونعم الوكيل )

[ibnelfared]

انا بقه غير اشتريت عربية 128 بس لاخويا الحمد لله شوية شغل بسيط وماشية بس السعر كان فوق حوالى 3000 بس ربنا يعوض علينا وان مش ناوي ابيع المهم انا بقه غلطت غلطة شنيعه انى قبضت 2000 جنية بتوع جمعية ورحت واخد الف ودفعت مقدم موتسكل جديد والباقي مصاؤيف تجميع وترخيص ودلع الموتسلك وصرفت ام الفلوس على الموتسكل قعد كتير ؟؟ هو 13 يوم مفيش غيرهم وقابلني واحد كان من اعز الاصحاب ( الله يسامحة ) واول كلمة قالهالي انت عندك عربية وموتسكل والله العظيم ان تاني يوم الموتسكل انسرق منى وحتي هذة اللحظة بدفع فى القسط ولسه باقي 5 شهور وربنا يعوض علينا
كل واحد بيتعلم بس محدش بيتعلم ببلاش بس كلمة وحدة تكفي الناس الغشاشة ( حسبي الله ونعم الوكيل )

الحمد لله على كل شىء وقدر الله وماشاء فعل .
الحمد لله أنها جت على قد كدة وبرغم أنك أصيبت بس كانت نظرة حسد مش ضحك عليك .
ربنا يعوضك أن شاء الله بس المهم تكون عملت محضر وأتخذت الأجراءات السليمة عشان أن شاء الله تكون عملت ألى عليك وربنا يدلك على ألى سرقة .

[Ahmed sahab]

الحمد لله على كل حال والحمد لله انى بحب امشي نظامي جدا لدرجة فوق ماتتخيلوا انا طبعا عملت محضر وصورت الرخصة وثبتها فى المحضر وكل شئ والله يعوض علينا وعليكم جميعا